من أبها إلى دبي دار الحي ؟

[نبض الجنوب]

السلام عليكم

أتمنى أن يكون الجميع بخير

أود الاستفسار عن السفر برا من أبها إلى دبي بحيث يكون الطريق آمنا وسريعا وسهلا مع مراعاة محطات راحة بين المسافات الطويلة .

من خلال استعراض قوقل فإن أقصر طريق هو أبها - الخرج - حرض - الامارات

لكن هل الطريق هذا مزدوج وآمن ؟ هل تتوفر فيه المحطات ؟

هناك خيارات أخرى مثل الرياض الدمام الامارات أو الرياض الهفوف الامارات

ما رأيكم يا إخوان طبعا قدرتي في قيادة السيارة حتى 700 كم وبعدها أتعب صراحة .

[وسيـع البـنايد]

أنا قديم عهد بالطريق للأمارات ولكن يعتمد على وضعك عائلة وإلا شباب تمشي ليل وإلا نهار
حرض الأقصر لكن أقل مزايا , الرياض الأحساء أفضل والطريق فيه خدمات

[ابوغلاالقصيمي]

انصحك ابتعد عن طريق حرض بسبب تهالكه ومسار واحد ورمال متحركه وشاحنات رايحه جاي

اذا وصلت للرياض امسك طريق الشرقيه 255 كيلو يجيك مفرق الهفوف اطلع معاه 90 كيلو وانت بالاحساء

ومنها الي دبي 700 كيلو

الطريق كله مسارين وسريع ومريح نفسياً

بالتوفيق لك برحله جميله

[نبض الجنوب]

الله يسعدكم جميعا

أخوي أبو غلا هل تقصد مفرق سعد و طريق خريص ؟

[ابوغلاالقصيمي]

لا

اللي اقصده مفرق الهفوف

كل الطريقين تودي للاحساء

بس انا افضل اروح مع مفرق الهفوف

[نبض الجنوب]

فهمت عليك

تقصد طريق الشرقية ثم مفرق الهفوف

طيب فيه طريق ثاني يوصل للهفوف مباشرة غير طريق الشرقية

[لسان الحقيقة]

يا صديقي نبض الجنوب

اقصر طريق هو طريق الخرج حرض البطحاء وجيت معه قبل فترة , بدايته من عند الخرج سيئة وبعدها يزين واذا بتمشي بالنهار لاتتعداه وتراه مسار واحد فقط .

الطريق الاخر ابعد بما يقارب 100 الى 120 كيلو وهو انك تدخل الرياض وتروح مع طريق الشرقية حتى يجيك مفرق سعد بعد 90 كيلو من الرياض تقريباً تطلع معه ويوديك الاحساء ومنه الى سلوى ثم البطحاء , والطريق من سعد الى البطحاء كله مسارين .

وانتبه تروح مع مفرق جوده (الهفوف) ابعد بدون فائدة نهائياً

[نبض الجنوب]

الله يسعدك أخوي لسان الحقيقة

طريق حرض مغري لكن المشكلة أن السفرة عائلية والكثير يحذر من سلوكه في حال كانت الرحلة عائلية

النطقة الثانية أبيك تشوف المسارين في الخريطتين التاليتين أيهما تقصد :

https://dl.dropbox.com/u/33702233/Screen%20Shot%202012-10-07%20at%204.23.06%20PM.png

https://dl.dropbox.com/u/33702233/Screen%20Shot%202012-10-07%20at%204.22.44%20PM.png

وهذا طريق حرض

https://dl.dropbox.com/u/33702233/Screen%20Shot%202012-10-07%20at%204.27.56%20PM.png

[أبوسعد111]

أخوي نبض الجنوب
سلمك الله
إذا خط سيرك ( أبها - الخرج - البطحاء - دبي )
من أبها إلى الخرج تقريباً 1000 كيلو
من الخرج لحرض تقريباً 190 كيلو
من حرض للمنفذ تقريباً 260 كيلو
من المنفذ لأبو ظبي تقريباً 330 كيلو
من أبوظبي لدبي حوالي 90 كيلو
الإجمالي 1870 كيلو

اما من الرياض بيفرق بزيادة تقريباً 120 كيلو وهي لصالحك لوجود الخدمات وكل الطريق مزدوج

تروح وترجع بالسلامه

[نبض الجنوب]

أشكرك يابو سعد ماقصرت

لكن ودي توضح لي أي طريق أسلك من الرياض

بحسب الخريطة المرفقة أعلاه

[أبوسعد111]

أشكرك يابو سعد ماقصرت

لكن ودي توضح لي أي طريق أسلك من الرياض

بحسب الخريطة المرفقة أعلاه

وانا أخوك أنت حيرتني بمسألة أن حدك بالقيادة 700 كيلو

لذلك وجهة نظري
عندك من الرياض - للهفوف حوالي 300 كيلو
سواء دخلت مع مفرق سعد وخريص أو مفرق الهفوف >> ممكن تفرق معك 45 كيلو (على حسب الخريطتين المحدد فيها خروجك من الرياض )
ومن الهفوف - لسلوى 150 كيلو
ومن سلوى - للمنفذ 120 كيلو
الإجمالي ( 570 ) لذا أنصحك بالراحة بإستراحات محطات المنفذ

ومن المنفذ - لأبوظبي 330 كيلو " ممل "
ومن أبوظبي - لدبي 90 كيلو

ولعل أحد الاخوان يفيدك أكثر

بحفظ الرحمن

[نبض الجنوب]

بيض الله وجهك يابو سعد ما قصرت

[الغالي 77]

اخوي فيه طريق مختصر يقطع من الرياض مروراّ بالربع الخالي الى مركز البطحا

وطوله 450 كيلو لكن بدون اي خدمات وطريق واحد وما انصحك تمشي على في الليل

[لسان الحقيقة]

الخريطة الثالثة ..

[uae4ever]

طريق حرض غير صالح للسواقة في الليل وخاصة ايام تكون الضباب

[shy thany]

مررحبا
الموضوع قديم ( قبل شهر تقريبا ) بس عجبني التنظيم والترتيب الي فيه
وما احب اضيف شي الاخوان كفو ووفو

بس اقتراح بسيط جدااا خاصة للي يتعبون من طول المسافة لسالكي طريق الهفوف

بحكم ان المسافة طويلة انا احب اقسم الرحلة قسمين يعني :
لما احجز مثلا على يوم السبت في دبي احب امشي يوم الجمعة في الليل واروح الاحساء واسكن واتعشى
الفائدة اني اطرح تقريبا 300 من الطريق .... واني امشي في حدود 8 الصباح على دبي واوصل في وقت تسجيل الدخول للفنادق وما يضيع علي اليوم او ادخل وانا تعبان ومرهق وادور النوم

برضو للي يحب يقرب اكثر فيه محطات فيها غرف اما عند دوار سلوى او عند منفذ البطحاء بس ما اعرف عنها شي ابدا

[مطاع شمس]

ازعجتنا لاتروح