الذيب في حياه الباديه واشعارهم

[الكــاتم]

الذيب في حياه الباديه واشعارهم

حتى ننتهى بملف قيم عن الذيب وتأثيره في حياة البادية وتكرار أذكره في عدد كبير من قصائد البدو بشكل يعكس مالهذا الضاري من صفات ميزته عن سائر وحوش البادية ...
وسنبداء بذكر عدد من القصائد والتي ورد فيها ذكر للذيب

واتمنى اللي عنده يزودنا بعد.........

1- شالح بن هدلان يرثي أينه ذيب :
((ياذيب)) أنا بوصيك لاتاكل الذيب
كم ليلة عشـاك عقـب المجاعـة
كم ليلة عشـاك سـود العراقيـب
وكم شيخ قوم كزته لـك ذراعـه




2- الشاعر فهم العصيمي :
((ياذيب)) عن جا ل العويند لا تغيب
من أشبعك ياذيب لا تنسـى جـزاه




3- الشاعر نايف صقر :
الذيب ياما بات فـي صـدر رجـال
علـى دروب متعبـيـن المطـيـه
عقب اذبحه جوعه على روس الاقذال
وجر العوى في كل صـوب ونحيـه




4-الشاعر سعود بن لفاي :
ياذيبي الي بيمن النيـر ويسـرة
كل من مداس الخيـل يامعثـور
كل من الصبيان والجيش والرمك
وليا ضميت اشرب من المنجـور
وصوت لذيباً يـم حشـه مليـه
وخلو لغيـاب السبـاع جـزور
تلقى على الساقة حصان ومهـرة
وتلقـى عيـالاً لابسيـن كمـور




5-خلف بن هذال :
ياذيـب لاتجـذب علـي الذيابـه
حول ونا ببدي على الرجم ياذيب
ياذيـب انالـي وقفتـاً ونقلابـه
رجلي مضريها بروس المراقيـب
الذيب خاوى من عصور الصحابه
له خوتاً تصدق مع اهل المواجيب
بديت انا في راس رجماً عوابـه
وبكي بدمعاً غرق الكم والجيـب




6-بركات الشريف في قصيدته المشهوره ,,,
يا ذيب وان جتك الغنم في مفاليك
فكمن لها لين الرعايـا تعـداك
منول يا ذيب تفرس بـا ياديـك
واليوم جاءذيب عن الفرس عداك




7-رشيد الزلامي :
واقنب قنيب الذيب في راس مرقب
من حرمابه قـام ينهـش اجنوبـه




8-ابن طواله :
ومن ضرب أهل عمهوج رحنا د باله
مير أقمحن يـالا بسـات السباهيـن
لا كن ضربه في جما هـي رجالـه
قنيب ذيبً فـي طويـل الضلاعيـن




9-عيد بن سمير الحربي :
ياذيب هجرس والمراقيب وقها
تالي الدهر حقك غدابه ضراوي



10- محسن الرقــعي :
حنا برية باللقاء نشبع الذيـب
فى ساعة تنسى العذارىحياها
فى ساعة وان فرعن الرعابيب
نروى حراب والمعادى شكاها





تحياتي لجميع الذيابه .... :)

[العر؟بوليلي]

10- محسن الرقــعي :
حنا برية باللقاء نشبع الذيـب
فى ساعة تنسى العذارىحياها
فى ساعة وان فرعن الرعابيب
نروى حراب والمعادى شكاها

تسلم اخوي والله ذوق حلووووووو بالمرررره

[الضاري]

من روائع الشريف بركات


يا مرقب بالصبح ضليت اباديك …. ما واحد قبلي خبرته تعلاك
وليت يا ذا الدهر ما اكثر بلاويك … الله يزودنا السلامه من اتلاك
يللي على العربان عمت شكاويك … وليت يا دهر الخطا ول مقواك
واليوم هالكانون غادي شبابيك … تلعب به الارياح من كل شباك
يا مالك اسمع جابتي يوم اوصيك … واعرف ترى يا بوك بامرك وانهاك
وصية من والد طامع فيك … تسبق على الساقه لسانه لعلياك
اوصيك بالتقوى عسى الله يهديك … لها وتدركها بتوفيق مولاك
الله بحق اجدادك الغر يعطيك … رضاه مع كل ما تمنى من امناك
احفظ دبشك اللي عن الناس مغنيك … اللي الى بان الخلل فيك يرفاك
واعرف ترى مكه ولاها بناخيك … لو تطلبه خمسة دواوين ما اعطاك
اجعل دروب المرجلة من معانيك … وادراج سيسها على العز مرقاك
لا تنسدح عنها وتبغيني اعطيك … جميع ما يكفيك ما حاصل ذاك
احذر امر ليعات تبيها لتاليك … ايضا ويرخص عندها قدر مأواك
ادب ولدك ان كان تبغيه يشفيك … واستسعفه من بعد مرباه يالاك
اما سمج واستسمجك عند شانيك … ويفر من فعله صديقك وشرواك
والا بعد جهله ترا هو بياذيك … لو زعلت امه لا تخليه يالاك
واحذر تضيع كل من هو ذخر فيك … معروفه لا تنساه واوفه لعرفاك
ترا الصنايع بين الاجواد تشريك … الى طمعت بركزها لا تعداك
واحذر سرور بغبة البحر يرميك … ولا عنده افلس من تشكيك وبكاك
واوف الرجال حقوقها قبل تعنيك … لا تعتمد بالعفو فالحق يقفاك
وهرج النميمه والقفا لا يجي فيك … واياك وعرض الغافل اياي واياك
تبدي حديث للناس فيه تشكيك … وتهيم عند الناس بالكذب واشراك
واذا نويت احذر تعلم بطاريك … كم واحد تبغي به العرف واغواك
واحذر شماتة صاحب لك مصافيك … والى جرا لك جاري قال لولاك
ولا تحسب ان الله قطوع يخليك … ولا تفرح ان الله على الخلق بداك
ان اشتهى حط الطمع في تواليك … لو ما لقيته يا فتى الجود يلقاك
والضيف قوم له حين يلفيك … مما تنوشه يا فتى الجود يمناك
اكرم قباله فانها من شواديك … وابذل له المجهود ما دام يعناك
واحذر تلاقي الضيف مقرن علابيك …خله محب لك صديق اذا جاك
واوصيك زلات الصديق ان عثا فيك … ما دام يغطاها الشعر فاحتمل ذاك
راعه ولو ما شفت انه يراعيك … عساك تكسر نيته عن معاداك
واحذر عدوك لو ظهر بيصافيك … خلك نبيه وراقبه وين ما جاك
لا تامنه فاطلب من الله ينجيك … ويكفيك ربك شر ذولا وذولاك
شفني انا يا بوك بآ مرك وانهاك … عن التعرض بين الاثنين حذراك
اذا حضرت طلايب مع شرابيك … اسع لهم بالصلح واللاش يفداك
ابذل لهم بالطيب ربك ينجيك … ولا تجضع الميزان مع ذا ولا ذاك
اما الشهادة ادها ان دعوا فيك … بين عمود الدين لا عميت ارياك
بالك تماشي واحد لك يرديك … طالع بني جنسك وفكر بممشاك
رابع اصيل في زمانك يشاكيك … والى شاف خملاتك عن الناس غطاك
واحذر عن طرد المجفي حذاريك … عليك بالمجبل وخل من تعداك
ثم العن الشيطان لياه يغويك … ترا ان تبعته للشرابيك وداك
واوصيك لا تشتكي علينا بلاويك … انت السبب اخذك عيونك بيمناك
واعرف ترا اللي وطا الفهر واطيك … ولا انت اعز من الجماعة هذولاك
المسك يا راسي عن الذل واخطيك … واحذر تكلم يا لساني حذاراك
والطف بجارك ثم قم دون عانيك … وافطن الما يعنيك عن ربعة اخواك
يا ذيب وان جتك الغنم في مفاليك … فاكمن الى حيث الرعايا اتعداك
من اول يا ذيب تفرس ابياديك … واليوم جا ذيب عن الفرس عداك
يا ذيب عاهدني واعاهدك ما رميك … ما رميك انا يا ذيب لو زان مرماك
والنفس خالف رايها قبل ترميك … ترا لها الشيطان يرمي بالاهلاك
ومن بعد ذا لا تصحب ال*** يعديك … وعن صحبة الانذال حاشاك حاشاك
ترا العشير ال*** يخلف طواريك … وانا ارجي انك ما تجي دون آباك
والهقوة انك ما تجي دون اهاليك … ولا اظن عود الورد يثمر بتنباك
والحر مثلك يستحي يصحب الديك … وان صاحبه عاعا معاعات الادياك
لا تستمع قول الطرف يوم يلفيك … بالكذب يقضي حاجته كل ما جاك
من نم لك نم بك ولا فيه تشكيك … ويلاه قد ازرا رفيقك وازراك
عندك حكا فينا وعندي حكا فيك … واصبحت كارهنا وحنا كرهناك
ما اخطاك ما صابك ولو كان راميك … واللي يصيبك لو تتقيت ما اخطاك
مير استمع مني عسى الله يهديك … النصح يا مالك لك الله مولاك
عندي مظنه ما تمثلتها فيك … واطلب لك التوفيق من عند مولاك

[الضاري]

قصيدة اخو البنت

يا ذيـب يللـي تالـي الليـل عويـت

ثلاث عوياتـن على سـاق وصـلاب

سايلـك بالله عقبـها ويـش سويـت

يوم الثـريا راوسـت القمـر غـاب



وهذا رد زوج البنت


أنا أشهـد إني عقـب جوعي تعشيـت

وأخـذت شاة الذيب من بين الاطنـاب

على النقـا وإلا الـردى ما تهقويـت

وادو حلالـي يـا عريبيـن الأنسـاب


أخي العزيز / الكاتم

ياليت لو تكتب في أسفل الموضوع منقول لكي تسلم من الأحراج والمشاكل لأني قرأت نفس الموضوع ونصا في منتدى آخر الا أذا كنت انت صاحب الموضوع فأنا أعتذر..

دمت في رعاية الله وحفظه

[سندهم]

1- شالح بن هدلان يرثي أينه ذيب :
((ياذيب)) أنا بوصيك لاتاكل الذيب
كم ليلة عشـاك عقـب المجاعـة
كم ليلة عشـاك سـود العراقيـب
وكم شيخ قوم كزته لـك ذراعـه \صح السانك مشكور

[الدبوس]

ياذيب ياذيب لاتقرب ديار النمور

[العر؟بوليلي]

ياذيب ياللي بتالي الليل ونيت

ونت خفوقي لمن كبيت الدله ../. وسلماتكو ..

[أبو شعلان]

بسم الله الرحمن الرحيم

أخوي الكاتم مشكور وماقصرت على هالمجهود الرائع الله لايهينك .وفيت وكفيت

أخوي الضاري الله يعطيك العافيه مجهود طيب وتشكر عليه .

اخوي أبوليلي مشكور على البيت الرائع الصراحه خيالي .


،،،،،،،،،،،،،،،، وتقبل تحياتي ،،،،،،،،،،،،،،،،
:j

[الضاري]

بسم الله الرحمن الرحيم










أخوي الكاتم مشكور وماقصرت على هالمجهود الرائع الله لايهينك .وفيت وكفيت



أخوي الضاري الله يعطيك العافيه مجهود طيب وتشكر عليه .



اخوي أبوليلي مشكور على البيت الرائع الصراحه خيالي .





،،،،،،،،،،،،،،،، وتقبل تحياتي ،،،،،،،،،،،،،،،،

:j









:confused: :confused: :confused:



غريبه

[عروق لزام]

من أفضل ما سمعت ..


يقول الشاعر ..

ذيب عوى وانا على صوته أجيب *** ومن ونتي جضت ضواري اسباعه

عز الله اني جاهل ما اعلم الغيب *** والغيب يعلم به حفيظ الوداعه

يالله يا رازق عكف المخاليب *** يا محصي خلقه ببحره وقاعه ..

[الكــاتم]

اشكر جميع من شارك في هذا الموضوع

واخص بالشكر لمن اضاف شئ بسيطاً

وتقبلو تحياتي

[عروق لزام]

يا ذيب ياللي جر صوت عوى به *** مدري طرب ولا من الجوع يا ذيب

يا ذيب لا تقهرك عنا المهابة *** يا مجفل الغزلان حنا المعازيب

البوش كله يم خشم اللهابة *** في فيضة السرداح والبل عوازيب


****

يا بين ليا الذيب ينهشك نابه *** يقذلك من بد البني الرعابيب

***

الذيب اخوي اللي يشيل الكسابة *** يوم ان نجم الليل مثل المشاهيب

هذه ابيات من محاورة شعرية بين بنت وحماتها .. وهي قصة مشهورة من قصص البادية ..

[الكــاتم]

مشكور اخوي صقر الصيد (http://www.mekshat.com/vb/member.php?u=16979) http://www.mekshat.com/vb/images/statusicon/user_offline.gif vbmenu_register("postmenu_454631", true); وماقصرت


وننتظر المزيد ....

[نقا هشال]

اخي الكاتم

مرحبا ومسهلا

ويعطيك الف عافيه

على المقتطفات الرائعه

[الشــــاص]

مشكور أخوي

[الديعجان]

سعدون العواجي في رثاء اولاده:

بيبان قلبي والضماير عوني

عواي مع ماضي سبيب الربابه

اعوي عوا اللي يوم يقنب يوني

ذيبن تعاويه الضواري بلابه

في رآس مرفوع الحجا يقنبني

تجاذبن الصوت رمل الذيابه

وأنا عويت ومثلهن قمت اوني

عزي لمن عكف الشوارب ذهابه

[الديعجان]

سعدون العواجي في رثاء اولاده:
بيبان قلبي والضماير عوني
عواي مع ماضي سبيب الربابه
اعوي عوا اللي يوم يقنب يوني
ذيبن تعاويه الضواري بلابه
في رآس مرفوع الحجا يقنبني
تجاذبن الصوت رمل الذيابه
وانا عويت ومثلهن قمت اوني
عزي لمن عكف الشوارب ذهابه

[مدهوش]

يا سلام إبداع متناهي وعلوم رجال الله يثبتنا وإياكم على دينه

[الولع للطير]

الذيب لا منه عوا جاوبه ذيب //



الذيب من صلبه يجيب الذيابه ،، و لا الثعالب ما بعد جابت فهود



الذيب ما يهرول عبث