ارجواااا الافاااده جزاكم الله الف خير

[ابو خالد 111]

السلام عليكم ورحمة الله وبركاته
صباح / مساء الخير يا اخواني الكرام
شريت لي باترول امس موديل 92 فقط ابيه للبر
وناوي انفض الموتر من الصدام للصدام علماً بان مافيه
االا البويه يبي لها تجديد لانها مشهبه شوي
1- ابي ورشه ترشه فرن ومضمونه والضامن الله سبحانه
2- ابي ميكانيكي ممتاز لتغيير القطع الاستهلاكيه وتغيير العظلات
3- ابي كهربائي جيد ابي اصلح بطاريه اضافيه ولمبات
4- ابي محل تنجيد ممتاز
5- ابي تلفونات تشليح لبعض القطع
6- هل يسمح لي المرور اغير لونه بدون ورقه علما بان لونه الاصلي ذهبي
وابي احط عليه لون اضافي بحيث يكون مثل لون ال 97 اللي ذهبي وخط حليبي او ابيض
وجزاكم الله الف خير

[الامل بالله]

وعليكم السلام عليكم ورحمة الله وبركاته


والله حتى انا ابي كهربائي يركب بطاريه اضافيه الي خابر لا يبخل علينا .



لرفع لرفع،،،،،

[ابو خالد 111]

وينكم يالنشامى

؟؟؟؟؟؟؟؟؟؟؟

[ابو خالد 111]

فيه مكان يالغالي قالي عنه واحد من الاخوان بمخرج 17 او مخرج 18 بالرياض
بتأكد واعطيك خبر

[ابو خالد 111]

وينكم يا المكشاتيه لاعدمناااااااااااااااكم

[google-999-]

السلام عليكم ورحمة الله وبركاته
صباح / مساء الخير يا اخواني الكرام
شريت لي باترول امس موديل 92 فقط ابيه للبر
الله يبارك لك فيه ويطعمك من خيره ويكفيك شره
وناوي انفض الموتر من الصدام للصدام علماً بان مافيه
االا البويه يبي لها تجديد لانها مشهبه شوي
1- ابي ورشه ترشه فرن ومضمونه والضامن الله سبحانه
2- ابي ميكانيكي ممتاز لتغيير القطع الاستهلاكيه وتغيير العظلات
الميكانيكي الممتاز , ابو صالح التركي في الصناعية القديمه متخصص في الباترولات
3- ابي كهربائي جيد ابي اصلح بطاريه اضافيه ولمبات
فيه مراكز كثيره لكن بتكلم عن تجربتي الخاصه الي هو مركز الصبي في مخرج 15 شغل اكثر من رائع
4- ابي محل تنجيد ممتاز
محل تنجيد ممتاز محل وضاح
5- ابي تلفونات تشليح لبعض القطع
6- هل يسمح لي المرور اغير لونه بدون ورقه علما بان لونه الاصلي ذهبي
وابي احط عليه لون اضافي بحيث يكون مثل لون ال 97 اللي ذهبي وخط حليبي او ابيض
وجزاكم الله الف خير

بعد اذن الاداره الكريمه ج / 0544419686
هذا مالدي , تمنياتي لك بالتوفيق

[ابو خالد 111]

اخوي / google-999 (http://www.mekshat.com/vb/member.php?u=132966)

جمَل الله حالك ورحم الله والدينك والله يبارك لنا ولك وجميع المسلمين ويكفينا شرها

بخصوص / ابو صالح الله لايوفقه لادنيا ولا اخره اكبر نصاب شفته بحياتي

والله العظيم ما اعرفه الا يوم دلني عليه واحد من الشباب
السالفه ( شريت لي الموتر وقلت بنفظه من الصدام للصدام تخيل شريت قطع غيار ب 2500 ريال تقريبا

تتوقع كم خذى مني شغل يد ؟؟ ( 4200 )ريال واكثر قالي بنفظ لك الظفيره وتخيل الظفيره كلها اسلاك بسيطه

خذى عليها 1000 ريال والباقي ربلات بدي وشد رمانات وتركيب توماتيك مروحه ............الخ

يعني اشياء ماتتوقع يصل شغل اليد لها الدرجه لا والادهى والامر ليتني بعد كل هالخساير طلعت بنتيجه
لا طلعت الموتر من عنده طبعاً كان فيه وزن كلبليتر وقلت له هي يحتاج تغيير قالي لا قلت وش المطلوب قال ابي وجه كلبليتر وبخاخ ويبي له وزنيه يوم طلعته من عنده الا والموتر لما اطفيه واطلع المفتاح يقعد ينتفض
كلمته قال عادي امسك فيه طريق طويل تخيلو مشيته وقتها حوالي ال 150 كلم ومافاد كلمته ثانيه قال جيبه نشوفه يوم جبته له وفحصه قال يحتاج حساس ؟؟ قلت وين حساسه قال يمكن طاح من السياره خخخخخخخ
قلت ع العموم والله ماعاد ادفع ولا قرش واحد ابيك تصلح الحساس وتضبط الامور واليوم انا جاي اخذه منك وهو خالص قال طيب طبعاً اللي اكلمه السوداني اللي اسمه ( رامي ) حسبي الله ونعم الوكيل
ابو صالح كلمته شخصياً وقلت له عمالك جايبين قطع واشتغلو موتري وانا قلت لهم قطع لايجيبون ولا يشتغلون الين اعطيكم خبر
قال الشغل يتحملونه والقطع هذي اسعارها

تخيلو ياجماعه قطعه جبتها اصليه ب 40 ريال هو جابها لي ب 60 ريال يشهد الله علي هذا اللي صار

شاكر ردك الاكثر من رائع يالغالي