المساعد الشخصي الرقمي

مشاهدة النسخة كاملة : ___اللي يعرف بالباثفندر يدخل الله لايهينه___


المحتري
06/08/2006, 01:07 AM
السلام عليكم ورحمة الله وبركاته

هذي اول مشاركه لي في المنتدي الجميل مع العلم اني من القراء بس ما اشارك لكن بما اني مقدم على شراء سيارة ومحتار قلت ما فيه الا المكشاتيه هم اللي بيفيدونا ان شاء الله .

انا ياجماعة الخير كان عندي نيسان باب واحد 4500 بخاخ وصراحة عزمه مب ذاك الزود وكذلك صرفيته مب صاحيه فقررت اني ابيعه واشتري باثفندر 2005 جديد فاللي عنده باثفندر ابي اسأله كم سؤال

1- كيف عزم الموتر

2- صرفيته ؟؟

3- الموتر متماسك ولا اذا ضربت مطبه انواع القرقعه

4- هل سعره عند البيع يطيح ولا يمسك سعره مع العلم انه 2005 وشكل ال 2006 تغير

5- الموتر فيه فصلة ولا؟ واذا ما فيه كم يجيب ؟

6- انا كنت في صيانة نيسان قبل كم يوم واشوف 4 باثفندر منزلين مكاينها وسالت رجال اعرفه قالي هاذي مكاينه مخبطه ويقول اظاهر انه فيها خلل فني في الحساس حق فلتر الهواء ؟؟!!:mad: :)

ادري ثقلت عليكم بالاسئلة لكن تحملوني شووي:)

مشكورين

اخوكم المحتري
salehhd
07/08/2006, 02:12 AM
السلام عليكم
حياك الله اخوي وان شاء الله اقدر اجاوب على استألتك

1- كيف عزم الموتر
عزم ممتاز لاكن مايوصل للربع مكينة 3.5 250حصان للقير العادي و240 حصان للتماتيك

2- صرفيته ؟؟
معقولة نوعاً ما وبالتأكيد اقل من الربع وبالاستخدام العادي ممكن يمشيك الفل ( 37 ) ريال 400 الى 450 كيلو

3- الموتر متماسك ولا اذا ضربت مطبه انواع القرقعه
الموتر الي عندي موديل 2004 وله عندي اكثر من سنة ونص والى الان الحمد لله تمام لاكني ماني راعي مطامر كثير في البر

4- هل سعره عند البيع يطيح ولا يمسك سعره مع العلم انه 2005 وشكل ال 2006 تغير
الوتر ما شاء الله يمسك سعرة ونادر ما تحصله في العارض وبالنسبة للشكل الجديد فغير مرغوب كثير لانه عائلي اكثر منه شبابي وغير كذا سعرة غالي بالحيل مقارنة بالسابق

5- الموتر فيه فصلة ولا؟ واذا ما فيه كم يجيب ؟
الموتر مافي فصلة ويطبق ال 200 زي السلام عليكم ( بس ترى السرعة مازينه )وسواقتة الموتر مثل سياقة المكسيما خفيف ورشيق وراسي في الخط

6-- انا كنت في صيانة نيسان قبل كم يوم واشوف 4 باثفندر منزلين مكاينها وسالت رجال اعرفه قالي هاذي مكاينه مخبطه ويقول اظاهر انه فيها خلل فني في الحساس حق فلتر الهواء ؟؟!!:mad: :)

نعم صحيح كانت هذي المشكلة في موديل 2003 لما جا بالمكينة الجديدة qv35 بس ماتخبط بالمكينة يتغير الفلتر ويقمية اعتقد 450 ريال ولاكن من يملك 2004 وفوق مايعاني من هذي المشكلة وتقدر تتفادى المشكلة بتغيير فلتر الهوى اول بأول يعين كل 20 الف وسعرة مايتعدى 60 ريال

ادري ثقلت عليكم بالاسئلة لكن تحملوني شووي:)
اي والله ثقلت لاكن ايش تسوي تستحملك وان شاء الله يبين فيك:D

مشكورين

اخوكم المحتري

العفو وخوي وحنا في الخدمة والاخوان في المنتدى ان شاء الله فيدونك اكثر

وانصح بالاستخارة وانا اخوك ترى ماخاب من استخار ومبروك مقدماً<!-- / message -->
المنبسط
07/08/2006, 02:04 PM
السلام عليكم
مساك الله بالخير اخوي المحتري
كل سيارة تجد فيها سلبيات وايجابيات لكن الباثفندر من وجهت نظري انها سيارة ممتازة خاصة اذا كانت عائلتك صغيرة لأنها مثل الصغيرة في قيادتها وهو جيب
اتمنى اني افدتك.
المنبسط
المحتري
08/08/2006, 12:42 AM
السلام عليكم

مشكور اخوي salehhd والمنبسط وماقصرتوا واظاهر اني باكر بروح اعربن عليه بعد الاستخاره

جزاكم الله خير اخوكم المحتري
escape_man
08/08/2006, 11:40 AM
توكل على الله انا عندي 2005 وماحببني له الا اني راعي مكسيما لمدة 10 سنين
المنبسط
08/08/2006, 01:50 PM
اخوي المحتري
فيه نصيحة لك على الطاير
اذا كنت تسكن في مدينة مثل مدينة الرياض فلا تاخذ الا توماتيك وبتدعي لي
لأن استخدامك في المدينة اكثر من البر (وهي وجهة نظر واحد يبيلك الخير)
المنبسط
المحتري
08/08/2006, 11:52 PM
السلام عليكم

تسلم يا escape_man و المنبسط وماقصرتوا

ومن ناحيه الموتر فهو اكيد قير عايدي وفتحه ومخمل والله يوفقنا وياكم
بدوي جنوبي
09/08/2006, 03:20 AM
عليكم السلام ورحمة الله وبركاته


اخي العزيز انا استخدم باث 2001 موتر ما عليه كلام جدا ممتاز

مجربه طعوس وجربته جبال مشالله قوي جداا جدااا في طلوع الجبال الوعره


الموتر راسي في المنعطفات

من عيوب الباث بس صرفية البنزين ومثل ما قالوا لك الاخوان اذا كنت بمدينه خذ قير توماتيك وريح بالك
مسمار الركعة
13/08/2006, 03:26 PM
شكرا لهذا الموضوع الرائع

السلام عليكم ورحمة الله وبركاته

هذي اول مشاركه لي في المنتدي الجميل مع العلم اني من القراء بس ما اشارك لكن بما اني مقدم على شراء سيارة ومحتار قلت ما فيه الا المكشاتيه هم اللي بيفيدونا ان شاء الله .

انا ياجماعة الخير كان عندي نيسان باب واحد 4500 بخاخ وصراحة عزمه مب ذاك الزود وكذلك صرفيته مب صاحيه فقررت اني ابيعه واشتري باثفندر 2005 جديد فاللي عنده باثفندر ابي اسأله كم سؤال

1- كيف عزم الموتر
عزم الموتر ما ينوصف , بكل صراحه اكثر من رائع.

2- صرفيته ؟؟
لا بأس بها

3- الموتر متماسك ولا اذا ضربت مطبه انواع القرقعه
نعم هو فيه رزاحه اذا حدث طارئ لا قدر الله

4- هل سعره عند البيع يطيح ولا يمسك سعره مع العلم انه 2005 وشكل ال 2006 تغير
بشل ما تتوقعه سعره ينزل

5- الموتر فيه فصلة ولا؟ واذا ما فيه كم يجيب ؟
ما جربتها
6- انا كنت في صيانة نيسان قبل كم يوم واشوف 4 باثفندر منزلين مكاينها وسالت رجال اعرفه قالي هاذي مكاينه مخبطه ويقول اظاهر انه فيها خلل فني في الحساس حق فلتر الهواء ؟؟!!:mad: :)
في هذه المشكله نعم أنا عندي موديل 2003 ومغير حساس فلتر الهوا ءمره والآن اريد اغيره مره اخرى لأني اسمع اصواط مزعجه سببها الرئسي هو حساس الهواء
ادري ثقلت عليكم بالاسئلة لكن تحملوني شووي:)

مشكورين

اخوكم المحتري
Abo Nader
13/08/2006, 05:25 PM
السلام عليكم...

أخوي إذا كنت راعي بر عض على موتر وتراه أقوى من الباث...

معي سلمك الله باث2005 ماخذه لأني أحتاجه بالخطوط لو أني ماني راعي خط كان أخذت لي سلقه...

وترا الباث ما يخلا من الطيب ولا تنسى الإستخاره و الله يوفقك...
العودالازرقhk
14/08/2006, 12:48 AM
الباث فاندر ممتاز جدا لكن عيبه الوحيد انه واطي فى الارض لكن للمشكله حل هي ترفيعه والقير الاوتاماتيك افضل في الخفه من العادي