طلب مساعدة ومشورة ونصائح لشراء سيارة من الشارقة

[محمد237]

السلام عليكم ورحمة الله وبركاتة
أشكر القائمين على هذا المنتدا
وهذي اول مشاركة لي عندكم . واتمنى تكون خفيفة
--- مااطول عليكم ----
انا مسافر للشارقة يوم السبت القادم باذن الله تعالى
والسفر لغرض شراء سيارة .. ويدور في بالي الكثير من الافكار والسيارات
ساقوم بطرحها لديكم . واتمنى من لديه نصيحة . او تجربة . او شي يساعدني
وأكون شاكر ومقدر للجميع *_*
....
اولا - مبلغ السياره من 60 الف - 70الف ريال سعودي
ثانيا - السيارات اللي ناوي عليها - افالون - هوندا اكورد-فورد توروس
ثالثا- لدي بعض المعلومات بأن الشارقة يوجد بها منطقه اسمها ابوشغاره
ويوجد بها معارض+ صناعيات. والكثير خوفوني من العراقيين . وأن النصب والاحتيال كثير
في المعارض بالذات السياراه الامريكيه المعدلة .. ونصحني صديق لي بفحص اي سياره بمركز(القائد)
لكونه مشهور بالامانة والمصداقية . وانا رح اسكن قريب من ابوشغاره . ورح اعرض لكم جدولي اليومي ومااستغنى عن اقتراحاتكم من ناحيه السياره وهذا الاهم . ولانستغني . الفنادق . اجار السياره


__
رح اوصل مطار الشارقة . اقرب تاكسي . واروح على مكتب تاجير سيارات . استاجر سيارة
واروح ادور فندق قريب ونظيف وسعره ممتاز واستاجر . ويوم الاحد ابد البحث عن سيارة
طبعا رح يكون النظام . الصباح 9 اطلع على المعارض والصناعيات للبحث. الظهر نوم الى العصر . من العصر الى العشا معارض صناعيات . بعد العشا سهر الى الساعه 12 وانام . وهكذاااا

وبالنسبة للسيارات الامريكيه . أفضل اشتري سياره مصدومه صدمه خفييييييييف وانا اقوم بتصلحيها
طبعا بعد التشييك على تقرير كارفوكس. اتاكد من وجود هذي الصدمه فقط . واتاكد من عداد المشي ..




بأنتظار . الاراء والمقترحات والنصائح ..

وبالتوووووووووووووفيق للجييييييييع

[ابو سند 2003]

تبي الراي
حياك قطر وشوف موقع qatarsales

[المميـز]

:

بالنسبه للمبلغ خذه معك كاش محول بالعمله الاماراتيه

واذا توفقت بشراء موتر وناوي ترجع عليه
حبيت اقولك ان دوام اللي يصدرون لك السياره على الحدود السعوديه من ٨ ص الى ١١ م
اما دوام الجمرك الاماراتي ٢٤ ساعه :)

اسأل الله لك التوفيق في رحلتك

:

[محمد237]

حياك قطر وشوف موقع qatarsales

الله يسلمك ويحييك
المشكله حجزت على الشارقة والوجهه هناك
نزوركم مره ثانيه على خير .
أشكر لك طلتك الحلوه بالموضوع

[محمد237]

بالنسبه للمبلغ خذه معك كاش محول بالعمله الاماراتيه

واذا توفقت بشراء موتر وناوي ترجع عليه
حبيت اقولك ان دوام اللي يصدرون لك السياره على الحدود السعوديه من ٨ ص الى ١١ م
اما دوام الجمرك الاماراتي ٢٤ ساعه

اسأل الله لك التوفيق في رحلتك

______________
المبلغ . عند اخوي وبيحوله في حال الشراء والأمر هذا بسييط
وبالنسبة للجمارك والتخليص . اذا وفقني الله في سياره بسأل أكيييد عن دوام الجمارك والامور هذي
لأني ناوي اطلع بر . اجرب الموتر بالمرره والمسافه بتكون 2400 كيلو *_*
مشكور على المشاركه والطله ياعسل


بأنتضار البقيـــــة *_*

[الحر النداوي1]

بتتعب يالغالي النظيف ورخيص الشريطيه حقينا يلقطونه لانهم متعاملين معهم
وان حصلت منت سالم من غشهم
اعرف واحد راح بيشتري جلس اسبوع ولا حصل شي يستاهل

[مسير عليكم]

يالغالي الله يوفقك

وزي ماقالو لك الشباب انتبه من الغش والقايد ممتاز في فحص ومايهمه احد رحت يمه اكثر من مره وينصح وحتي لو يجيه راعي المعرض يتسحبل يكرشه وهذي صايره معي

اخوي بالنسبه لجماركنا لازم تصير عندهم قبل 10 يعني 9 تصير مسنتر عندده لانهم نفسيات ونفسيات خايسه هههههههه مجربهم

اذا تبي سكن فالسكن في الشارقه رخيص من 160 ونت طالع وتحصل ارخص

[حيهلا]

السلام عليكم الله يوفقك وييسر امرك
انصحك ياخي بالاستخارة قبل شراء اي سيارة
وارجوك الحذر ثم الحذر ثم الحذر من التعامل مع اصحاب المعارض هناك انا شخصيا شريت اكثر من ست جيوب من الشارقه اوخمس نست لكن شريت سيارة قبل سنتين ب45000الف درهم واكل علي صاحب المعرض عراقي ولا رجعت دراهمي الاقبل شهرين تقريبا بعد شكاوي وخسارة اكثر من 15 الفورجعن عن طريق الشرطه والفضل لله وحدة,وانصحك اسكن بفندق ستي ماكس نظيف وهو بوسط المعارض بمنطقه ابوشغارة شارع الوحدة,,واكرر لاتصدق احد افحص غشششششاشيين,واما بالنسبه لجمارك منفذ البطحى اخالف اخي الي قال تعاملهم سئ بل تعاملهم نعال تكرمون الا اذا كنت تعرف احد تمشي بدري وسعر جمرك رخيص,ولا تنسى تاخذ معك ماء وأكل عند الجمارك قفراء وقحط وعادي لو تجي بعد الضهر يقول اقعد لين بكراء الصبح

[حيهلا]

وخذ المبلغ كاش احسن لك التحويل السريع غالي للامارات يمكن تخسر حوالي 3000ريال عند تحويلك على الوسترنيون،،،والحوالة تاخرك .

[محمد237]

مشكورين والله يعطيكم العافية
وابشركم وصلت الشارقه
ورح اوافيكم بالتفاصيل

دمتم بود

[saleh333]

مرحبا اخوي

عن تجربة كلهم نصابين ومحتالين 95 بالمية من السيارات مغشوشة من صدمات أو محركات

جميع السيارات العدادت منزله ــ كل اللي شفت من السيارات مافي ولا سيارة ماشية فوق 100 الف

كلها تحت المية ــ اصاحب المعارض عراقيين وسوريين الذمة لاتوجد ولم تخلق عندهم

بعض السيارات رشتها ممتازة فلذلك يبيلك أحد فنان للكشف عليها

وفي الختام الله يسهل أمرك

[سعيد555]

نصيحة عالسريع
دام انك حاطط مبلغ وقدره..... الله يباركلك فيه
ودام انك اتقول قاعد وبستأجر فندق
ليش ما اتشوف اماكن ثانية
مثلا العين الفجيرة راس الخيمة
صحيح يمكن الشارقة متروسة سيارات بس صدقني سعر النظيف عندهم غالي جدا واذا حصلت شي رخيص افحص عدل ولا تعتمد مراكز فحص الشارقة اطلب من صاحب السيارة يضمن لك الفحص
عشان لو حصلت فيها شي ترجعله
وموفق ان شاء الله

[vxr99]

نصيحه من تجربه ابعدعن الشراء من اصحاب المعارض
اما يبيعك بسعر مغري ويكون في الموتر بلاوي الدنيا او نظيف وسعره اغلى من اللي عندنا
حاولت تتريث وتبحث عن طريق النت واشتر من اشخاص خير لك من المعارض
والله يدلك للي فيه خير لك وللجميع

[سعيد555]

شي آخر ومهم
حاول اتشوف وكالات السيارات نفسها ممكن اتحصل عندهم موديلات اقدم او حتى مستعمل
وحاول اتشوف الناس الي داخل بالوكالة هم يكون عندهم زباين يعرفوهم عشان يبدلون سياراتهم القديمة بسيارات احدث
وشي آخر لو حصلت بيزاتك مناسبة لسيارة من الوكالة او بيزاتك قريبة منها ترا شي مهم اخبر اياه
لو سرت عمان بتحصل سعر الوكالة عندهم ارخص من وكالات الامارات وترا فيها فرق ممتاز
والله يوفقك
ودايما استعين بالله

[SAS2]

ما قصر سعيد جزاه الله خير وبالتوفيق انشالله ننتظر اخبارك

[الباشاء]

تبي الرأي ونا اخوك خل سفرتك للامارات تمشي ووناسة والسيارات الي ذكرتها بتحصلها في معارض الرياض ونظيفه هذا رأأي

[ابو محمد السهلي]

الفلوس خذها كاش التحويل/ مالك الا ٢٠ الف كل يوم ----- لكن خذها كلها-------سعودي واذ لقيت سياره حولها اماراتي من سوق نايف ----صرفهم افضل صرف--- سوقهم ---او افضل سوق عندهم الجمعه والسبت جلابه امارتيين اما المعارض

كلهم مشي سياراتهم مغشوش الامن رحم الله وبعدين ---- اسكن في فندق الهولدي ان ---وسط المعارض في الشارقه --- تحياتي وبالتوفيق