ابي رقم النافوره لتنجيد

[ذيب النشاما]

السلام عليكم

لاهنتو رقم النافوره بعنيزه لتنجيد السيارات.
وجزاكم الله خير.

[كثير السؤال]

ماعرف رقمه شف الاستعلامات
موقع المحل على شارع الملك عبدالعزيز خل دوار الساعه بظهرك وبريده بظهرك متجه جنوب كنك رايح للمذنب بعد المحكمه وقبل دوار الكواكب يجيك على اليمين
تراه غالي للمعلوميه بس شغله يبيض الوجه
وفيه محل الشلال يمدحونه لاكن النافوره افضل واشهر
بالتوفيق

[ابوعثمان11112]

حياك الله

لك رساله على الخاص

[ذيب النشاما]

جزاكم الله وبيض الله وجيهكم وماقصرتوا.
الأن أنا متواجد عندهم. واخذة رقم جوال مديرهم المصري اسامه.
اللي يبيه يرسلي خاص.

تحياتي لكم

[SAS2]

الله لايهينكم ابي رقمهم ضروري على الخاص

[SAS2]

مشكورين يا اخوان مريت النافورة شغل مرتب وتطلب الشغل الي تبية لاني كنت ابي تدبيل اسفنج قال بسيطة واذا تبي اسفنج ممتاز ضغط قوي اشتر من برا

قلت روحة وجية خلها تدبيل اسفنج من الخفيف قال طيب

طلعت من عندهم مريت الشلال وكلمت الفلبيني عن تدبيل الاسفنج قال لا ما فية وممنوع التفاهم قلت خيرة اصلا ما ارتحت للتعامل ولا لنوعية الاقمشة ما جازتلي

المهم طولتها عليكم وهي قصيرة بس حبيت اقول تجربتي بهالمحلين والي عندة نصيحة بمحل ازين منهم يقولي والنية بكرة على النافورة وسلامتكم

[ذيب النشاما]

هلابك يالغالي.

انا اليوم رحت لهم النافوره وسويت تنجيد لطبلون والطاره
واشياء خفيفه مثل مساكات اليد الاربع والجلنط والقييرين والمنديل ب150 ريال
المهم ان شغلهم طيب وتعاملعم طيب ارتحت لهم.
الشلال نويت اروح لهم بس ضيعتهم قلت ماهو لازوم.
ولا اعرف عنهم بشغلهم اي شي لكن اغلب بحثي في النت
عن تنجيد السيارات حصلت الشلال والنافوره في القصيم
والاسماعيل في الغرابي ( الرياض ).

[google-999-]

مافيه محل مثله فالرياض , انا عندي باترول فتك سلق المراتب حقت الركاب بدون تكايات راس
وابي احد يظبط لي تكايات راس ازين من اني اشتري مرتبه , ياليت تفيدوني اذذا احد عنده خلفيه عن الموضوع وياليت رقم النافوره على الخاص

[خالد 777]

يا شباب لا هنتو ابي الرقم ضروري ولا ودي اروح القصيم الا و انا مكلمهم
فزعتكم
بغيت ارسل رسالة خاصة لأخوي ذيب النشاما بس مشاركتي ما تعدت 50 مشاركة بإنتظاركم
او الي عنده يرسلي دايركت

[خالد 777]

هاه يا جماعة بشرونا احد عندة الرقم

[bo azez]

حبيبي عندك وضاح بالرياض والغاشم ممتازين جدآ ليش تعنى للقصيم

شف الرابط

http://www.mekshat.com/vb/showthread.php?t=544829

[خالد 777]

انا معك يالغالي في كل كلمة ان شغلة احترافي ...
رحت قبل فترة وعطاني سعر خرافي ب 2800 ريال ( ولا هوب نفس اللون الي ابية ) ...
انا ابي شي ممتاز و جودة وافضل شي قدامي مركز النافورة لا هنتو من يساعدني برقمة واكون شاكر لكم ...

[خالد 777]

جتني طريقة ذكية الصراحة اشكر نفسي عليها هههههههه
قلت ورا ما افتح برنامج النمبر بوك واكتب النافورة للتنجيد
وفعلا والله ويطلع الرقم وادق ولة فعلا صحيح واخذت موعد والأمور تمام
وشكرا لكم ,,,

[بلجان]

حط الرقم عشان يستفيد غيرك باهنت