بستشيركم يااهل المشبات واهل الجبس بالصوره ؟

[قلايد الخيل]

السلام عليكم ورحمة الله وبركاته

بستشيركم عن شغله لان ماعمري سويتها والي مجربها يفيدنا الله لايهينه

1-الجبس هل يتغير لونه مع الوقت او يخرب شكله؟
2-السعر التقريبي للمتر بكم؟
لاني ناوي السبت ان شاء الله اسويه بس قلت بشوف المجربين اول
نفس الي بصوره




http://www.mekshat.com/pix/upload04/images196/mk135544_3_thumb.jpg (http://0o1o0.com/vb/showthread.php?t=74486)


واذا في اشكال افضل منها مايمنع تفرجوني عليها:D:good:


ومشكورررين وماقصرتوو

[الامل بالله]

عطر لسانك بذكر الله ,,,, لا اله الا الله .

لرفع رفع الله قدركم في الدارين

[الجمس]

السلام عليكم
شف وانا اخوك ان كانك من هل الرياض رح لجنوب الرياض مقابل سوق الحمام تلقى محلات الجبس فيها قوالب مصبوبه جاهزه للتركيب طب وتخير الشكل اللي ترغب فيه وتراه رخيص ان كانه على خبري عين اللى تبى ودورلك على حرفي جيد واتفق معه على التركيب وره اللعينه اللتى اخترت وكاسره حسب السعر اللي انت عارفه اصلا من المحل ترى اكثرهم نصابين وتبي تتفاجاء بسعر القوالب من ريالين الى عشرين للمترجاهز للتركيب وبعد ما تركبه ادهنه ببويه بيضاء ولا يتغير لونه ابد ولكن اذا يبي تعرض للحراره ما انصحك بالجبس لانه يتشطب . اتمنى لك التوفيق

[ابولولو]

اخوى السعر على يختلف من معلم الى معلم ومن شكل الى شكل

الشكل الى انت حاطه متره الطولى حوالى من 8 الى 12 وفيه شكل عريض وسخيف واهم شى حطه على اسمنت

والاشكال اذا بغيت ادخل النت او رح لمصانعهم حقين الجبص تبى تشوف اشكال والون ومحلهم مقابل سوق الحمام من غرب وتشترى منهم ارخص بكثير وتلقى معلمين باالسوق واجد يركب لك واشرط عليهم انه يكون موزون ميه باالميه

وتغير اللون يبطي مايتغير اذا حطيت بويه اصليه مثل جوتن وهمبل ودايروب وسقما والجزيره ولا تحط بويه لاماع لان منظرها غير جيد حط مطفى او لمعه خفيفه جدآ

كان معى معلم جبص اتعامل معه من 15 سنه بس للاسف امسحت الارقام ودى اخدمك

[قلايد الخيل]

يعطيكم العافيه وماقصرتو للاسف ماني من الرياض


بس البويه لازم يعني؟
لان الي بصوره وكل الي شفت الصور بالنت ماكنهن مصبوغات
يعني لازم البويه؟

وانا حصلت المتربـ17 ريال يشمل التركيب وكل حاجه هل سعره زين؟
واذا عندكم اضافات ماتمنع بخصوص الجبس

معليش كثرت الاسئله وانا مستعجل بسوي

تحياتي للجممميع

[صقر برزان]

الله يسلمك الجبس ما يتغير لونه ولا يخرب شكله
والصبغ لزم ينصبغ علشان يطلع شكله وجمال الديكور
والسعر والله مدري بكم الحين لكن شفلك ثلاث محلات وقرر
وبالتوفيق

[نيتروجين xp]

يعطيكم العافيه وماقصرتو للاسف ماني من الرياض


بس البويه لازم يعني؟
لان الي بصوره وكل الي شفت الصور بالنت ماكنهن مصبوغات
يعني لازم البويه؟

وانا حصلت المتربـ17 ريال يشمل التركيب وكل حاجه هل سعره زين؟
واذا عندكم اضافات ماتمنع بخصوص الجبس

معليش كثرت الاسئله وانا مستعجل بسوي

تحياتي للجممميع



بالنسبة لصبغ الجبس بالبوية ، غير ضروري وشكله بدون بوية أجمل حسب نظرتي

عندي بالبيت وبالاستراحة حزام جبس عييت على العمال يصبغونه بوية حتى يكون أجمل وكأنه قديم

إذا تبي رأيي لا تجيه البوية ، والله يوفقك وتحصل مرادك ..

تحياتي ،،

[قلايد الخيل]

الله يعطيكم العافيه يااخوان وانا مابي اصبغه احسه افضل كذا بدون
ولقيت واحد يسويه بـ17 ريال لانه بيكسر البويه ويشتغل على الاسمنت الي بالجدار
وبسوي بعد حزام باعلى الجدار
وان شاء الله تزين الامور
ولاهنتم

[تميم الوشم]

نبي صور بعد نهاية العمل ..

[حب لاينتهي]

اللون مايتغير

بس يغبر نفض عنه الغبار

[قلايد الخيل]

ابشرو بحاول انزل الصوره اذا خلص

بس وراني العامل الي بيسويلي الجبس
قالب بس فيه شوية تنقيش يعني فيه حفر صغيره وخايف انه مايكون شكله ممتاز

وحبيت اسال الي مسوين الحزام حقهم هل هو صافي ومافيه اي حفر صغيره
اتمنى الرد لانه خوفني هو ووجه

مشكورين