خدمه الله يعطيكم العافيه

[كريم المد]

السلام عليكم

اخواني اذا بغيت اروح ل بريده من حفر الباطن


هناط طرييقين

الاول اكمل لين اوصل الارطاويه ومن ثم الزلفي لين توصل بريده

الثاني

يقولون تفرق له من بعد محطة البطيحانيه باتجاه ام عشر


سؤالي عن الطريق الثاني

كم يطيح من كيلو عن الطريق الاول
ونبي وصف له لاهنتوا


وجزاكم الله خير

[كريم المد]

للرفع

للر فع

[صالح الغفيلي]

وعليكم السلام ورحمه الله وبركاته وحياك الله اخي العزيز هنا تجد الاجابه
http://www.hafralbatin.com/a-71/a-133934/

[راعي الرجم]

اخوي فيه فرق تقريبا عشرين كيلو لصالح طريق ام العشر قبة تفرق من عندالبطيحانه ثم بعد ام العشر مفرق ثم نهايته حرف تي تفرق لقبة ثم تمسك خط ابالورود ثم يجيك حرف تي تروح يسار ثم الاسياح وتفرق يمين كله لف هد ما انصحك فيه الا وقت الامطار والربيع
لكن طريق الزلفي اكثره سريع ولا فيه مفارق كثيرة

[الصمان 2]

وعليكم السلام


سبق ان ذهبت من محطة البطيحانية / أم عشر / قبة ..... حتى القصيم


ويبلغ الخط الموصل بين أم عشر و قبة 73 كلم


وهذه خريطة توضيحية :



http://www.albrari.com/vb/uploaded/3040_01266259364.jpg


موفق يالغالي .














.

[الزامل الاول]

هلابك من ناحية الطريقين طريق مفرق البطيحانيه افضل بشكل ممتاز

والوصف بعد محطة البطيحانيه خذ يمين وسيدا الين يجيب مفرق قبه يسار كما هو موضح بالخريطه اعلاه

بعدها يجيك مفرق الطراق يسار قبه يمين خذ باليمين تدخل قرية قبه راح يجيك دوار خلك ماشي الى قرية ابا الورود

ثم خذ بااليسار الى محافظة الاسياح خلك ماشي الى ان تجيك لوحه بريده الخط يمين الطريق عموما ممتاز جدا وقريب
بالتوفيق
بس انتبه من الابل السائبه بالتوفيق

[n2555f]

افضل طريق من الحفر للقصيم ويفرق عن طريق الزلفي القديم 90كيلو