المساعد الشخصي الرقمي

مشاهدة النسخة كاملة : افضل انواع الفرارات للفتك 2003


asd44asd
09/10/2012, 02:30 PM
السلام عليكم ورحمة الله وبركاتة
ماهي افضل انواع الفرارات وافضل الورش التي تركبهاء
في الرس اوبريدة
عابرالبر
09/10/2012, 02:42 PM
افضل الفرارات البرازيلي
sgl2002
09/10/2012, 04:11 PM
والتركيب سهل كلن يعرف يركبها ماتحتاج فهم

فلنجة بدالها فلنجة
اتجاه السحاب
09/10/2012, 04:43 PM
البرازيلي الأسود
وانتبه تركب النيكل بسرعه ينكسر ويخرب
تحصلة عند محلات الكفرات مثل العقيل والتركيب بسيط أي ورشه يركبه
الشيخ الظريف
09/10/2012, 06:26 PM
اذا انت تتحمل خذ فرارت نيسان وكاله لو هي غاليه لكن ماتتورط وقت الازمه لان البرازيلي الاسود ما ينفع من تجربه حيث ورطني بعد شهر من تركيبه وكان قبل ذلك عندي فرارات وكاله ولكن بعتها مع السياره وذهبت لميكانيكي وقارن لي اسنان البرازيلي الاسود المتعطل باسنان فرار تايوتا وكاله وكانت اسنا ن التايوتا طويله ما تفرط
وقال ترى البرازيلي الابيض يفي بالغرض وهو وارد السليماني فركبته وله الان سنه ما تعطل علما انه رخيص وشكرا
ابوسند9
09/10/2012, 08:08 PM
برازيلي اسود ب 500 ريال
تركيب 40 ريال
وانحش عن اللي لونه نيكل
وانا استخدم الاسود من 15 سنه وما شفت منها اي خلاف
كثير السؤال
09/10/2012, 08:56 PM
من قالكم ان البرازيلي هو الافضل بالعكس هو اقلهن جوده
الافضل ايسن وهو ياباني
ثمن وارن ثم بالمرتبه الاخيره البرازيلي
أبوصالح9
10/10/2012, 12:30 AM
اذا تقدر تدفع خذ ASIN ياباني اصلي

لك وللزمن وراح تدعيلي
اتجاه السحاب
10/10/2012, 02:54 AM
من قالكم ان البرازيلي هو الافضل بالعكس هو اقلهن جوده
الافضل ايسن وهو ياباني
ثمن وارن ثم بالمرتبه الاخيره البرازيلي


ميزة البرازيلي متوفر وسعرة مناسب
أما ماذكرت فهو غير متوفر...
الشيخ الظريف
10/10/2012, 03:07 AM
الاصلي سواء نيسان او تايوتا لا يعلى عليه ولا يقارن بالبرازيلي ولكن سعره ثلاثة اضعاف البرازيلي
sgl2002
10/10/2012, 07:48 AM
اللي يكسر الفرات ويخربه

انك تشبكه والموتر مغرز او لاف كفره

لازم تشبكه بارض مستويه
الربذي
10/10/2012, 11:43 AM
افضل الفرارات البرازيلي
قصدك ارخصهن ولافيه نوع وكاله نسيت اسمه بس غالي اظن بالف ريال
واخر شي هو البرازيلي مع الوقت بعد مثلا30او 40الف يطلع صوت وحله تفكه وتشحمه واذا طلع صوت وانت مسافر تشبكه 4في4 لين توصل بيتكم بحفظ الله وتفكه وتشحمه او بورشه بس احسن شي الشحم الاصلي يصبر
اذكر مرة طلع صوت معي من بكرا ورجعت له وصار ماركبه زين ومرة بعد سنه طلع صوت وكان عندي شحم قلت ابي امر اي ورشه اشحمه رحت لورشه قالي ب50 تهاوشت معه رجعت للبيت فكيته وشحمته بس جهه ماانفكت بازت المسامير وش سويت جبت ابره من الصيدلية واسوي لها فتحة صغيرة جدا بوسط الفرار لانه بلاستك واشحم اثاريني كثرت الشحم ويعيي يشبك واروح ابي اسحبه الا جامد شوي كنا بشتا واجيب نار واحميه لين ذاب واسحبه ويضبط كله اصرار اني انا اسويه والحمد لله جلس معي وبعت السيارة على جاري وقعدت معه فتره وبعها وهو تمام
الان معي فتك 2004 ومركب برازيلي اسود تمام الحمد لله من السليماني ببريده والجيد انك تقدر تركب الكوب عليه ويصير مقبول جدا
باترول 4500
10/10/2012, 12:02 PM
ياشباب الفرار البرازيلي الأسود مايفرق عن النيكل
حاطين لونين عشان كل واحد ياخذ اللي يناسبه يعني مثل الباترول من 2002 وفوق يصلح له النيكل لأنه قريب من لون الجنط وأكواب الجنط
أما الباترول 2001 وتحت الجنوط حديد وأكوابهن سود يصلح لهن الفرار الأسود

بالتوفيق إن شاء الله