لو كشت كم تبي يكون عدد افراد الكشتة وعدد السيارات

[الوافي.]

كما هو في العنوان البعض يرغب بأن يكون عدد افراد الرحلة قليل لكي يتم التعامل مع الجميع والسالفة تكون وحدة والبعض الاخر يحبهم كثيرون لكي تكثر السواليف

عن نفسي احب العدد لا يقل عن ثلاثة ولا يزيد عن ثمانية ولا يقل عن سيارتين

[ابوصالح3]

سيارتين و6 رجال شرواك

[Al3rands]

سيارتين واربعة رجال اعتقد كفايه

[علم162]

الحقيقه على حسب الاشخاص فيه واحد جلسته عن عشره وكثير ماهم شي الرحله لها مقومات اذا وجدت ماعاد هم العدد اثنين والا عشره

[HP1300]

سيارتين و خمسة شقردية

[أبوعابد 22]

اهم شي تكون سيارتين وما تتعدا 6 رجاجيل
والسيارت ماتهمني كثرتها اهم شي لاتقل عن ثنتين

[علومك غانمه]

الكشته من ٤ الى ٦ رجاجيل وسيارتين

[حكمة الصمت]

حياكم الله

[فنجال ورجال]

موضوع طيب
أهم شيء يكونون شقردية لأن الحي يحيك والميت يزيدك غبن والعدد بكيفه
السيارات أهم شيء لا تقل عن سياراتين

[moath2700]

السلام عليكم هلا وغلا ..اهم شي عندي بالبر انهم مايتعدون السته بشرط يكون كل واحد على موتره ...وبينهم الكنود

[ذعار الغامدي]

من 5 رياجيل آلى 9 وآلمواتر ماتقل عن 3
طبعا آنا كلاممي عن آلكششْته يومين 3 آيام بالبرر
لابد من آلشيل وآلحط ونصب آلخيام آلشغله متعبه ششوُي وكل مازآد آلعدد آفضل بآلنسسبة للكشته آلطويله
آما بالنسبة للكشته آلعاديه الي يوم واحد فما يمانع آنها تكون شخصصين فقطط "
" وآلاحتياط وآججب .. ~
ولآهنت عالموضضوع آلرآئع ..

[مكشاتي 2005]

طلعه قريبه .. 3 رجاجيل و سياره 1

طلعه بعيده شوي 6 رجاجيل و سيارتين

طلعه بعيده من سيارتين الى ثلاث .. ومن 8 رجاجيل الى 10

[. ذيب ساحوق]

من 5 الى 6 واهم شي يكون حر شرواكم يالربع

والمواتر 2 ولابد بهن وحدهـ حوض ددسن او هايلكس

واذا موتر واحد العدد المناسب 3

[سعيد بن مسعدة]

لا يزيد العدد عن خمسة ولا يقل عن ثلاثة

[جمس z71]

*والله في نظري*

الكشته القريبة والعجلة يعني من الفجر الى الليل مايهم عدد السيارات والاشخاص لكن لايتعدون 12

اما المطراش والتمشية البعيدة والطويلة 4 ايام وفيها ودك العدد من 3 الى 6 وسيارتين

واهم شي اهل الدين والشقردية واهل السوالف والعلوم وافتك من الاتكالي...

مشكور يالوافي موضوع جميل ....

[هبوب الشمااال]

ودك يالذيب ٥ اشخاص موترين يابعدي ..
موضوع مميز واهنيك صرااحة..

[abu-turki2009]

من 3 لــ 5 رجال شرواكم وسيارتين للطلعات الخفيفه والقصيره
من 5 لــ 8 رجال واربع سيارات للطلعات البعيده

[ذيب ولكن]

نظامنا بالسفر والكشتات

مانزيد عن 5 ابدا لو يصير اللي يصير

وسيارتين قفط

جربنا الطلعات كبيرة العدد ما ناسبتنا ابدا

[ابوخالد2004]

سيارة وحده اذا كانت الكشته بالشتاء والعدد 3 اشخاص
والصيف يكون سيارتين و4 اشخاص

[m_s_b]

سيارتين و لاشخاص 6 الي4 شرواك .

[أبـوشـامخ]

الكشته من ٦ رجاجيل وسيارتين
وكل واحد وكيفه
بس احس ان كذا ملائمه
بالنسبه للطلعات

[وارف الظلال]

موضوع حلووو مثلك
هي على حسب القرب والبعد وكم يوم تقضيه بالبر
القرب ومدة الرحلة قصيرة سيارة وعددنا أثنين الى ثلاثة أشخاص
والبعد ومدة الرحلة طويلة سيارتين اربعة الى ستة أشخاص

[الوباله]

بعض الرجاجيل واحدهم عن 100

[عزوز 2005]

أفضل عدد للأشخاص من 3 إلى 6
والسيارات سيارتين أو ثلاث

[شحرور الدهنا]

سيارتين وخمسه او اربعه واهم شي عندي المويه كل سياره تانكي وبربس يامبربس

[السناعيس .f16]

موضوع طيب

أهم شيء يكونون شقردية لأن الحي يحيك والميت يزيدك غبن والعدد بكيفه

السيارات أهم شيء لا تقل عن سياراتين

صح السانك...

[الوافي.]

لكل من مر على الموضوع ورد وشارك اقول لهم شرواكم الطيب

[ذيب الديماكس]

بعض الرجاجيل واحدهم عن 100


-
موضوع جميل
-
وصدق اخوي الوباالة

(((واااحدهم عن 100)))
والله بعض الطلعات تطلع مع وااحد بس رجل انااشهد
شرواكم ياجماعة
-
اخوكم ابو زيد

[الوافي.]

-

موضوع جميل
-
وصدق اخوي الوباالة


(((واااحدهم عن 100)))
والله بعض الطلعات تطلع مع وااحد بس رجل انااشهد
شرواكم ياجماعة
-

اخوكم ابو زيد



صدقتوا بعض الربع نقول كوده ما يرد على ا لتلفون حتى نفتك منه ولا يطلع معنا
والبعض الاخر نقول اذا ما طلع فلان فانا مانيب طالع وش هي الطلعة بدونه
عموما الموضوع هو عن عدد اعضاء الكشتة وعدد السيارات
شاكرا مروركم الكريم

[صقرولدصقر]

ياحلوها لا طلعت أنت ومن تعز وتغلي من ربعك

[ركان]

طلعه قريبه .. 3 رجاجيل و سياره 1


طلعه بعيده شوي 6 رجاجيل و سيارتين


طلعه بعيده من سيارتين الى ثلاث .. ومن 8 رجاجيل الى 10


عطاكم الرأي مكشاتي 2005 بس أخالفة في عدد الأشخاص في الرحلة البعيدة بحيث انهم مايزيدون عن 6 أشخاص وسياراتين فقط.

[الشقردي 205]

ما همني عدد الاشخاص بـ الرحله إذا كانوا اشخاص تمون عليهم ويمونون عليك وبينكم ميانه يعني مافيه رسميات بينكم ..


انا ما احب الاشخاص اللي نظامة رسمي بـ الرحله ..


ومرات الواحد يضطر انه يطله لحاله إذا ماتوفر له خوي ..


وافضل العدد يكون من 3 إلى 10 شرط تكون بينكم ميانه والرسميات صفر ع الشمال ..

[الشقردي 205]

والسيارات ودك الـ 2 وفوق عشان الرحله تكون لها طعم ومتعه ..

[عيد ثاني]

الوافي ...

نفس عددنا ألحين ونفس سياراتنا ..

أربعه وسيارتين ...

[الهاجري 4800]

ان كانها طلعة بسيطة قريب سيارة وثلاث رياجيل

اما اذا كانت طلعة ابو خمس ايام سيارتين او ثلاث سيارات و7 رياجيل كلهم طحاطيح وشقردية

[koogak]

من 3 الى 6 والسيارات من 2 الى 3
اسوء شيء اذا الـ6 كل واحد منهم بسيارته تقول سباق هجن
ولا لو يكون واحد عبيط ولا يبي الا شوره وكل شوي رايح مع جهه واقعد حده ورده