الفزعه...ياأخوان(المواصفات والمقاييس)...سجلو سيارتي غير مطابقه...

[فهدالمقضي]

السلام عليكم ورحمة الله وبركاته...لقد اشتريت سياره من الامارات يوكون 2008 ورحت للمواصفات وقامو بأخد أوراق السياره في مواصفات الرياض وأخذو اوراق السياره فوق وبعد ذلك نزل واحد منهم وقال السياره سالفج رجعها للامارات أو بيعها تشليح ..علما بأنه لم يكشف على السياره...أبدا....الحل يالربع....السياره طيبه وزينه...تكفون يالربع شوفو لي حل...لجأت لله ثم لكم يالنشامى...بعدما ضاقت بي السبل...تكفووووون الفزعه

[التعـ King ـديل]

ممكن شيك على رقم الشاص وعرف تاريخ السياره

انا مالي خبره بسوالف اليوكن ولكن مجرد توقع

[كركود911]

السلام عليكم ورحمة الله وبركاته
فرج الله همك ياخوي

اقرب نصيحك لك ارجع للامارات و ارفع قضية في الشرطة على البائع بانه باع لك سيارة تالفه و عتقد ان لديهم قانون يمنع بيع السيارات التالفه او الي غرقانه هذا رقم واحد

روح للبايع معرض الي يكون ووقف السيارة على بابه و كل ما جاء واحد بيدخل حرج عليه انه باع لك تالف


و الله ياخوك التعجل دايم فيه ندامه ولازم تكون على اكبر قدر من الحذر خاصه في شراء المستعمل


الله يوفق لك درب التساهيل

[المميـز]

:

واحد من الزملاء اشترا تاهو امريكي ٢٠١١ من الامارات
ودخله السعوديه .. وهيئة المواصفات والمقاييس بالرياض رفضوه !!
وراح هيئة المواصفات والمقاييس اللي بجده ومشوا اموره بكل يسر وسهوله

بسأله لك بكره ان شاء الله عن سبب الرفض في الرياض
وهونها وتهون ان شاء الله الدنيا تساهيل

انا مجرب هيئة موصفات جده ممتازين جدا بالتعامل

:

[فهدالمقضي]

تحياتي...لك أخوي المميز....أسأله هل سجل بالحهاز...أم لا....وكيف الطريقه....جزاك الله خيرااا

[فهدالمقضي]

الله يعطيكم العاافيه

[الربذي]

لا اخوي باذن الواحد الاحد تنحل بسيطه وياليت شيكت عليه عن طريق النت برقم الشاصي يعلمك بتاريخ السياره من الى وذا اماراتي ماعليك اخلاف يمكن هالسفيه يبي شي ولانقدر نتكلم في نية البشر بس انها ترفض بدون سبب مقنع
نسق مع المميز مميز وباذن الله تنحل.

[وارف الظلال]

لا اله الا الله
الله ييسر أمرك ويفك ضيقتك
تنحل من عنده سبحانه وسع صدرك

[فهدالمقضي]

تحياتي لكم جميعا.....أشكر لكم مشاعركم...وتفاعلكم مع مشكلتي....واتمنى من الله أن يوفقني وأياكم لما يحبه ويرضاه.....

[فهدالمقضي]

لم يقوم بالكشف على السياره....أبدا بل أعطاني الأوراق مكتوب فيها غير مطابق...ولم يعطيني وجه أبدا....سوى أنه قال رجعها الأمارات...أو بعها تشليح...هل يعتقد مثلا انها جائتني هديه.....الله يعيننا على مثل هالعينات من الموظفين في بلادنا....أكيد لهم طرق معينه للتفاهم....آمل من الأخوه الكرام ممن لديه خبره معهم أن لايبخل علينا....بمايعرفه....لأني متخسر فيها...ومعجبتني.....تحياتي لكم جمعيا....وسعدت كثيرا بأنظمامي لمنتداكم الطيب....اللذي يظم كوكبه متميزة من أهل الطيب والفزعه.....اشكركم مرة أخرى جميعا

[0راعي الجبيل0]

شوف اخوي اذا السيارة كانت غرقانة او مسروقة او عليها تقرير تشليح من قبل او مايسمى سالفج ..

فهيئة المواصفات والمقاييس يمشون على الموقع هذا وهو منظمة امريكية لمتابعة السيارات

فانت ادخل رقم الشاص وشوف ايش يطلع معك ..

https://www.nicb.org/theft_and_fraud_awareness/vincheck

والنصيحة لمن لم يطيح بنفس المشكلة هذه ..انه يشترك ب 30 او 50 دولار لمدة شهر في autocheck او كارفاكس وهو اشتراك مفتوح وله بنامج على الجوال مجرد تدخل رقم الشاص ويشيك لك على كل شيء من يوم صنعت الى ان تصدرت ..

وهذه طريقتي اذا بغيت اشتري استعمال امريكي ..وخاصة من معارض السعودية والامارات ..

[المميـز]

:

بعد الرجوع للرجال الذي تم رفض موتره تبين ان موتره فيه ضربه بالشاص وواضحه
وكانت مسجله بموقع كارفاكس برقم الشاص واعترض على كلامهم ولكن كانت واضحه وماكان يدري عنها
وخلص اموره من جده قبل اكثر من ٦ شهور ماكان عندهم فحص سياره
ولكن الحين عندهم فحص للسياره
انت تأكد من رقم الشاص عن طريق المواقع المتخصصه وشوف السياره وش فيها بالضبط
واذا كنت لاتعلم بالمشكله من قبل وبعد شرائها من ابسط حقوقك ترجع للامارات وتشتكي على راعي المعرض
ويرجع السياره وتاخذ فلوسك وهذا النظام معروف بالامارات

:

[m3ax]

اخوي فهد

ان كان الله عالم انك مشتري السيارة لك استخدام خاص فيك فعسى ربي يسهل لك امرك ويعطيك خيرها ويكفاك شرها وتمشي امورك

وان كان الله عالم انك جايبها تتربح فيها وتلطم فيها واحد غشيم عسى ربي ما يعينك وان شاء الله انك انظف واشرف من هالامور

[راعي المسرى]

الله يعوضك خير وييسر أمرك

شاهد
http://www.report4car.com/2011/03/salvage-and-junk-car.html

وشاهد
http://www.aleqt.com/2008/10/13/article_158290.html

[عاشق الغميس]

ياأخ فهد المقضي اسمح لي ان اقول لك لم تصدق في كلامك بأن موظف المواصفات اخذ اوراقك ورفض السياره بدون فحص السياره