مهندس عبدالله .. ابي نصيحتك بالمكاين؟؟؟

[عاشق البحرE]

مساء الله الخير للجميع ..


مهندس عبد الله يعطيك ألف عافيه على ما تقدمه للمنتدى و للأعضاء و الزوار من نصائح و توجيهات و شروحات مفصله .. ما شاء الله خبرتك و معرفتك في الطرادات واسعه جدا .. الله يزيدك من فضله و تستاهل مليوون شكر على مجهووودك الجبار و ربي يعطيك على نيتك ..



حبيت اخذ بنصيحتك و خبرتك اذا ممكن ؟؟؟


عندي طراد دوسري تفصيله الروضان 24 قدم .. عليه ماكنتين 75 ياماها .. استخدمته من 3 سنوات .. المكاين مستخدمه و وضعها جيد .. و قبل سنه و نص وضبت وحده من المكاين .. سرعه الطراد لو كان وزن خفيف تصل الى 52 كم/ساعه .. و لو كان عليه 7 اشخاص ما تتعدى سرعته 47 كم/ ساعه ,,, و سرعه بالنسبه قليله خصوصا اني اقطع فيها مسافات تصل الى 40 كم .. و صار ودي اني ازيد سرعته لاني اروح جزر بعيده ..


وهذي صوره لطراد يشبه اللي عندي:




http://im17.gulfup.com/s0ow1.jpg






http://im17.gulfup.com/rM3l2.jpg







الان افكر في تغير المكاين الى مكاين اكبر .. و نصحوني البعض ماكينتين 115 او 140 ياماها ؟؟؟



مدري وش رايك أنت ؟؟ انت شفت التفصيله اللي عندي و مؤخرت الطراد رقم 7 اتوقع أحتاج ساق طويل و عكسي و لا لا ؟؟؟



ابي نصيحتك أخوي م.عبدالله بالنسبه لمكاين 2 ستروك .. أخذ 115 او 140 ياماها.. و كم تتوقع راح تكون سرعه الطراد لو ركبتهم ؟؟ وش افضل بالنسبه للصيانه ؟؟

و لأصحاب الخبرات الله لا يهينهم .. لو حبوا يضيفون شيئ او نصيحه لا يبخلون علي ؟؟



تحياتي للجميع..

[م/عبدالله]

حياك الله .... اخوي عاشق بحر
اعطيني ارتفاع القدح من المنتصف بالضبط
وياليتك تنزل المكائن وتصورها من الجنب ودي اشوف
الوزنيه .

عندك خيارين
الاول من اجل تسلم من الدوران العكسي
تركب محرك واحد 200 حصان وجنبه واحد صغير احتياط
تركيز الطاقه في المنتصف وعمل الوزنية المضبوطة للمحرك
يعطيك 60 كيلو مرتاح بحمولته

الاختيار الاخر ... 140 عكسي بتكلفه اكثر ... يعطيك تحميل
وسرعة وثبات في الممشى . ويضبط معك الفرق اثناء الحموله الكامله للقارب
بدون خوف . ومافيه فرق في الصيانه بين 115 و140 لاحد يفتيك بغير ذلك
الفرق في بعض القطع والتسعيره .

والنصيحه
ياليت تبقى على محركاتك هذه الفتره ... لين تتضح الصوره
لان عندي احساس اننا سوف نظبق نظام الامارات في منع 2 استروك

[الواهج]

كلام المهندس صحيح ومئة بالمئة

[عاشق البحرE]

يعطيك ألف عافيه م.عبدالله على الشرح ..


أرتفاع القدح؟؟ الصراحه ما أدري وش مقصوود بالقدح !!!

و هذي صورتين عن قرب للمكاين:


http://im27.gulfup.com/kdmz1.jpg



http://im27.gulfup.com/65dC2.jpg



بالنسبه للمكاين تشيل الطراد بس السرعه قليله و خصوصا اني انزل رحلات صيد و العدد المسموح فيه 8 اشخاص غيري انا .. و اللي سمعته من اصحاب الخبره اني الممشى على المكاين فل سبيد مع حمل يهلك المكاين و يتعبها ,, و حبيت اني أغير لمكاين اقوى تمشي الطراد و هو مرتاح و سرعه أكبر ..



شغله ثانيه انصحوني فيها بعض الناس .. اني أقرب المكاين من بعض و أخليها بالنص سواء 75 او 115 او 140.. راح تعطيني سرعه أكبر .. هل الكلام هذا صحيح ؟؟؟


و الف شكر لك م.عبدالله على التعاون و تقديم النصيحه ..

[عاشق البحرE]

يعطيك ألف عافيه أخوي الواهج على المرور و التعقيب ..

[م/عبدالله]

شغله ثانيه انصحوني فيها بعض الناس .. اني أقرب المكاين من بعض و أخليها بالنص سواء 75 او 115 او 140.. راح تعطيني سرعه أكبر .. هل الكلام هذا صحيح ؟؟؟

هذ كلام غير صحيح ... اذا التحمت لولبة الرفاسين مع بعض بسبب
القرب .. يعطيك تفريغ ..ويصبح لديك قدرة ضائعه .. كلما ابتعد المحركين عن بعضهما كان افضل
لذلك المسافه المسموح بها بين المحركين 15 انش لاتقل عنهما . تبدأ
من حرفي افخاذ الهيدروليك .

http://im20.gulfup.com/OGVB2.jpg (http://www.gulfup.com/?hSCh7N)


بخصوص ارتفاع القدح ( الرقعه) هذا ما اقصده

http://im20.gulfup.com/Vqse1.jpg (http://www.gulfup.com/?xjJa3j)

[عاشق البحرE]

حاليا انا في الدمام و طرادي في الجبيل ..

بس اخذ المقاس و أقولك كم بالضبط مهندسنا..

[عاشق البحرE]

شغله ثانيه انصحوني فيها بعض الناس .. اني أقرب المكاين من بعض و أخليها بالنص سواء 75 او 115 او 140.. راح تعطيني سرعه أكبر .. هل الكلام هذا صحيح ؟؟؟

هذ كلام غير صحيح ... اذا التحمت لولبة الرفاسين مع بعض بسبب
القرب .. يعطيك تفريغ ..ويصبح لديك قدرة ضائعه .. كلما ابتعد المحركين عن بعضهما كان افضل
لذلك المسافه المسموح بها بين المحركين 15 انش لاتقل عنهما . تبدأ
من حرفي افخاذ الهيدروليك .

http://im20.gulfup.com/OGVB2.jpg (http://www.gulfup.com/?hSCh7N)


بخصوص ارتفاع القدح ( الرقعه) هذا ما اقصده

http://im20.gulfup.com/Vqse1.jpg (http://www.gulfup.com/?xjJa3j)




صباح الخير مهندس عبدالله ..


أخذت المقاس التقريبي لان ما كان عندي مقاس بالمتر.. و كانت بين أعلى ارتفاع الى أخر نقطه في الأسفل كما هو موضح في الصوره و طلع عندي 55 الى 60 سم !!!


و سؤال ثاني لو فرضنا ان مكانتين 115 حصان مناسبه .. وين الأفضل دوران عادي و لا عكسي و ساق طويل و لا ساق عادي ؟؟؟



و شاكر و مقدر لك المجهود أخوي عبدالله .. و ربي يزيدك و يكثر من أمثالك ..

[م/عبدالله]

حياك الله

الاختيار ساق طويل ... وبخصوص 115 حصان لايوجد اتجاه عكسي
ماخبرت ان لهذه المحركات اتجاه عكسي .. الا في المحركات التي تأتي
من امريكا على القوارب ونادره.. الاتجاه العكسي لدينا 140 وفوق .

الاتجاه العكسي للقوارب ذات الحرف V وخاصه الثقيله افضل