استشارة / ددسن دبل

[تكانة]

بسم الله الرحمن الرحيم


اللهم صل وسلم على رسولنا وحبيبنا محمد صلى الله عليه وسلم


أخواني الغالين // استفسار إن شاء الله إنه بسيط



وش رايكم بالددسن الدبل من ناحية استعمال يومي كرف في الرياض

وانتوا تعرفون زحمات الرياض وبردها وحرها ..

وكذلك كيف توفر القطع خصوصا القطع إللي تفرق عن الددسن اللي بدون دبل

سواءا كانت قطع مكانيكية أو قطع في البدي مثل الرفارف والصطبات الخلفية

وغيرها


وكيف عزمها بالبر وهل تتحمل الحمولة مثل السوزو والهايلكس


و وش أفضل موديل لها لأني سمعت نزل من الدداسن تايلندي في الموديلات الأخيرة

و وين المعارض إللي تبيعها جديدة ، وكم أسعارها تقريبا جديدة


و وش الفرق بين إللي تجي رفارفه سود وإللي تجي بيض


طولت عليكم لكن العذر والسموحة :p

[جلمود الحره]

الددسن مايختلف عليها اثنين لامن ناحية الكد طويل المدى ولا التحميل ولا القطع ومن ناحية العزم مناسب لان العزم للي استخدم الهايلوكس يلاحظ اختلاف ..وبالنسبه للدبل جيد جدا للرجال راع الطلعات البريه الخفافيه والتايلندي زي الياباني ماهناك اختلاف واجد واتمنى لك التوفيق وحسن الخيره والاختيار

[ذيب زلفاوي]

لو مكانك اخذت باثفاندر لانك بتستخدم بالمدينه وللبر والددسن صح انه يكد ومايعرف الخراب بس غير مريح وضيق

عاد انت عارف شوارع الرياض لازم يكون معك فرامل ممتاز لان الدايري يوقف فجأه والباث اتوقع فيه الانظمه حقت تعزيز الفرامل


بس اهمشي احرص على النضيف

[ابو صقر 111]

عندي لها اكثر من عشر سنين وما يوم تعطلت او ضيقت ولكن السياره ثقيله تحتاج واسع صدر وكأنها فوق كتفك وهي تكسرك من مطباتها وهي لاتنكسر والدبل اذا ما اطلعك الخفيف يطلعك الثقيل 000انها سيارة واسع الصدر الذي لايريد الخساره ويعتمد عليها بالصحراء

[المنيعي1]

الله يهديك تسأل عن ددسن الددسن مايبيله سؤل
بس الدفرنسين به ثقل شوي وهذا طبيعي أي سيارة دبل واربع سلندر تكون ضعيفة شوي

[A33333]

الددسن على ما قال كد ومد بس مشكلة ثقيل خاصة في الخطوط يتعبك
اما في البر والنفود خذ رجال

[(((.ابوتميم .))))]

السلام عليكم
من تجربه 6 سنوات وتوني بايعه قبل سبوعين
الموتر من ناحيه الاعطال قليل جدا باذن الله الي معي 2005 ومدري عن التاليه لاكن اتوقع مامن اختلاف
في المدينه ثقيل والحنه عاليه مره
في البر شعبان وارض سهله ممتاز اما نفود جيد بس بتضطر الى تشغيل الدبل الثقيل بكثره
لان الخفيف مجرد ديكور وفائدته والموتر ماشي .
والمراقي والطعوس الكبار طبعا شلها من راسك لان اي طلعه وان كانت بسيطه تؤثرعلى عزمه وبتظطر انك تستخدم الاول بكثره لان الثاني في بررود عجييب
وفي السحب والجر ضعيف جدااا
الخلاصه الموتر يقضي اللزوم فقققط وقليل اعطال وسعره مناسب وقطع غياره رخيصه ومتوفره الا بعض القطع البسيطه والنادر خرابها فهاذي بتتعبك شوي
واذا تقدر على موتر غيره خذه
وخل في بالك 4 سلندر ودبل مايشفي الواحد ابدا سوا ددسن او هايلكس
الهايلكس افضل من الددسن ب 15% او اقل من ناحيه العزم والقوه والفرق 30 الف ريال
اذا انت رجال مايهمك العزم ومهوب راعي نفود خذه
واذا انت رجال متعود على الجيوب ومكاين 6 و8 سلندر بتنصدم
الله يدلك على الصواب ويكتب الي فيه الخير لنا ولك وللمسلمين

[خارج التغطية]

السلام عليكم
من تجربه 6 سنوات وتوني بايعه قبل سبوعين
الموتر من ناحيه الاعطال قليل جدا باذن الله الي معي 2005 ومدري عن التاليه لاكن اتوقع مامن اختلاف
في المدينه ثقيل والحنه عاليه مره
في البر شعبان وارض سهله ممتاز اما نفود جيد بس بتضطر الى تشغيل الدبل الثقيل بكثره
لان الخفيف مجرد ديكور وفائدته والموتر ماشي .
والمراقي والطعوس الكبار طبعا شلها من راسك لان اي طلعه وان كانت بسيطه تؤثرعلى عزمه وبتظطر انك تستخدم الاول بكثره لان الثاني في بررود عجييب
وفي السحب والجر ضعيف جدااا
الخلاصه الموتر يقضي اللزوم فقققط وقليل اعطال وسعره مناسب وقطع غياره رخيصه ومتوفره الا بعض القطع البسيطه والنادر خرابها فهاذي بتتعبك شوي
واذا تقدر على موتر غيره خذه
وخل في بالك 4 سلندر ودبل مايشفي الواحد ابدا سوا ددسن او هايلكس
الهايلكس افضل من الددسن ب 15% او اقل من ناحيه العزم والقوه والفرق 30 الف ريال
اذا انت رجال مايهمك العزم ومهوب راعي نفود خذه
واذا انت رجال متعود على الجيوب ومكاين 6 و8 سلندر بتنصدم
الله يدلك على الصواب ويكتب الي فيه الخير لنا ولك وللمسلمين


ماشاء الله كفيت ووفيت

[الربذي]

كان معي واحد من عام 1430بعته قبل كم شهر صراحه اني فاقده ماشفت منها اي خراب نهائيا حتى القماشات ماغيرتها اشتريتها من احد عاقل ماشيه71 وبعتها ماشيه 155 تقريبا وركبت عليها هنقلين وتوانك وحملتها اغراض وسافرت ورحت وجيت بالنفود اذا وقفت وهي محمله انسى تمشي بالخفيف واذا دخلت بالخفيف تمشي والي يسايسها تطلع مطالع الجيب عزمها ضعيف وممشاها بالطريق 160 بالكاد تجيبها واذا عليك هو صلف 150
المطا ب يوم نزلت الهنقلين والتوانك وهي تكسر ظهري مطبها قاسي ومطامرها مع بعض الجسور يروع
اقتصاديه حليله مع السفاري
قطعها اكيد متوفره لاني ماركبت شي بحمد الله حافظ عليها تحافظ على مخباتك بالرغم اني ادوس عليها لان عزمها ضعيف ولااعشق بالخامس الا على 100 و120
صوتها مزعج اذلا اذا مشيت 140 تروح بل تخف الحنه
موديلها 2007 يابانيه وبعتها براس مالها حبيبه وفاقدها صراحةها تو اشوفها بحثت ولقيته بغيت ادقه عبري
هذا رابط اعلان بيعهhttp://www.mekshat.com/vb/showthread.php?t=496372 بعتهن ب47 وكثير الي كلموا بعدين يبونه بحده بس راحت ب47 الله يوفقه الي اشتراها ويبارك له ماوثق بكلامي فحصها كمبيوتر طلعت مثل ماقلت له بالضبط وشكرني على صدقي يقول الي قبلك ثلاثه يحلفون مابه خلاف ويوم فحصت بانت العيوب والفضايح سمكره وتوضيب وغيره اعذرني خرجت عن الموضوع بس قصدي لاتاثق باحد الا الله سبحانه تعالى الغش صار ماينجي منه الا من كل الف واحد
احرص على النظيف عشان ماتتعب وخذ ياباني 2009 بعدها اعتقد جاء تايلندي بالرغم ان واحد مطلع 2013 مااشوف اختلف شي ربتها حتى نفس الريحه يارجل مامثل الجديد طقها وتوكل على الله سبحانه

[wafian]

السلام عليكم
من تجربه 6 سنوات وتوني بايعه قبل سبوعين
الموتر من ناحيه الاعطال قليل جدا باذن الله الي معي 2005 ومدري عن التاليه لاكن اتوقع مامن اختلاف
في المدينه ثقيل والحنه عاليه مره
في البر شعبان وارض سهله ممتاز اما نفود جيد بس بتضطر الى تشغيل الدبل الثقيل بكثره
لان الخفيف مجرد ديكور وفائدته والموتر ماشي .
والمراقي والطعوس الكبار طبعا شلها من راسك لان اي طلعه وان كانت بسيطه تؤثرعلى عزمه وبتظطر انك تستخدم الاول بكثره لان الثاني في بررود عجييب
وفي السحب والجر ضعيف جدااا
الخلاصه الموتر يقضي اللزوم فقققط وقليل اعطال وسعره مناسب وقطع غياره رخيصه ومتوفره الا بعض القطع البسيطه والنادر خرابها فهاذي بتتعبك شوي
واذا تقدر على موتر غيره خذه
وخل في بالك 4 سلندر ودبل مايشفي الواحد ابدا سوا ددسن او هايلكس
الهايلكس افضل من الددسن ب 15% او اقل من ناحيه العزم والقوه والفرق 30 الف ريال
اذا انت رجال مايهمك العزم ومهوب راعي نفود خذه
واذا انت رجال متعود على الجيوب ومكاين 6 و8 سلندر بتنصدم
الله يدلك على الصواب ويكتب الي فيه الخير لنا ولك وللمسلمين

كفيت و وفيت الله يجزاك الف خير

[تكانة]

ما شاء الله تبارك الله


الكل يمدحها هنا ولكن فيها عيوب أجمع عليها الأغلبية وهو ضعف العزم

وأعتقد هذا بسبب رفع السيارة ، وكذلك الحنة


طيب وش المعارض إللي تبيعها ؟ وكم أسعارها جديد

وهل هو فئة وحدة أو فيها الفل ونص الفل والاستاندر ( GLE _ GL )

[الربذي]

ماادري ياخوك من تالي صارت تايلندي بس الماشي الي قزازه كهرب وبعضها يجي رموت على مااعتقد ماني متاكد بس الغير مرغوب الي كشنه ازرق او رمادي وقزازه عادي
احرص على قزاز كهرب والجديد مامثله كده خمس سنين مع ستر الله مايطلب الا زيت وكفر

[شاهين12]

هلابك اخوي :تكانة.

الددسن ممتازه عمليه جداا كانت معي 2005 دفرنس مشيتها فوق 100الف خلال سنه وعليها .
كرفتها كرف استخدام بر و خط ، ماشكت بشي الا غير زيت ونفخ الفلتر حق البخاخ وغير بواجي وسيور مكينه .
الحراره الربع بشتاء ولا صيف ماترتفع ابد والمكيف بعز القيض الظهريه ثلج
واقفه ولا تمشي .
بديها متماسك ولا تفكك.
الحنه سببها المروحه وتطلع على سرعة 120كم وتختفي بعد 140كم .
العزم نشيطه مقارنه بفئتها الاربع سلندر وعلى بديها (نشاط عزم اثناء التحرك بالنمر )

الدبل افضل من ناحية بر و فرقها عن العاديه بالشكل تختلف شي بسيط وارفع ،واذا ركبت فرارت لـ للعكوس الاماميه تكون نفس العاديه بالخفه تقريبا اثناء القياده في المدينه.

والله يكتبلك الصالح..

[ابونبيل]

كان قدرت على الهلي الدبل لو مستعمل تراه موتر نشيط

اما الددسن ممتاز صمله بس انه ضيق بالمرتبه الخلفيه وعزمه ثقيل والسبب وجود دفرنس قدام !!

[بحر الاشواق]

يارجال مامثل الجمس اذا تقدر عليه
تراه شيخ

[اسبيدر مان]

ماسبق اني جربته
لكن السياره ماقلت بشارع عبث

[وجعين]

عن تجربه2010 خليجي غمارتين مريحه بس ما به عزم عجوز سعودي 2009 حليل عزمه يعني ما تقارنه بلخليجي وتوقع الاختلاف يا بلقير يا بدفرنس لان المكينه وحده وطبعا ما تقارنه بلهلي ابد

[محمد الهديب]

سلام عليكم حياك الله اخي العزيز .. اولاً انا استغرب من بعض الناس الرجال يقول ددسن دفرنسين ويجي ناس تقول باثفندر وهايلكس وغيره .. اخي العزيز الددسن موتر وعزمها حليل انا خذتها 2006 وجلست معي ولله الحمد 3سنين مافيه شي ردني الحمدلله فالخط ممشاها حليو تجيب ال 170 الى 180 تزود وتنقص شوي على حسب .. الدبل يشهد الله ان عليها دبل ينشد به الظهر انا ما استخدم الا الخفيف ونااادر استخدم الثقيل .. الموتر يبيله من يناظره شوي ومن ناحية قطع غياره من اكسسوارات كشمعات واسطبات غويلي .. وكقطع ميكانيكيه مهوب شين .. لكن الددسن الجديده يقال ان قيرها او دفرنسها غير القديمه اقصد من 2006 الى 2009 .. وانت استخر والله يكتب لك اللي فيه الخير ولانريد منك الا الدعاء ..

اخوك / محمد الهديب

[حر اليدين]

السلام عليكم انا جربت دبل 1997 و صديق لي كان معه 2002 ثم 2003 سياره عمليه وتكد ودبلها يشيلها اللهم فيها ثقل شوي وحاليا مع صديقي 2012 ما شكى منها ابل والده في نفودد وكل اسبوع عندها وانا كنت ناوي عليها بس ردتني ضيق المرتبه الخلفيه فحولت النيه على الديماكس دبل بعدين ترى قيمتها 73 الف تقريبا تزيد او تنقص مناسب جدا بالنسبه لاسعار الونيتات الدبل .... استخر والله يدلك على اللي فيه صالح هذا ما وددت قوله

[بو خليفه]

سعره 2014 62 الف