محتاااااااار !! ادخل وعطني رايك

[أبوسعود 22]

السلام عليكم ورحمة الله وبركاتة

يا جماعة أنا ناوي أشريلي جيب مستعمل ومحتار بين


Vtc 2009 قير عادي وVxr 2004 قير عادي


وانا ابي موتر يتحمل واقل شي يقعد معي 4او5 سنين اذا أراد الله سبحانه
تكفون لا تبخلون علي ببعض المعلومات لأني جاهل باهل الامور
وانا ليقت هالجيبين اذا احد له رأي ثاني يعطيناوه وشكراً.

[أبوسعود 22]

وللعلم أنا اطلع للبر وطلعاتي خفيفة

[راعي الركيات]

خذ الاقل ممشي وانظف واحدث موديل وكل الشركتين سوي تايوتا اونيسان ممتازة في الاستعمال

[قناص 28 عفيف]

بددون اي تفكير فتك سعر الجديد وكاله الشكل القديم 145 الف
الفكس ار 2004 النظيف بيوصل قيمه الفتك جديد

[ابونبيل]

انصحك بالفكسار لانه افضل من الفتك بالديره سعة ومواصفات وبالبر يبيض الوجه

[أبوسعود 22]

الله يبيض وجيهكم

لكن المواتر اللي ذكرت أنا (((قير عادي )))) واهم شي بعد قطع الغيار والصيانة

[أَبوابراهيم]

انصحك بـ Vxr عن تجربة
مريح في الديرة والخطوط عكس الفتك ممتع في البر للي طلعاته للصمان مره في السنة وخفافي
قطع غيار مقارنة بالفتك ارخص بفرق واضح
صبور ومتماسك اكثر من الفتك

ولاتنسى الاستخارة قبل كل شيء

[sgl2002]

لا تاخذ فكس ار قير عايدي ابدا ابدا ماينفع

الفكس ار تاخذ تماتيك والجكس ار تاخذ عايدي

الفكس ار ياصباح مايصلح قير عايدي


وانا لو بدالك اخذ فتك ٢٠٠٩

مديل حديث ونشيط اكثر من الفكسار ونظام تعليقه دفرنسات

الفكس ار بيبدا يصلخك بالخرابات والسبب مديله قديم وشغل حساسات واجد فيه وهو اخو الكزس

[سفاري 9]

الفكسار بدون نقاش
لا من تحمل ولا من قطع غيار ولاشكل
ويدلك على السلعة ثمنها

[m3ax]

والله اللي توهق الرجال يوم جاكم يسألكم كل واحد عطاه راي

نصيحه ياخوك خذ الموتر اللي ممشاه قليل وارشح لك الباترول لان موديله جديد لكن اذا ممشاه واجد اتركه وبتحصل غيره موديل وممشى افضل لكن ما اتوقع تلاقي لاند نظيف وممشاه قليل بنفس القيمه لان اللاند غالي بشكل مبالغ فيه

[ذيب زلفاوي]

شف الي تميل له نفسك اكثر

[أبوسعود 22]

جزاكم الله خير

لكن اللي حببني للفيكسارقطع الغيار رخيصة مقارنة بالنيسان
واللي خوفني في الفيكسار بعد سمعت فيه مشاكل بالقير خصوصاً الفيكسار

[العايد999]

من قالك ان الفكسار ارخص من ناحية قطع الغيار كلهم في الهوى سوى

لكن نصيحتي لك اول شي الاستخارة

وابحث عن النظافة اولً والسعر

من ناحية الممشى حق الموتر والمكينة

لو قلت جكسار ممكن ائيدك

لكن الفكسار ما عندي علم عنه

يعطونك الشباب الراي العام

[العايد999]

ركز على النظافة

ايهم الانظف

الفتك او الفكسار

رككككككككككككز

زززززززززين

[محمد البديري]

خذ الأحدث موديل واقل ممشى

وصلاة الاستخاره اولاً

[السناعيس .f16]

وعليكم السلام و رحمة الله وبركاته
اخوي على حسب الدراهم
اذا معاك دراهم فكس ار
الباترول ممتاز اذا المكينه4800 وجديد او شبه وكاله