شباب ابي اركب شاشه لموتري وزين النصيحه تكفون يالمجربين

[مسير عليكم]

السلام عليكم

انا نويت ان شاء الله اركب شاشه وصراحه ماعمري ركبت شاشه ومادري وش الزين من الشين خاطري بوحده فيا كمره ريوس وخرايط وشغل مرتب مايهم السعر ابي شي اركبه ودعي لكم وكان احد يخبر محل نضيف يدلني عليه الموتر جديد وحقين الغرابي وصخين وموب كل واحد يشتغل بذمه:D

[مسير عليكم]

ايه نسيت اقول

ترا الموتر نيسان اكستيرا

[M Z A G Y]

حياك الله .. انا شريت شاشه من دبي اسمها فلاي اوديو وممتازه جدا وسعرها شوي غالي وموتري طوارق وركبتها عن الحوشاني بالملز اتمنى اني افدتك وموقعهم بالنت اكتب بقوقل فلاي اوديو ويطلع لك وانا احتجت شي ابشر باللي اقدر عليه باافادتك.. بالتوفيق

[M Z A G Y]

وهذا موقعهم وتحصل السيارات على اليسار تحياتي http://www.flyaudio.ae/index.php

[مسير عليكم]

ممكن صور لها وللكمره

انا ناوي دبي ان شاء الله

[مسير عليكم]

ماقصرت لبي روحك

[قناص مزاجي]

ماتستفيد منها ركبت وحده بقيمة 4000 والله اعتبرها خساره ولا منها اي فائده

مافي مثل شد البلد

[مسير عليكم]

واذا شد بلد ماتجي

وبعدين الوكالات كل شغلهم من السوق يعني معقوله محتكره لشركات مافيه ولا شاشه تجي زي شد البلد

[مسير عليكم]

شباب معقوله ماحد جرب الشاشات

[مسير عليكم]

يارب احد يرد

يارب احد يعطينا علمن صاحي

[قناص 28 عفيف]

واذا شد بلد ماتجي

وبعدين الوكالات كل شغلهم من السوق يعني معقوله محتكره لشركات مافيه ولا شاشه تجي زي شد البلد
مافيه شد بلد كلها تلفيق في تلفيق ماعدا الالماني والامريكي شغل بلد

[هدد 1]

مايحتاج تروح دبي في الغرابي محلين توهم فاتحين عندهم شاشات فلاي اودي وهي افضل شي لحد الحين وعليها ضمان واذا تبي رقم محلهم ابشر اجيبه

[مسير عليكم]

لبي روحك عطني ارقامهم

[هدد 1]

مؤسسة أنغام دبي
ابو سليمان 0565512301 ، 014046665

[مسير عليكم]

ماقصرتو يالذيابه

[ابومحــ م ـــد]

ياحبيب قلبي انا مركب رود روفر عند تقنية المركبه علي لاندكروزر بـــ 2500 ريال مع الكامره الخلفيه
وعليه ضمان سنه وبعد تقريباً ثلاث شهور اصبح زر التشغيل ثقيل مريت عليهم قسماً بالله غيري الشاشه كامله بدون اي نقاش الله يجزاه خير ,,,,,,,,,,,,,
, عموماً حط في بالك هذه المعلومه والمفيده

1- احرص علي تركيب برنامج الخرائط المفضل اسمه ( ايقو) igo
2- يجي مع الشاشه كرت مومري 4 قيقا hd تخزين خارجي
3- يركب لك وصله للايفون ( يشبك بالايفون تشحن+ تقدر تتصل من الشاشه )
4- يركب وصلتين عدد 2 للفلاش ميموري مدخل اليوس بي usp حتي تستفيد تشحن فيه مقاطع واناشيد وقصايد وشيلات واشبك بالوصله وامبصط
5- يركب لاقط للاقمار الصناعيه حق الخرائط
6- يركب لاقط صوت للاتصال حق الايفون

ارجو اني ما طولت ولكن كثرت الشرح من مبداء حب لاخيك ما تحب لنفسك
ملاحظه اذا اردت موقع تقنية المركبه اكتب بقوقل ويجيك الارقام والموقع والاحداثيه

[مسير عليكم]

الله يعطيك العافيه

بس رود روفر مامدحوها من ناحيه توفر قطع الغيار

[هدد 1]

كل الميزات الي ذكرها ابو محمد موجوده في الفلاي اودي

[مسير عليكم]

هدد 1 كلمتهم وان شاء الله ابروح لهم وركب فلاي اوديو

[هدد 1]

بالتوفيق ان شالله اهم شي الضمان

[مسير عليكم]

وياك

ماقصرت يالغالي

[التعـ King ـديل]

عندي شاشه مركبها بالامارات مكلفتني تقريبا حول 1000 ريال

خرائط ايقو - دي في دي - وشغلات كثيره ماافهم لها

كان لك نظر فيها تراها استعمال اسبوعين بس وسبب الفك اني بركب مسجل الوكاله ولا هي طيبه