افضل يايات ومساعدات تركب في الباترول

[المحلسي]

اخواني الاعزاء.
سؤالي ماهو أفضل وأرخص مكان لتركيب اليايات الاسترالية للجيب الباترول في الرياض.
حيث ان اسعارها عند الرماية والسنيدي 650 مع التركيب.
وهل يوجد مضار لها على السيارة وأيهما أفضل هي أو المساعدات الاسترالية في قوة التحمل.

[sgl2002]

المساعدات خل عنك الاسترالية والكلام الفاضي حقهم

رح اشتر مساعدات شاص ٢٠٠٢ وركبهم ع الباترول وتركب بدون ترهيم ولا اي شي

وتشد الموتر ويصير الموتر متماسك مع وفوق كذا مطبه يصير حلو لا قوي ولا خفيف

واليايات ركبها بهالسعر عندهم

وانتبه ترى الخلفية يجي ياي قصير وياي طويل

حط الطويل جهة الاستبنة بجهة الراكب باليمين

والقصير بجهة السواق يسار

[هبوب الشمااال]

الياي الاسترالي يرفع الموتر ..
ولو تعبي موترك كله اغراض وماء وعزب وكلش يبتل على حاله مايتغير الا شي بسيط بس ..

والمساعدات انا معي باترول لهن اكثر من ٥ شهور متفقعاات والموتر والمطب من احسن مايكون ماشاء الله ..

[المحلسي]

مشكورين ياخوان
يعني الي افهم اليايات اشتريها من الرمايه والمساعدات شاص صح كذ

[قناص مزاجي]

ونا بركب مثلك ههههههههههههه بس ابي اشوف موترك اول كبف بيطلع

[المحلسي]

ياقناص لا تقلد ههههههه
كم اسعارها وين افضل ورشه تركبه

[sgl2002]

المساعدات اي ميزان يركبها مع اليايات

[قناص مزاجي]

ياقناص لا تقلد ههههههه
كم اسعارها وين افضل ورشه تركبه

اسمع خلنا نروح لرمايه سوا ونقول نبي نشتري مع بعض وينزلون السعر لنا

وش رايك

تركيبها سهل ونا اعرف ورش كثير لاتخاف من ناخيت التركيب

والرمايه يركبونها

[المحلسي]

ياقناص انا بامر الرمايه الى على الدائري الشرقي واعلمك وش الوضع

[قناص مزاجي]

ياقناص انا بامر الرمايه الى على الدائري الشرقي واعلمك وش الوضع

نتظرك وعلمنا بكم ركبتها

[المحلسي]

اخذت من عندهم مقاس 3 قدام واربع وري بحدود 1360 ريال يوم الخميس بس بقي عندي المساعدات مادري وش اخذ يمدحون مساعدات الشاص
وش رايكم
علما يا قناص سالتهم قلت باخذ اكثر من ياي ورفض ينزل ريال واحد يقول السعر ثابت

[مخطور]

السلام عليكم والرحمة الله وبركاته
اذا موترك باترول فتك
نصيحة اذا ركبت يايات استرالية خلفيه لاتركب مساعدات تويوتا بالخلف لانه بيكون مطبه قاسي
ركب حقت بلد ولا خل المساعادت القديمة لاتغيرها لانه الياي الاسترالي قوي ويتحمل الى 200 كيلو وبعدا يبدا ينزل الموتر
لايوجد مضار بالنسبة لليايات

[المحلسي]

مشكور مخطور على النصيحه ومنكم نستفيد

[ابو شريفة]

بالنسبة للباترول الياي الاسترالي عند الرماية : لكن انا بصراحه استغرب من الكثير يشري باترول ويروح يعضله ويخليه قاسي، ليش ماتشري ربع تايوتا وتريح راسك؟
الامر الثاني : الباترول مصمم مطابه يكون اخف وارسى واريح، واذا كنت عشان الحمولة، ركب مساعدات فكسار 97 ورى وحط كعكات ثنين ونص سانتي، يرتفع الموتر ولا ينزل عند التحميل بشكل واضح، ويكون لين بالذات بالنفود عند الرباضات والسيوف.
دمتم سالمين

[sgl2002]

مشكلة مساعدات الباترول لينه وبالبر مع المطنايج ماتصلح ويقوم يهابد

مساعدات الشاص تمسكه حتى بالنفود تشد الموتر شد


والمطب انا الناس خوفوني قبل ما اركب

بعد ماركبت قسم بالله مافرق شي واجد

لامطب قاسي ولا شي

بالعكس راحت الخضخضه الاوله والموتر يعجبك

حتى المطبات صرت اطردهر واكلها على سرعه

[عاشق مكشات]

انصح باليايات الاسترالية حقت الرماية كنت مركبها ولانت من كثر التحميل ولها 7 سنين وغيرتها وحطيته مقاس 7 ورا والقدام 5 طلع الموتر ممتاز جدا

[المحلسي]

تم التركيب اليايات ومساعدات شاص
بصراحه الموتر تغير بس الملاحظ ارتفاع في مقدمة السيارة احسة متساوي مع الخلف

[قناص مزاجي]

هههههههه



ابشرك ركبت اليايات وضبط الموتر معي 100%

وركبنا ونش وارن 3.5 طن مخفي

اجمل موديل هو 97 نيسان

[فتك الجنوب]

السلام عليكم
جرب ركب مساعدات شاص 2011 ولا تتردد لاني مركبه عندي في الفتك ولا احسن الامطب ولاشي ويشد السياره ويمسكه صح علماً مركبه قدام بس و ورا مركب مساعدات انجليزية ومظبوط

[m55m]

السلام عليكم
ياجماعة وش رايكم في اليايات الاسترالة ومساعدات جبريال ورا ويايات وكالة ومساعدات مونورو قدام

[فهههد]

عطونا النتائج وش احسن شي للفتك ؟

[ابو خالد 111]

مشكلة مساعدات الباترول لينه وبالبر مع المطنايج ماتصلح ويقوم يهابد

مساعدات الشاص تمسكه حتى بالنفود تشد الموتر شد


والمطب انا الناس خوفوني قبل ما اركب

بعد ماركبت قسم بالله مافرق شي واجد

لامطب قاسي ولا شي

بالعكس راحت الخضخضه الاوله والموتر يعجبك

حتى المطبات صرت اطردهر واكلها على سرعه


السلام عليكم ورحمة الله وبركاته

صباح / مساء الخير ياذيبان

كيف الصحه عساك بخير يارب

كنت بسألك بخصوص المساعدات حقت الشاص خوفوني يقولون قاسيه ؟؟

بخصوص اليايات الاستراليه شريت من الرمايه قبل 10 ايام بمايقارب / 1320 ريال امامي 3,5 سم وخلفي 5 سم وممتازه جداً كركزه للموتر وكتحمل بس مظارها كما افادوني الاخوان على الجيب الربع انا طبعاً مركبها على الصالون

بخصوص المساعدات عندي جيبريال الابيض وماشكيت منها ولله الحمد

الزبده : وش رايك يالذيب بمساعدات الشاص وهل تركب امامي وخلفي وكم اسعارها لاعدمناك

شاكر ومقدر

[ابو دخنان]

السلام عليكم ورحمة الله وبركاته

يا اخواني ياليت تفيدوني توني شاري ربع باترول واول مره اجربه

والوقفه وقفة بلد

بس ابي ارفعه من الخلف لاني اذا ركبت الاهل نزل مره

وش افضل حل ابي ارفعه من الخلف سواءً بمساعدات او يايات

وافضل مكان يسويها وكم التكلفه

جزاكم الله خير

[Abunorh]

السلام عليكم
نقتبس من الموضوع أن مساعدات ويايات الشاص
أفضل من غيرها من ناحية الراحه والمطب وقفة الموتر

[ابوخلف..]

السلام عليكم
موضوع جاي بوقته
قاعنا قليلة الوعورة وابركب مساعدات حصلت وكالة
وحصلت امريكي وجبريل الجبريل يقولون قاسي
وش رأيكم حق الوكالة زين والامريكي وش وقعه
الاستراليات شايلهن من راسي لانها غالية
ابي رأيكم يا اصحاب التجربة