هل من عوارض لحماية أبواب السيارات من الخبثاء والبلطجية في مواقف السيارات

[أنصر نبيك]

الســــلام عليكم ورحمة الله وبركاته

شباب هذا موضوع مهم اليوم كنت مع خويي واقفين عند أحد المولات وفجأة وحنا مو بعيدين عن سيارة خويي وقف باكستاني سيارته ونيت قديم مايسوى ثلاثة آلاف ريال جنب
سيارة خويي وهي فاخرة وغالية وقام الباكستاني وفتح الباب بكل قوة طاااخ :eek: وضرب في
باب سيارة خويي الذي مات من القهر وبصراحة هممنا بضرب الباكستاني لكنه كان عملاق
وكان معه 4 من خوياه فأكتفينا بالتوبيخ والتهزييء وشفنا آثار بوية الباكستاني على باب
سيارة خوينا أزلناها فيما بعد بشوية واكس السؤال هذه الحوادث كثيرة جداً وتقريباً شبه دائمة

فهل هناك شيء يباع لحماية الابواب من هؤلاء الاصناف من البشر ؟ وهل من حلول أو تجارب مفيدة

أعتقد انه موضوع يهم الجميع فأرجو التفاعل

[تساهيل1]

كان طلعت مفتاح العجل ورجفته مكسور الرقبه خليته يعرف ان الله حق

مافيه حل وانا اخوك الا انك توقف بعيد عنهم او تلبس الباب صاج من الخارج هههه وهذي صعبه جدا

مالك الا تدور موقف تحت المول هذاك مايجونه الدبش

وب التوفيق

[كثير السؤال]

الفلينه اللي يحطونه بالباب يمكن تصصلح

[ابوعمر1397]

ما فيه غير هاالحل

http://www.mekshat.com/pix/upload05/images250/mk80735_hhh.jpeg

[راعي الاكستير]

فيه حل تجلد البيبان جلايد شفافه نفس الي تجي في الوجهه عشان الترميل


هاذي تخلي المخوش البسطة ما تلمس البوية لاكن القوية مرة مامنه حماية

[x.ls1.x]

الحل عجرا تحت المرتبه عشان لاجا مثل هالباكستاني تهفه بها ولا تقول عملاق

[mekshaat]

دايم نحصل الخدوش بجوانب السياره بالمواقف بعضهم يمكن أطفال يفتح
باب سيارتهم بدون مايدري لكن مره لقيت الطعجه في عارضة الباب الخلفي
جنب القزازه مدري كيف صارت بالطريقه هذي.

[ابومارية]

الا فيه وموجد بأكثر السيارات وكاله وهو مايعرف بالمسطره الجانبيه للبدي

البعض يحسبه للزينه ولكنه للوقاية حيث تركب في ابرز منطقه من البدي

[المميـز]

:

مشكلة منتشره وحلها صعب خاصه اللي ساكن في عماره والمواقف جمب بعض مالك حل

وان فهم الكبير وش يفهم الصغير !!

:

[قناص 28 عفيف]

الباب هين المصيبه لاوقف جبنبك واحد عليمي ورجع ريوس ولف الدركسون وهو واقف يصدم السيارات الي متوقفه بجانبه

[الوباله]

انا كنت موقف سيارتي كانت وكاله وقتها في مواقف عامه
رجعت للسياره لقيت الرفرف ماهو مخش بس والله انه ظربه تحتاج سمكره
من فتحت باب لكن ما اقول الا حسبي الله ونعم الوكيل بعدها صرت اوقف بعيد عن السيارات او فوق رصيف
لكن الحل اما الواقي الشفاف وهذي صعبه شوي ولا الفلينات الي تركب على الابواب او توقف سيارتك بعيد عن الزحمه منها رياضه ومنها تحمي سيارتك بعد الله سبحانه

[شاووش]

والله اني مجرب شعور خويك ..
وانا واقف قدام السوق ويجي واحد يوقف سيارته
وحرمته تفتح الباب بأقوى ماعطاها الله ويضرب الباب في الرفرف
والله ليومكم ذا ان الرفرف مطعوج على حجم حافة الباب
ومامنه حل لاكن الواحد زي مايخاف على سيارته يخاف على سيارات الناس
ويفضل يركب الفلين الازرق اللي يلصق على الباب اللي يباع في محلات الزينه
ولاينزل اهله بعيد ويوقف السياره وزي ماقال اخونا اللميز وان فهم الكبير وش يفهم الصغير !!

[العطاوي a511]

مالك الا طريقه اسويها انا اذا وقفت اوقف مايل شوي يعني اخذ موقف ونص بحيث اذاواحد يوقف جنبي مايقدر يخلي موتره بجنب موتري والسياره اللي اوقف جنبها اخليها بعيد نص موقف عشان محد يوقف بيننا واذا طلع يكون الموقف كبير اذا جاء غشيم مثل الباكستاني يوقف على راحته بعيد عني

[أنصر نبيك]

كان طلعت مفتاح العجل ورجفته مكسور الرقبه خليته يعرف ان الله حق

مافيه حل وانا اخوك الا انك توقف بعيد عنهم او تلبس الباب صاج من الخارج هههه وهذي صعبه جدا

مالك الا تدور موقف تحت المول هذاك مايجونه الدبش

وب التوفيق

مفتاح العجل فيها طال عمرك سين تقسيم ص ( قصاص) ههههههههه
الله يعين على الدبش المنتشرين بكثرة :)
تحياتي

[أنصر نبيك]

الفلينه اللي يحطونه بالباب يمكن تصصلح

مشكور ياغالي على الرأي وفقكم الله

[أنصر نبيك]

ما فيه غير هاالحل



http://www.mekshat.com/pix/upload05/images250/mk80735_hhh.jpeg

هههههههههه اضحك الله سنك

[أنصر نبيك]

فيه حل تجلد البيبان جلايد شفافه نفس الي تجي في الوجهه عشان الترميل


هاذي تخلي المخوش البسطة ما تلمس البوية لاكن القوية مرة مامنه حماية

رأي ممتاز جعلك تسلم

[أنصر نبيك]

الحل عجرا تحت المرتبه عشان لاجا مثل هالباكستاني تهفه بها ولا تقول عملاق

ههههههه بس طال عمرك خوينا رجال مطوع ومسالم وماهو حق هالشغلات
تحياتي

[أنصر نبيك]

دايم نحصل الخدوش بجوانب السياره بالمواقف بعضهم يمكن أطفال يفتح
باب سيارتهم بدون مايدري لكن مره لقيت الطعجه في عارضة الباب الخلفي
جنب القزازه مدري كيف صارت بالطريقه هذي.

احتمال باب جيب همر أو سيارة كبيرة الله يعين بس

[أنصر نبيك]

الا فيه وموجد بأكثر السيارات وكاله وهو مايعرف بالمسطره الجانبيه للبدي

البعض يحسبه للزينه ولكنه للوقاية حيث تركب في ابرز منطقه من البدي

صحيح لكن هذا يتوقف على نوع السيارة التي تقف جنب سيارتك وكبر حجمها فلو كانت أكبر من سيارتك فلن تكون الضربة في المسطرة بل فوقها :)

[أنصر نبيك]

:



مشكلة منتشره وحلها صعب خاصه اللي ساكن في عماره والمواقف جمب بعض مالك حل


وان فهم الكبير وش يفهم الصغير !!


:


أي والله منتشرة بكثرة أنا رأيي دائماً يكون للواحد سيارتين سيارة للعمل والنزهة وأخرى قرنبع
للأسواق والمشاوير القريبة عن نفسي خذيت لي هللي غمارة خصصتها لهالشغلات
تحياتي

[أنصر نبيك]

الباب هين المصيبه لاوقف جبنبك واحد عليمي ورجع ريوس ولف الدركسون وهو واقف يصدم السيارات الي متوقفه بجانبه

هذا مصيبة أعظم الله يستر

تحياتي

[أنصر نبيك]

انا كنت موقف سيارتي كانت وكاله وقتها في مواقف عامه
رجعت للسياره لقيت الرفرف ماهو مخش بس والله انه ظربه تحتاج سمكره
من فتحت باب لكن ما اقول الا حسبي الله ونعم الوكيل بعدها صرت اوقف بعيد عن السيارات او فوق رصيف
لكن الحل اما الواقي الشفاف وهذي صعبه شوي ولا الفلينات الي تركب على الابواب او توقف سيارتك بعيد عن الزحمه منها رياضه ومنها تحمي سيارتك بعد الله سبحانه

الحل وأنا اخوك مع هالبشر لايوجد حل
تحياتي

[أنصر نبيك]

والله اني مجرب شعور خويك ..
وانا واقف قدام السوق ويجي واحد يوقف سيارته
وحرمته تفتح الباب بأقوى ماعطاها الله ويضرب الباب في الرفرف
والله ليومكم ذا ان الرفرف مطعوج على حجم حافة الباب
ومامنه حل لاكن الواحد زي مايخاف على سيارته يخاف على سيارات الناس
ويفضل يركب الفلين الازرق اللي يلصق على الباب اللي يباع في محلات الزينه
ولاينزل اهله بعيد ويوقف السياره وزي ماقال اخونا اللميز وان فهم الكبير وش يفهم الصغير !!
الظاهر الحرمة هذي مواظبة على شرب حليب الخلفات ههههه
تحياتي

[أنصر نبيك]

مالك الا طريقه اسويها انا اذا وقفت اوقف مايل شوي يعني اخذ موقف ونص بحيث اذاواحد يوقف جنبي مايقدر يخلي موتره بجنب موتري والسياره اللي اوقف جنبها اخليها بعيد نص موقف عشان محد يوقف بيننا واذا طلع يكون الموقف كبير اذا جاء غشيم مثل الباكستاني يوقف على راحته بعيد عني

طؤيقة فيها دهاء فعلاً لكنها قد تكون مجحفه في حق الآخرين الا توافقني الرأي
خالص الود

[صقر برزان]

الله يعين مشكله عويصه وخاصه لهل السيارات الجديده والغاليه
وانا سيارتي من يومين مدعومه وهي واقفه طير الصدام وراح
ناس ما تخاف الله

[mjjjed]

الله المستعان هذي مشكلة عامة والمسطرة تقي باذن الله ولكن المشكلة في الباب الخلفي باب الراكب والفروض كل صاحب سيارة يركب الفلينة على الابواب هذا اذا خلوها البزران لان ايجاد موقف مناسب وسيارة ثانية ماهو ممكن على كل حال

[سيف وقلم]

طرح مميز لكن لم توفق في العنوان ...

[المميـز]

:


الربل حقات الباب ودك يخلونها شرط اساسي بالفحص الدوري :D:)

واللي مايركبها ماينجح موتره بالفحص :)

؛

[اشهب .]

اشهد بالله لو يصير بالفحص

الوالد عند مدرسه بنات هفشو رفرفه

باب جمس وبنات اخر زمن