لاصحاب الخبره وخصوصآ ملاك الباجيروا

[ابو أسامه؛؛]

ليش الجيب البجيروا ماهو مرغوب مثل الجيوب الاخرى مع انه أرخص ومواصفاته رائعه نبي اهل الخبرة و من سبق ان استخدمه ثم باعه ماهي مميزاته وعيوبه لاني فكرت اشريه قبل فتره ولا لقيت احد يشجعني ،ماهو مرغوب ،يخسرك ،غالي قطعه ،ومن هالكلام

[.أبوعبدالرحمن]

ينقل للقسم المناسب

[ذيب زلفاوي]

الناس مايبونه عشانه رخيص :D:D

[Salamah.y]

البآجيرو جودته عآلية , ياباني صميم
عيبه وكيله عندنآ , و قطع غيآرهـ نآر و قليل توفر البدآئل
يعني مآلك الا تسير على الوكآله و تآخذ أصلي ~
لكن إذا غيرت شي تغيره و انت متطمن , القطعة تكون أصلية 100%
كذلك إذا بتشتريه جديد , رآح تخسر وآجد عند البيع
الشكل الخآرجي غير جميل مقآرنة بالجيوب الأخرى << طبعاً مسألة أذوآق !!

و تلآحظ ان العيوب متعلقة بمتغيرآت
أششوف انه منتشر كثير بالكويت , ممكن الوكيل هنآك ممتآز
حتى ممكن تسأل عنه هنآك لو تبي تشري !!

,

عندنآ وآحد موديل 2003
و مآشي مآ عليه , الحمدلله

,

[mohannadAs]

السلام عليكم
انا بصراحة انا من يومي امريكي جمس 91 و تاهو ربع 95 و اخوي جرب كذا باجيرو ربع من 96 و 99 و 2000 و اخيرا 2005 كلهم ربع بس مكاينهم 3000 الصراحة بالبر رائعين و تحاول تغرز فيه ماتقدر بس عيبه انه مكينة فيها ضعف شوي بس كتجهيز من المصنع حتى ديف لوك خلفي موجود و حصلتلي ربع 2008 كامل و الكامل الله ماشي 60000 كم بس المكينة 3800 و جربته و عجبني و الصراحة ممتاز و فوق الممتاز عزم تبارك الله يطربك و رساوة عالخط و توني راجع فيه من الاردن للكويت و مشيت في هالرحلة فوق 4600 كيلو ما خليت من وادي رم لجرش للبترا و غابات دبين و الله انه عز الخوي
عيوبه صرف البانزين و مطبه قاسي و شوي صوت الهوا بس انا مو حساس للاصوات



هذي بطريف
http://www.mekshat.com/pix/upload06/images/2012/10/mk128120_img_3507.jpg

وادي رم

http://www.mekshat.com/pix/upload06/images/2012/10/mk128120_img_4115.jpg

http://www.mekshat.com/pix/upload06/images/2012/10/mk128120_img_4161.jpg

http://www.mekshat.com/pix/upload06/images/2012/10/mk128120_img_4119.jpg

http://www.mekshat.com/pix/upload06/images/2012/10/mk128120_img_4116.jpg

غابات دبين

http://www.mekshat.com/pix/upload06/images/2012/10/mk128120_img_4924.jpg

هذي هدية لكل المكشاتيين :D

http://www.mekshat.com/pix/upload06/images/2012/10/mk128120_img_4180.jpg

[ابو أسامه؛؛]

جزاكم الله خير اخواني وياراع الكويت الله يعطيك من خيره ويكفيك شره لو كنت عزابي مافكرت بغير الربع الباجيروا شكله حلوا بمعنى الكلمه لكن العائله لها وضعها

[خيال البوادي]

راح اكلمك من واقع تجربة الباجيرو الربع سيارتي .
السيارة جدا ممتازة بوجهة نظري ولتجربتي من الجودة فهو ياباني مليون بالميه وهذا الشئ مهم بالنسبة لي مع احترامي لكثير من السيارات , من ناحية البنزين تنكيه صغير 60 لتر اعبيه فل ب39 اذا مرة فظى طبعا 95 , العزم حلو لكن ماهو الافضل , مريح جدا وراسي بالخط وعن تجربة انا اعطيه افضل الجيوب الي مثله من ناحية الرساوة والامان فيه ثمان ارباقات او ست , دبله ممتاز وفيه دفلك طبعا بالبر حلو لصغر حجمه صعبة يعلق فيه فتحة ماتلقاها بكل السيارات اذا انت راعي قنص بتستانس , من ناحية الوكاله وقطع الغيار انا الحقيقة اسوي الصيانه في الوكاله سعرهم نوعا ما غالي لكن الناس اخذتها سمعه اغلب الوكالات حاليا رفعت الاسعار ويمكن سارت اغلى وقطع الغيار بعضها غالي لكن تقدر تشترري القطع الاستهلاكية والي تحتاجها من الكويت ولا البحرين ارخص وبالنسبة للقطع مافيه تجاري اصلي وفيها ميزة انا تعيش اكثر من القطع الاستهلاكية في السيارات الاخرى وتعامل الوكالة في الصيانة جدا راقي ومحترم فيه موظف اسمه انور خدووم ويحرجك باخلاقه
بشكل عام انصح بالسيارة لاكن لاتشتري الا المكينة الكبيرة 3800
موفق ..

[احب الحيى]

مشكلة الباجيرو الوحيدة ABS مانع الانزلاق وانت في النفود كل دقيقة يمسك عليك بصراحة هذي مشكلة تسبب انقلاب للسيارة خصوصا بالنفود

[azoz2011]

السلام عليكم اخوي
اولاً الله يختار لك الصالح منهم
ثانيا انا كنت مثلك متردد فيه و قريب لي مهندس ميكانيكي و يدرس بالكلية التقنية ( سيارتة باجيرو 2008 مكينتها 3800 ) قالي الموتر ممتاز لكن فيه عيوب الاول ان المكينة حقتة ضعيفة مقارنة (بالبرادو 2011 ستة سلندر) خصوصا الي اقل من 3500 ثاني شي الفحمات دايما تغير ثالث شي سعره غالي جداً جداً يعني الي مكينتة 3800 عام 2011 بحدود 147000 ريال في الوكالة و بصراحة حرام ادفعها علية خصوصا عند البيع يطيح و فوق هذا ضيق اذا عندك عائلة لانه المرتبة الثالثة لازم تشيلها علشان الاغراض
وشكرا و اسف على الاطاله

[خيال البوادي]

من العيوب الي نسيتها وذكروني فيها مانع الانزلاق حتى لو فصلته يشتغل بس مايقطع البنزين بس الصراحة مزعج بس فيه ناس تركب له فاصل كامل وماشكو منه

[mohannadAs]

yhGhGEC2YAc

[كم كيلو باقي]

انا معي باجيرو ربع 2009

راسي وحلو وقوي وجودة عالية

قاسي وغالية قطعه وتانكيه صغير


وانت بالخيار

واللي يبون يفصلون الاي بي اس والفرامل بالطعوس الطريقة كالتالي وماتبي شيء

طف السيارة وطلع المفتاح ؟(( مهمة هالخطوة لاجل مايلعب بكهرب السيارة ))
افتح الكبوت وقف عند الزاوية القريبة من باب السواق
جنب علبة الفرامل فيه فيشين واحد رمادي وواحد اسود يوصلن اسلاك باسلاك
واحد منهن اذا فصلته يطفي لك الاي بي اس .. والمانع مادري عنه لأن سيارتي مافيها مانع
شغل السيارة
اذا كان هو الفيش الصحيح بتشتغل لمبة الاي بي اس اذا مو هو طف واشبكه وافصل اللي جنبه

اذا عندك استفسار شرفني عالخاص