ماهي افضل ثلاحة سيارة ياوجيه الخير

[بن عريفج]

الاخوان الأعزاء
السلام عليكم ورحمة الله وبركاته
نحن لانستغني عن مشورة بعضنا لكي يرشد بعضنا البعض الى الصواب بكل امانه وليسة غريبه علينا ولله الحمد لأن المؤمنين اخوة بارك الله فيكم
اريد اخذ مشورتكم جعلكم تسلمون انا محتاج ثلاجة سياره تعرفون الرحلات والحر والواحد يحتاج وسيلة تبريد المهم ذهبت الى مكان الرمايه ووجده عندهم ثلاجات احجام مختلفه
ووجدت المسوق سوداني يقول الثلاجات اكترونيه صناعة صينية وكمبرسر الماني
والحقيقه لا اخفي عليكم مارتحت له لانه يسوق بطريقه غير مقبوله يحاول يقنع الزبون يشتري باي طريقة يمدح ويبرر السلعة ومن هالكلام وكل ماقلت له كيف جودة الشيء الفلاني قال مافيه اجود منه في العالم المهم اريد اشتري ثلاجة للرحلات وش افضل شي من ناحية السعر والحجم والصناعة::: بارك الله فيكم

[الخولاني]

عن تجربة خذ لك ويكو تلقاها عند السنيدي وكيلها الجديد
سعرها معقول وكد ومد ماشاء الله

[علي الشهري]

ويكو بلا تردد..

وفقك الله

[ساكن الغربية]

أنا أخذت الرمايه 45 لتر وندمت الصباح تبريدها كويس والظهر مافيه تبريد المشكله أن تبريدها الظهر ينزل إلى 20
أنا ما أنصحك فيها

[المغيسلية]

ويكو او انتل

[العرندس909]

ويكو

تبريد ممتاز

استهلاك أقل

[فالح نجد]

ايقولون في الرياض مصنع العمران لثلاجات على مخرج 9 ويفصلون لك الي تبي ويمدحونها (الي قالي معه الرمايه ويبي يغيرها بثلاجة العمران) يقول لاتنشد عن التثليج

[MماونشيM]

الويكو ولا تشاور لها معي 10 سنوات
ماعرفت الرحمه

[MماونشيM]

السنيدي اللي معي ألكترونيه 50 لتر
تاخذ تيس ابو 6 شهور والبارد وبعض الاغراض

[الوووحيد99]

الاخ الكريم بن عريفج تحية لك ولجميع اخواننا الاعضاء

من واقع تجربة في بحر الثلاجات لا تتعدى ويكو ام فرار 40 لتر( الماني الماني )

البديل لها ثلاجة الرميح 45 لتر

لاكن فيه اختلاف بين الثلاجتين من ناحية سحب الكهرب واختلاف المساحة بين الثلاجتين وفيه اختلاف من ناحية الاحتفاظ ببرودة الثلاجة من الداخل عندما تفصل الكهرب منها .

كان اختياري لك للثلاجة من ناحية الجودة والصبر وقل الخراب .


وارجو اني افدتك

[بن عريفج]

جعلكم تسلمون ماقصرتوا رحم الله والديكم

[تميم2222]

الطمره اوم فرار .. علما بانه جاني خبر الان ان كمبروسرها صيني ..ولا الرميح 50 تايونيه ويمدحونها وسلامتك

[مشوت الذيب]

بصراحه حالياً مافيه الا الويكو ٤٠ لتر ام فرار وسعرها بحدود٣٤٩٠
ولا الرميح ٥٠ لتر ب٣٠٠٠
وانا اشتريت الرميح ممتازه جداً

تحياتي

[شقردي]

ثلاجات ARB قوية

وثلاجات الرماية يمدحونها كثير

[سواق وبواردي]

اقول بسم الله
ثلاجة الرمايه صراحه انها تفوق جميع مافي السوق
مع انها ليست الاجود
لكن فيها مميزات حلوه
السعر متواضع ومعقول
التبريد والاحتفاظ بالبروده طيب جدا فيها
سرعة التبريد وهذي مهمه لاهل البر
كذلك تتحمل الكرف والشيل والحط
والاهم من ذلك استهلاك الكهربا قليل ولا تحتاج بطاريه
احتياط لها
هذي وجهة نظري من تجاربي مع الثلاجات

[دحدوح المملوح]

أحد جرب ثلاجة مست؟
ممكن أحد يفيدنا