سؤال مهم يااخوان هل الصدام الصب يسقط التأمين؟ لمن عنده اجابه شافية

[N أبورغد N]

السلام عليكم ورحمة الله وبركاته

مثل مافي العنوان التامين هل يسقطه تركيب صدام صب
لاني ناوي اركبه وابي العلم الوكاد لاهنتوا
ارجوا افادتي مشكورين

[مطنوخ قطر]

شركات التامين بارك الله فيك تتحجج باي شي حتى ماتصلح السيارة,وش عاد لو انك تحط صدام صب,ادري اجابتي ماهي شافيه, بس قريت وسمعت ان التامين مايصلح ولايتكفل,يعني يملص بسهوله.........وسلامتك.

[بوعبدالعزيز84]

وعليكم السلام ورحمة الله وبركاته
الموضوع بيد عسكري المرور او موظف شركة نجم اذا حولوك للتأمين بدون ما يعارضون على الصدام ماعندك مشكلة اما شركة التأمين حتى لو طلبو معاينة السيارة تقدر تنزل الصدام قبل لا تراجعهم للمعاينة

[N أبورغد N]

شركات التامين بارك الله فيك تتحجج باي شي حتى ماتصلح السيارة,وش عاد لو انك تحط صدام صب,ادري اجابتي ماهي شافيه, بس قريت وسمعت ان التامين مايصلح ولايتكفل,يعني يملص بسهوله.........وسلامتك.

انا اعرف التامين ولي معهم تجارب
اذا لقوا حجه مايفوتونها وانت وشطارتك لكن حتى الواسطه تمشي عندهم
والله المستعان
وماقصرت يالمطنوخ


وعليكم السلام ورحمة الله وبركاته
الموضوع بيد عسكري المرور او موظف شركة نجم اذا حولوك للتأمين بدون ما يعارضون على الصدام ماعندك مشكلة اما شركة التأمين حتى لو طلبو معاينة السيارة تقدر تنزل الصدام قبل لا تراجعهم للمعاينة
معاك حق لكن ابي نظاما
وعلى فكره ترى المعاينه تتم عن طريق الصور الي يسويها نجم الا اذا جاء المرور لحاله
وماقصرت يابوعبدالعزيز

[Noz]

اخوي ما قريت بوليصه التأمين قبل ما تامن على سياره هل فيها بند من البنود يذكر فيها تغير ملامح السياره او شي من هل قبيل ؟
اذا مافيها توكل على الله وركب

[jelail]

اذا تقصد الدعامات في الصدام الامامي

امس في الغرابي مسوين المرور نقطة تفتيش اي واحد مركب دعامة يشال في سطحة
شرطي المرور قال لي ازلها ترا فيها سطحة وانت بكيفك وتركي في حالي لان معي العائلة

[ABU HAIBAH]

النظام النظام الامور كلها حسب المزاج

[PATHFINDER 4]

اتوقع قالك شل الدعامة لان بعضهم يخفي اللوحة بطريقة ماتظهر كامل البيانات المسجلة عليها
مشددين مرة على اللعب باللوحات

وبخصوص استفسارك يالعتيبي مريت قبل سنة التعاونية وامنت عندهم ضد الغير
وموتري فيه دعامة ووقتها سبحان الله قريت موضوع هنا بمكشات يحذر من الدعامية وان شركات التامين يلغون عقدك بسبتها قمت ونقزت لنفس المكتب او الفرع وسالت نفس الموظف يقول مالها دخل في الغاء العقد عاد مدري اذا تغيرتشروطهم وافضل شئ تسال المكتب قبل عن هالشئ وتتاكد واتخليه يسجله في العقد

صدام صب لاقدر الله فيه حياة وموت