الفورنر موديل 1995 هو تويوتا الي يجي زي الهايلكس وش رايكم فيه

[مطلق الاشناب]

السلام عليكم ورحمة الله وبركاته
واشكر جزيل الشكر ادارة منتدى مكشات الذي جمعنا وجعلنا اخوه و ربع وذا شي ما حصلته
في جميع المنتديات
اما بعد ياربع ابي شوركم ابي اعرف رايكم تمام ولا ومثل ما قال المثل ( اللي ما يطيع يضيع )
انا بجده ادرس بالجامعه ومعي سياره صغيره :mad: وانا رجل هواوي و راعي بر و مقناص و طرد
المهم الله وفق وجمعت لي كم فلس وابي اشتري جيب لقيت جيب عند واحد و ابي رايكم فيه
1-هل يتحمل كرف جامد مثل في التمهيده امشي 80
2- فالحر اشغل المكيف
3- الدبل كيف
4-قطعه متوفره ولا معقد ولا كيف ****** مهمه :director:
ماعرفة احمل اصور لكن اسمه
(الفورنر موديل 1995 هو تويوتا الي يجي زي الهايلكس ياليت يكون واضح)

[السناعيس .f16]

يفيدونك الاخوان

[برق الدماس]

ما ني متخيل شكله لكن تراك بسلامه ما طول ما شريت والشباب ما يقصرون , لكن عليك بجيوب التايوتا لاند كروزر :good2:. هي غاية القناي بين معظم الشعب . وتقبل مروري.

[.أبوعبدالرحمن]

تم تعديل العنوان

ونقله للقسم المناسب

[.أبوعبدالرحمن]

أتوقع السيارة المقصودة هذه


http://www.mekshat.com/pix/upload06/images/2012/10/mk36760_1122.jpg

[ابوصالح 2008]

السلام عليكم قبل كم سنه كان مع واحد من الشباب مثل هذا الجيب مديله 93 ويسبة واجد لأنه يقول كا الالي :
1/ الحرارة ترتفع في الصيف
2/ثقيل بالديرة لأن مكينته 4 سرندل مكينة هايلوكس 2400
3/ بالنفود ما يمشي إلا بالدبل الثقيل
هذا عن واحد مجرب السيارة المطلوبة
وهذا الكلام مجرد نقل من زميلي فقط
والله يكتب الي فيه الخيرة والخير

[عقووول]

نصيحة اخو خذلك سفاري موديل 92 وطالع وريح راسك

اول شي مكينة 6 سلندر

وما يعرف الحرارة

والمكيف ثلج

وعزمة خفيف بالنفود

[4x4ofroad]

كان مع واحد من الربع مثل ذا الموتر 95 على ايامه ويمدحه
وشرا بعد فتره مثله امريكي 6 سلندر تماتيك ويقول عزمه حلة ب ا ل6 سلندر ماله قطع عندنا
اذا سعره رخيص والموتر زين توكل على الله اما اذا قيمته تجيبلك باترول 93 وحولها ترى الباترول ابركلك ولاجيت تبيعه زبونه حاضر

[مطلق الاشناب]

سلمتوا باجماعة الخير واشكركم فرد فرد علئ تشريفكم للموضوع واطلاعكم عليه
احب افيدكم انه هو 1995 و6 سرندل وامريكي لا كن ياليت الاخو Aug 2009 يوضحلي نقطة قطع الغيار
انا احسب انه قطع غيار هايلكس
:good2::good2::good2::good2::good2::good2: وشكرا اخواني*

[صدام]

سلمتوا باجماعة الخير واشكركم فرد فرد علئ تشريفكم للموضوع واطلاعكم عليه
احب افيدكم انه هو 1995 و6 سرندل وامريكي لا كن ياليت الاخو Aug 2009 يوضحلي نقطة قطع الغيار
انا احسب انه قطع غيار هايلكس
:good2::good2::good2::good2::good2::good2: وشكرا اخواني*

كم تعتقد يكلفك؟

[مطلق الاشناب]

والله ياخوك جايني عن طريق واحد لاكن استفسر واقولك

[sameer_1798]

الاربعة قطعه نفس الهايلكس وخصوصاً الميكانيكيه والكهربائيه أما الستة سلندر أخاف تتورط بقطعه مافيه مثله عندنا .

[العنابي 616]

وش المكينة اللي جت عليه إذا 3400 6 سلندر فهي نفس مكينة البرادو القديم
و الله أنا أشوف إذا انت كنت راعي حرفه و ما عندك مشكلة تدور بالورش و التشاليح إذا خربت السيارة
و السعر كان مناسب يعني حول ال 16 ألف توكل على الله و اشتره

بس أول شي لازم تجربه و تفحصه
أو الخيار اللي بعده الباترول زين و رخيص تحصله بالعشرينات
طبعا هذي الإقتراحات بناء على ميزانيتك

[مطلق الاشناب]

والله اشكركم شديد اشكر علئ اطلاعكم علئ موضوعي بالنسبه للسعر مره رخيص مرره يعني لقيته 6000
وش رايكم

[جارنشيا]

اولآ .

يكفيك انه تويوتا .. وبهالمبلغ اللي ذكرته يأدوب تجيب لك كفرات دنلوب جيب هالايام مهوب عاد سياره هههههههه
تويوتا جيب فورنر موديل 95
اذى كان الدداسن موديل 82 والهايلوكسات نفس الموديل اسعارها توصل لـلعشره وهي
قرنبعات . وحقت عماله ونقل اغراض وحدها الائتماني لايتعدى 10 كيلو ههههههههه

.. الموتر يعجبك خفيف ونفس الهايلوكس بس دبل طبعآ انا اتكلم عن الاربعه سلندر
واتوقع انك في منطقه مافيها رمال ولاتحتاج القوه وتحتاجه فقط لاايام معدوده في الشهر .
الموتر عملي وصبور للمناطق الوعره والصيد . وفيه مرونه وخفه للاوديه والشعاب
وصيانته بسيطه ولاهوب معقد وقليل الخرابات .

طبعآ اذى كانت مكينته 3400 6 سلندر . مثل مكينة البرادو القديم
عزالله عز الطلب . بس ضروري تأخذ رقم المحرك وتتأكد من الوكاله او من خلال
ميكانيكي خبير . بأن هالمكيينه لسيارات في السعوديه وقطع غيارها متوفره

اما اذى الموتر مواصفااته امريكيه او المحرك لايوجد له قطع غيار
اعتقد لو يقول ( بـ 2000 ) لاتشتريه. الا اذى تبيه قطع غيار او تشليح

-----
وفي الختام اخي الكريم
تأكد ان المبلغ المذكور ماعاد يشتري سياره
يعني لو ماتبيه للبر . بس توقفه قدام البيت وكل يوم تغسله . حلال فيه السته الآف هههههه.
واذى . ماجازلك ولالك رغبه .
انا شخصيآ . أعلن رغبتي في شراء السياره

[ولد وايل 2010]

لاتنسى انه سريع الانقلاب الله يكفينا وياك الشر

[كومبو]

ما شاء الله لو ما بغيته لي نية لشراءه

[Salamah.y]

6 آلآف , هالوقت مآ تجيب لك دبآب
يآ رجآل اذا يمشي و ينقل نفسه , توكل على الله و خذه
و لو لآ سمح الله عوكست مكينته مستقبلاً , و مآ حصلت له قطع غيآر
مكآين الهايلوكس مآليه التشآليح , خذ مكينة هآيلوكس و حطهآ له ~
او رهم له مكينة سوبرآ تو جي << عز الله بيكون طرب

,

كل التوفيق @~