وش الفرق بين الفرارات البرازيليه السود والنيكل

[شاووش]

سلام عليكم ورحمة الله وبركاته
الله لايهينكم بغيت اسال وش الفرق بين الفرارات البرازيليه السود والنيكل
واي منهم يتحمل اكثر وكم الفرق بينهم في السعر ..

[ابوهَوس]

هلا اخوي

خذها مني جربتهم كلهم الفرق بالشكل واللون بس هذا نيكل وهذا اسود

وانصحك بالاسود لأن شكله مناسب على اي جنط وانت وذوقك عاد.

وبالتوفيق ..

[شحرور الدهنا]

مثل ماذكر اخوي نفس بعض والاختلاف بالشكل الاسود انا مركبه على فتك وتقدر تركب عليه الكوع حق الجنط وتغطيه هذي ميزه بالنسبه لي النيكل اذا بغيت تفكه او تشد مساميره لان دايم ترتخي لازم تفك الغطا النيكل حقه علشان تربط مساميره وانت ورايك اذا ما اعجبك شكل الاسود ركب النيكل كلها نفس الشي

[باترول 4500]

وعليكم السلام
مافيه فرق بينهن
حاطين لونين عشان كل واحد ياخذ اللي يناسبه يعني مثل الباترول من 2002 وفوق يصلح له النيكل لأنه قريب من لون الجنط وأكواب الجنط
أما الباترول 2001 وتحت الجنوط حديد وأكوابهن سود يصلح لهن الفرار الأسود

بالتوفيق إن شاء الله

[. ذيب ساحوق]

مافي فرق بينهم ابد بس اختلاف شكل

وبالنسبه للتحمل والله من واقع تجربه شخصيه شريتها طول الله عمرك واستخدمتها اربع شهور وماشتغلنا غير اربع مرات ومع الردميات والمطاب انكسرت واحد منهن من جوا وغدت مالها نفعه ابد لكن وانا اخوك كانك منت راعي ردميات ومطانيج ركبها وكانك راعي ردميه ومع الصحراء تمشي ماعليك لا والله انصحك ابتعد عنها لانها راح تنكسر مثل الي عندي
لكن فيه نوع مدري وش اسمه اظن الشباب يفيدونا فيه بس غاالي شوي لكن يمدحونه

اسف على الاطاله وتقبل تحياتي