المساعد الشخصي الرقمي

مشاهدة النسخة كاملة : سيارة جديده من ابتكار مجموعة من اعضاء مكشات


ابو درع
05/08/2006, 03:01 PM
السلام عليكم ورحمة الله وبركاته

السياره الجديه من ابتكار مجموعه من الاعضاء تتناسب مع البيئه الصحراويه المحيطه بنا

تتمياز هذه السياره بالشكل الفريد والقوه والمتانه ،

اسم هذا السيارة ((صحراء مك - :p شي ات ))

طبعاً خاضعه للمواصفات العالميه .



معن لنبدى في تكوين اساسيات هذه السياره من قطع وا البدي وغيره حتى تكتمل .. بغض النظر عن يركب او ما

يركب اهم شي تكون على حسب طلبكم .








:o
ابوالجازي
05/08/2006, 03:23 PM
السلام عليكم
اول شي تكون دفع رباعي
ثاني شي تكون 8 سرندل
ثالث شي فيها تانكي للماء 200 لتر
ورابع شي سعة تانكي البنزين 300 لتر
خامس شي مزوده بقارمن وجهاز اتصل من احدث الاجهزه
والباقي على بقية الاعضاء
ابو درع
05/08/2006, 03:48 PM
فيه ونش من الامام وا من الخلف

فيه بطاريتين الثانيه احتياط

كشافات فوق السياره والتحكم من الداخل

فك جميع القطع البارزه يدوياً مثل المرسيدس كبس

.
.

والباقي على بقية الاعضاء
غالي
05/08/2006, 07:04 PM
اهم شيء فيها شريحة خط جوال ولاب توب ولا يطلع الا منتدى مكشات :(
راعي الكيف
05/08/2006, 07:41 PM
تصميم مكان يحتوي عدد 3 استبنات .. >>> متوذي من كثر ماتفقع كفراته بالكشته ..!!

كفرات بعرض 260 واكثر ... ومقاس 17

تصميم مقصورة ذات خامات معينة تتتحمل العوامل الجوية المتعددة ... مطر / عجاج / سيول ... الخ

تدعيم منطقة الركاب بعوارض فولاذية في داخل البيبان لضمان سلامتهم في حال انقلاب السيارة - لاقدر الله ..

يكون الطابع التصميمي للسيارة يوحي بالقوة والصلابة وكذلك في اختيار الالوان .. ارشح اللون الاشهب مع الاسود للحدود ... والكفرات تكون شنابر واستبنة سوداء


هذا اللي قدرت عليه ... واعنذر عن الاطالة
الرسام
05/08/2006, 07:44 PM
الله يعطيك العافية يابودرع على المواضيع الحلوه
افضل لو تكون السيارة غمارتين وشنطة وحوض مثل بعض الهمرات
ابو درع
07/08/2006, 01:13 AM
اشكر كل من ساهم لبناء سيارة :- صحراء مك - شي - ات

مك :- رمز المكشات

شي :- شديده القوه

ات :- ممتازه برميلات
salehhd
07/08/2006, 01:53 AM
السلام عليكم

نسينا نظام الملاحة وصندوق العزبة
بندر متعب
10/08/2006, 04:09 PM
اقترحات حلوه
لكن لو عندنا مصانع تصينع سيارات بالسعودية كان اقترحنا عليهم هذا الشي

الحاجات المهمة بعد توفيق الله التانكي حق ماء يكون كبير
وتاكني البنزين يكون كبير مرررررررررررررره
لانه هذي تعتبر اساسية في السيارة

وكذلك تكون الكفرات من حديد يعني ما تبنشر ولا يضرها الحجر والصخور وتكون من الداير حق الكفر من الربل ومطاط القوي عشان ما تصير السيارة قاسية في الممشى
طبعا بالاضافه زي ما ذكر الاخوان القارمن والاسلكي ولاب توب راكب على الطبلون اساسي

تكون مصفحة من تحت بحديد عشان الحجر والحصى ما يلعب بالسيارة من اسفل وتستحمل المطبات والمطانيح

عدم كثرة التقنية عشان هذي ما تصلح كثير بالبر
هذي حسب اقتراحاتي البيسطة ارجو انها تعجبكم
باترول 4×4
10/08/2006, 04:46 PM
[size=3]الدعامة صحراوية فيها فاس ومسحاة ومطرقة وشنكار لتعليق الذبيحة .
والضمان 10 سنوات شامل أو 500 ألف كيلو متر أيهما أبطأ .
sameer_1798
11/08/2006, 08:08 AM
وتكون فيها مكينة 8سلندر وديزل وفرار وقفل دفرنس أمامي وخلفي والزجاجي الأمامي ينطرح وثلاجة .
جلمود 83
12/08/2006, 02:14 AM
اقول ارمادا ربع مرفوع 10 سم زياده وتانكيين الثاني نص الاول ومانع انقلاب ومساعدات قويه

وسقف بانوراما وتظليل عازل من بلده وكراسي مبطن مثل تبطين البي ام وشاشه ماجلان واتحدى

ودعامه مع صاج سفلي امامي وكشافات وتانكي ماء مدمج

ايه وعزبتي:d
الرهدن
12/08/2006, 05:36 AM
السلام عليكم /

كل اللي قلتوا مقدور عليه00
لكن0000
وين الرفيق والربع الصح فهم والله ملح الطلعة00لأنه يمكن يغثك أحدهم وتتمنى انك عند أميمك تهمزه00



.
القبقب
12/08/2006, 05:47 AM
السلام عليكم
لاتنسون تركبون لها أربع أذرعة هيدروليك مثل ألاذرعة الى راكبة في سيارة خلاط ألاسمنت (الردي مكس)علشان ترفع السيار لين غرزت .
الكاسر23
13/08/2006, 09:09 AM
السلام عليكم يا اخوان

بصراحة فكرة مجنونة، كل ما قريت رد ، اتصور الشكل بعد هالزيادات. المهم سأدلوا بدلوي في مواصفات سيارتنا:
1- أن تكون أبعادها (العرض والارتفاع) متناسبة، وأن تكون السيارة عريضة نوعا ما، حتى تكون راسية وما تنقلب بسرعة في الطعوس والميلات الشديدة بحيث يكون حجمها وشكلها يقارب ابعاد الهمر الكبير (الجيشي).
2- تكون مجهزة بـ الدفلوق (الهزاز) في الكفرات الأمامية والخلفية.
4- أن يكون الدبل 3 مستويات (مثل جيوب الويلز) .
5- تثبيت ماكينة هواء داخل الكبوت + خزان هواء بحجم يناسب حجم الكفرات الأربعة.
6- إضافة خاصية تنسيم وتعبئة الكفرات بأزرار تحكم في طبلون السيارة (ما فيه داعي ينزل السواق والركاب ينسمون ويعبون) وهذه الخاصية موجودة أيضا في الهمر الجيشي.
7- تجهيز السيارة بمحول كهربائي من 12 فولت إلى 220 فولت بطاقة (1000 وات).
8- تجهيز السيارة بأفياش كهرب في جميع جهات السيارة الأربع، لتوصيل الأنوار والأجهزة الكهربائية دون عناء.
9- تجهيز مظلة جانبية لاستخدامها في حال وجود أمطار أو شمس حارقة.
10- تثبيت ثلاجة بحجم لا يقل عن 50 لتر في شنطة السيارة (لزوم الرحلات الطويلة).
11- تجهيز مراوح إضافية امام الاديتر لتبريد المحرك.
ولكم تحياتي
أخوكم
الكاسر (أبو محمد)
هــ 2006ـــدد
13/08/2006, 11:34 PM
اهم شي تكثرون حاملات الاكواب لان الربع ماخلو ماكان بالسيارة الى وفيه خريطة من خرايط الشاهي والقهوة

واذا قلت ياعالم ارفقوا على الموتر تراه جديد قالو الي راكبين وراء مافيه شي نحط فناجيلنا به

عاد وش رايكم مهب (قبح اذنب من عذر .....)!!!!!:)
ابو درع
15/08/2006, 12:52 PM
والله شي الا بكم تشترونها لو كنت حقيقه وطبقت على ارض الواقع .


اشكر كل من ساهم لبناء سياره صحراء مك - شي - ات
الضاري
15/08/2006, 01:09 PM
مشاء الله عليكم ما تركتوا شي

والله العالم لو يتم صناعة هالسيارة على الطلبات الموجودة

ما تنقص قيمتها عن 300000ريال