استفسار عن الشد

[راعي عيده]

السلام عليكم ورحمة الله وبركاته

حيالله إخواني أعضاء منتدى مكشات :l

أنا عندي ددسن دفرنسين وناوي أركب عليه شد
الحقيقة أنا ما عندي خبرة بالشدود لكن ودي بشد يكون: سعره معقول+يقفل
اللي يعرف ورشة شغلها زين لا يبخل علينا أهم شيء الشغل الزين السعر ما يهم بقدر الجودة


بالنسبة للمكان ما عندي مشكلة (الرياض أو القصيم)

وشكرا

[يزيد 999]

أفضل ثلاثة الاختيار بحايل وعروق الشمال ببريدة والوادي بالرس طبعا اتكلم عن الشد الهنقلين اللي يفتح مع ثلاث جهات

[مافيه]

اخوي لازم تحدد وش استعمالك وشكل الشد الي تبيه وفيه انواع كثيره واشهرها اثنين وهي الي انصح بها

الشد الي يفتح من ثلاث جهات مثل حق الاختيار و السنيدي
عيوبه : ثقيل على السياره و ثقيل في الفك و التركيب يحتاج من الرجالين الى ال4 رجال في فكه وتركيبه حسب الموتر وسعره مرتفع من ال2000 الى ال6000 ريال حسب السياره و الاغراض الموجوده فيه وموترك ما اتوقع يتعدى ال4000 ريال
ميزاته : ثابت تقدر توصل لاي منطقه بالصندوق بسهوله عمره طويل لايقل عن ال4 او 5 سنوات اذا كان التفصيل ممتاز فيه قفول بمفاتيحها

عن نفسي ماجربته وانحشت عنه من شفت موتر خوي لي يتعذب بفكه وتركيبه ((ينفع لواحد يتركه على ماهو عليه من يركب بالصندوق مايفكه الا اذا كان له نيه يبيع الشد او السياره))

وفيه عندك العقرب صراحه هاذا الي يناسبني اكثر ((مع العلم موتري شاص))
عيوبه : القماش او الشد مايعيش نعمه اذا تم عندك 3 مواسم و اذا كان الشغل لك عليه في الحديد تسمع شوية قرقعه و في بعض المواتر يخرب شكل السياره وفيه عيب كبير وهو انه يحلي بسرعه خص اذا كنت ماتركب الشارع دايم مثلي مافيه قفل وانا ما اشوف انه مهم ((ما احتجت له يالله لك الحمد))
مزاياه : تقدر في 10 دقايق تفك القماش وتصفطه وتحطه عندك في الغماره و العقرب مثل مهنا اسهل من فكه وتركيبه خفيف على الموتر سعره مناسب ورخيص العقرب يكلف تقريبا من ال300 الى ال800 ريال حسب الورشه و الرش و القماش اذا كان تنزاني اصلي من ال300 الى ال700 ريال حسب المطلوب فيه
وفي موترك اتوقع سعره مايتعدى ال1000 ريال العقرب مع الشد وموتري مكلفني حول ال1600 ريال مع الطبق وراش العقرب 3 وجيه 1 اساس و 2 بويه

طبعا انا اخترت العقرب عشان فك وتركيب الشد سهل وفي الغالب احتاج فكه خصوصا للتحميل والحمد لله هاذا ثاني موسم يمر عليه و الشد اخو الجديد وماشفت منه خلاف الا الحلا او قات الامطار و غسيل السياره وهاذي حلها سهل من بداية الموسم واوقات غسيل السياره اركب الشد يوقي العقرب عن الماء

واذا كان عندك اسائله او استفسارات عن العقرب ابشر بسعدك راسلني على الخاص ومايكون خاطرك الا طيب

[wafian]

السلام عليكم و رحمة الله

انا مركب شد على ددسن من الاختيار بحائل

الشغل صح 100 %

و السعر طال عمرك على حسب الزوائد اللي انت تتطلبها

مثلا // اذا طلبت عازل يزود عليك السعر و اذا طلبت عازل دبل ( طبقتين ) يزود اكثر

اذا اضفت طبق ( يعني طال عمرك يصير الشد طابقين ) يزود بعد عليك السعر

لكن متوسط السعر تقريبا 2300 ريال

اي استفسار انا بالخدمه

تحياتي

[راعي عيده]

أفضل ثلاثة الاختيار بحايل وعروق الشمال ببريدة والوادي بالرس طبعا اتكلم عن الشد الهنقلين اللي يفتح مع ثلاث جهات




جزاك الله خيرا على الإفادة :l

[راعي عيده]

اخوي لازم تحدد وش استعمالك وشكل الشد الي تبيه وفيه انواع كثيره واشهرها اثنين وهي الي انصح بها

الشد الي يفتح من ثلاث جهات مثل حق الاختيار و السنيدي
عيوبه : ثقيل على السياره و ثقيل في الفك و التركيب يحتاج من الرجالين الى ال4 رجال في فكه وتركيبه حسب الموتر وسعره مرتفع من ال2000 الى ال6000 ريال حسب السياره و الاغراض الموجوده فيه وموترك ما اتوقع يتعدى ال4000 ريال
ميزاته : ثابت تقدر توصل لاي منطقه بالصندوق بسهوله عمره طويل لايقل عن ال4 او 5 سنوات اذا كان التفصيل ممتاز فيه قفول بمفاتيحها

عن نفسي ماجربته وانحشت عنه من شفت موتر خوي لي يتعذب بفكه وتركيبه ((ينفع لواحد يتركه على ماهو عليه من يركب بالصندوق مايفكه الا اذا كان له نيه يبيع الشد او السياره))

وفيه عندك العقرب صراحه هاذا الي يناسبني اكثر ((مع العلم موتري شاص))
عيوبه : القماش او الشد مايعيش نعمه اذا تم عندك 3 مواسم و اذا كان الشغل لك عليه في الحديد تسمع شوية قرقعه و في بعض المواتر يخرب شكل السياره وفيه عيب كبير وهو انه يحلي بسرعه خص اذا كنت ماتركب الشارع دايم مثلي مافيه قفل وانا ما اشوف انه مهم ((ما احتجت له يالله لك الحمد))
مزاياه : تقدر في 10 دقايق تفك القماش وتصفطه وتحطه عندك في الغماره و العقرب مثل مهنا اسهل من فكه وتركيبه خفيف على الموتر سعره مناسب ورخيص العقرب يكلف تقريبا من ال300 الى ال800 ريال حسب الورشه و الرش و القماش اذا كان تنزاني اصلي من ال300 الى ال700 ريال حسب المطلوب فيه
وفي موترك اتوقع سعره مايتعدى ال1000 ريال العقرب مع الشد وموتري مكلفني حول ال1600 ريال مع الطبق وراش العقرب 3 وجيه 1 اساس و 2 بويه

طبعا انا اخترت العقرب عشان فك وتركيب الشد سهل وفي الغالب احتاج فكه خصوصا للتحميل والحمد لله هاذا ثاني موسم يمر عليه و الشد اخو الجديد وماشفت منه خلاف الا الحلا او قات الامطار و غسيل السياره وهاذي حلها سهل من بداية الموسم واوقات غسيل السياره اركب الشد يوقي العقرب عن الماء

واذا كان عندك اسائله او استفسارات عن العقرب ابشر بسعدك راسلني على الخاص ومايكون خاطرك الا طيب

المشكلة أنا طالب في الرياض ولا عندي بايكة فما أضمن عفشي أنه ينسرق في أي لحظه
ولا كان من زمان مركب شد العقرب لأنه مثل ما قلت خفيف ما قلت علومه يسره :D

جزاك الله خيرا على الإفادة وما قصرت :l

[راعي عيده]

السلام عليكم و رحمة الله

انا مركب شد على ددسن من الاختيار بحائل

الشغل صح 100 %

و السعر طال عمرك على حسب الزوائد اللي انت تتطلبها

مثلا // اذا طلبت عازل يزود عليك السعر و اذا طلبت عازل دبل ( طبقتين ) يزود اكثر

اذا اضفت طبق ( يعني طال عمرك يصير الشد طابقين ) يزود بعد عليك السعر

لكن متوسط السعر تقريبا 2300 ريال

اي استفسار انا بالخدمه

تحياتي

عافاك الله يا أخوي على الإفادة وجزاك الله خيرا :l

[راعي عيده]

سعر الشد عند عروق الشمال بـ 3450 معزول + طبق + لمبات