سوء الخدمة في توكيلات الجزيرة فرع خريص مؤخرا

[ابوعمر1397]

السلام عليكم يا اخوان

من يوم اشتريت السيارة قبل اكثر من سنتين وان مواظب على الصيانة كل 8 الاف في خريص بحكم انه عندي عرض الصيانة المجانية
وكان نظامي اجي الصبح قبل الساعة 7.30 وامسك دور مع السيارات حتى يفتحون الباب طبعا مواقف سيارات الخدمة السريعة تكفي الى تقريبا 50 سيارة او اكثر وتكون فاضية دائما ومهيئة لاستقبال السيارات لدرجة انه ولا سيارة تبقى برا كل السيارت تدخل
ودائما بعد الظهر او قبل تجيني رسالة منهم ان السيارة جاهزة

الان ما ادري وش صار رحت لهم الاسبوع الماضي يوم الاربعاء وصفيت سرا يوم فتحو الباب دخلت عشر سيارات فقط يوم نزلت اشوف وش المشكلة لقيت الحوش الداخلي مليان سيارات من امس وحتى الان ما جاها الدور

وجيتهم اليوم الاحد ونفس الشي المواقف مليانة ورقم 11 سيارته في الشارع ويمكن ما يستلمونها منه
مدري وش فيهم تغيرو

في احد جرب فرع السلي

[جامعي]

كأننا نشحت منهم
حسبي الله عليهم ونعم الوكيل

[m3ax]

كثر الطلب على سيارات فورد عن اول بكثير وفي المقابل ما زادوا من مراكز خدمتهم لذلك نتيجة طبيعية جداً انه يكون فيه تكدس للسيارات ليومين وثلاثه واكثر بعد ..

توكيلات الجزيرو اذا ما لقت للموضوع هذا حل وما زادت عدد مراكز الخدمة اقل شي للدبل راح تجبر الناس انهم ايتخلون عن الصيانة الدورية فيها او انهم يعافون سياراتها ويدورون للبديل وهذا بيخسرهم في كلا الحالتين مبالغ كبيرة وعملاء بالهبل

[ابوعمر1397]

كثر الطلب على سيارات فورد عن اول بكثير وفي المقابل ما زادوا من مراكز خدمتهم لذلك نتيجة طبيعية جداً انه يكون فيه تكدس للسيارات ليومين وثلاثه واكثر بعد ..

توكيلات الجزيرو اذا ما لقت للموضوع هذا حل وما زادت عدد مراكز الخدمة اقل شي للدبل راح تجبر الناس انهم ايتخلون عن الصيانة الدورية فيها او انهم يعافون سياراتها ويدورون للبديل وهذا بيخسرهم في كلا الحالتين مبالغ كبيرة وعملاء بالهبل


انا رايح لهم في رجب الماضي كان كل شي عال العال دخلت السيارة الصبح استلمتها الظهر

وش صار في هالثلاث شهور

[m3ax]

عندك علم اخوي ابو عمر انهم من زود الزحمه سووا عروض 2013 في رمضان على سيارات ماقد نزلت في السستم مثل التوروس والفليكس وكان يسجلونها في السستم باسم اكسبديشن بعدين يطبعونها ويعدلونها بالقلم ومن قوة الطلب عليهم معاد عندهم من موديلات 2012 الا شي قليل جدا وموديل 2013 الحجز عليه لاربع شهور قدام !!!

[adnanmgh]

حسبي الله عليهم ونعم الوكيل عليهم

في جدة

خدمتهم سيئة وبعت سيارتي من خدمتهم وصيانتهم

[جامعي]

المفروض وكيل لمثل هذه العلامه التجاريه
يعي حجم المبيعات ويقابلها بخطط لإفتتاح
فروع لمراكز الصيانة
ورشتهم بجدة حوش كبير
والهنقر الفعلي لايسع ١٥ سيارة
والمهندسيين والفنيين قليليين

حسبي الله عليكم من وكلاء همكم الربح
وتشتيت العملاء
خدمة ( زفت ) وإنتم بكرامه



.

[EXPLORER2010]

السلام عليكم
انا بالنسبه لي احجز موعد عن طريق الموقع الالكتروني لتوكيلات الجزيره او عن طريق الرقم الموحد و اعطيهم السيارة في الموعد المحدد و اطلعها من عندهم نفس اليوم الي دخلتها فيه
حتى تكون لي الأولويه في ادخال السيارة للصيانه عن الي ماعنده موعد

[أبو dana]

السلام عليكم
انا بالنسبه لي احجز موعد عن طريق الموقع الالكتروني لتوكيلات الجزيره او عن طريق الرقم الموحد و اعطيهم السيارة في الموعد المحدد و اطلعها من عندهم نفس اليوم الي دخلتها فيه
حتى تكون لي الأولويه في ادخال السيارة للصيانه عن الي ماعنده موعد
نفس الكلام تماماً خاصه فرع أبها

[كاره الفورد]

اتوقع السبب لانه مبيعات فورد حطمت الرقم القياسي

ولي تجربه معاهم في فرع خريص

جاي الصباح بدري ولقيت سيارات فورد ماسكين سرى ل7 سيارات خارج بوابة الصيانه

وقلت اسحب عليهم لحد ماصارت لي مشكله معاهم وبعد مااخذت حقي منهم بعت سيارتي وشريت استخدام امريكي واسوي صيانتها بنفسي اتوقع مبياعته فورد تعدت مبيعات تويوتا

[أبو هشام راشد]

العطل تسبب تراكم الاعمال

[خالد بن الوليد]

مع الآسف حجم الورش واعدادها للوكيل ما يواكب عدد السيارات التي يبيعها ،، كل شهر تزيد المبيعات وخصوصا بالمناطق الرئيسية ولا يكون هناك خطط للتوسعة أو فتح ورش موزعة بالمدينة الواحدة والتي يستفاد منها :

* تقديم خدمة أفضل.
* الألتزام بمواعيد الصيانة .
* لا يكون هناك ضغط على موظفي الصيانة واهلاكهم بالعمل مما يؤدي الى تردي الخدمة وعدم القيام بالخدمة الصحيحة والكاملة للسيارة .

صبراً جميل ،،، الله المستعان .

[TwisToOoO]

وضعهم تمام اخي الفاضل ممكن يكون عندهم مشكلة في القطع او المشكلة من الزبائن مايخلي المفتاح على السيارة وهي في المسارات وهذا الشي يسبب زحمة اكيد

انا هالاسبوع مطلع سيارتي من عندهم وماعندي لازحمة ولا شي ولله الحمد

اذا تبي فيه فروع ثانية مثل فرع الشمال اما فرع السلي فهو للسمكرة

الي في الشمال هذا موقعه

https://maps.google.com/maps?f=d&source=s_d&saddr=24.800663,46.647161&daddr=&hl=ar&geocode=&sll=24.800039,46.646705&sspn=0.003891,0.004823&vpsrc=6&t=h&mra=mift&mrsp=0&sz=18&ie=UTF8&z=18&iwloc=ddw0

وانت متجه غرب يجيك يسار فرع وكالة فورد

وان شاء الله يطلع الموقع بالخريطه وهو على طريق الامام سعود بن فيصل امتداد شارع الثمامة باتجاه الغرب بحي الصحافة