المساعد الشخصي الرقمي

مشاهدة النسخة كاملة : معي ماثفندر الفزعه يا النشامى


hsb_128
07/08/2006, 03:01 PM
السلام عليكم ياشباب الصراحه انا عضو جديد في مكشات وانا جداً جداً جداً سعيد بالموقع هذا ... حبيت اقولك انا معي باثفندر 2005 وضروري ابي مراوح وش الي تنصحوني فيه وش احسن شي ماهي مشكله السعر بس نبي المضمون ماتفصل وتبرد صح .. (ومعليش هذا القسم تبع السيرات ولا انا غلطان معليش يا المشرفين لاني جديد):)
escape_man
08/08/2006, 01:36 PM
مراوح شد البلد وشهي مشكلتها؟

حسوفه الموتر توه جديد وحرارته ماترتفع الا مع التطعيس وفي حالة انك مانسمت فقط مثلها مثل اي جيب بموديله.
راعي الطلعات
08/08/2006, 01:51 PM
اذا تبي مراوح خذلك مراوح يابانيه او سوبارو وخلها بسرعتين افضل لك صراحه
hsb_128
10/08/2006, 01:12 AM
السلام عليكم .. كيف الحال ياشباب .. مشكورين على الردود .. طيب أخوي escape man انا معك بالكلام الي انت تقوله بس كلام ذا يمشي بس بالشتاء اما بصيف مستحيل خصيصاً الباث حقي تماتيك ولا تحسبه قير العادي ولاحظ كل الباثات التماتيك أغلبهم مركبين مراوح يعني تخيل داخل الدير الحراره تحت النص .. واذا مسكت خط الحراره نص فوق النص بشوي يعني الحل مراوح وعلى فكره تقلل صرفيت البنزين وتعطي عزم خفيف وتبرد اكثر....ولا لو تسمع الحنه تقول في اكس أر ما كنه باث بس حبيت اعطيك فكره وجزال الله خير.
escape_man
11/08/2006, 02:23 AM
ههههههههه

والله انا مالي الا شهرين ومنك طال عمرك وشرواك نستفيد لكن ودي اطوع الشور والقلب يعصاني

اقعد اخرم واخلي هالزيود والبنقالية يتعبثون فيه. طيب بسألك عن الضمان حق الوكالة خاف يدقرون

لاسمح الله.
hsb_128
11/08/2006, 07:59 AM
هلا والله .. اول شي اذا بتركب مراوح عند البنقاليه على قولك بتاكل مطب بتفصل المراوح ههههههه اما الناس كلهم يقول الخطيب شغل سعودي ومضمون .. وضمان الوكاله ماظنتي انه يروح بس نيسان يبيلهم واحد لسانه طوووويل ويمشون معه زي السلام ... الحين الباث حقك تماتيك .
راعي الطلعات
13/08/2006, 05:27 AM
للفائده عندك
1 الخطيب
2 الحبيب
افضل ناس تصلح مراوح وان مصلح عند الحبيب وكلن منهبل على تصليح ماشاء الله
ولد الشايب
13/08/2006, 11:23 PM
أخوي انا مركب مراوح سوبارو .

الحرارة ترتفع اكثر من العادة بشوي . عزم افضل (ملحوظ) . قلة استهلاك بنزين(غير ملحوظ) . حنه مافيه ( على قولتك vxr)

ما في فرق يسوى بين العادي والتماتيك في العزم من الوكالة ( 10 حصان للعادي )

وحسب قناعتك الشخصية تركيب المراوح في ناس تقولك شغل الوكالة وما ابي اخرم واعدل على شان شي ما يسوى
ونصيحتي انك تروح لوحد فاهم في الشغلة مضبوط يحطلك السرعة الاولى مع تشغيل السيارة والثانية فصال يسير عندك داخل
الربذي
13/08/2006, 11:45 PM
اخي الحبيب
hsb_128<SCRIPT type=text/javascript> vbmenu_register("postmenu_454517", true); </SCRIPT> السلام عليكم
اولا انا ركبت المراوح مع فتح السلف تشتغل وبعدين فكيتهن وخليت لهن مفتاح عندي بس مشكله خطيره وهي ياحد ثنتين اما تنساهن شغالات وتطفي السياره وتبقى المراوح شغاله ويكون عندك ازعاج وماتسمع وتفضي البطاريه او تنسى تشغلهن وتروح الماكينه من الحراره
الافضل حساس بس عند ناس شغل صح انا كلفني حوالى 700 ريال وبالاخير هذولي هن مجدوعات عندي بالحوش شغلهم اي كلام
ولاحظت فرق في استهلاك البنزين وفرق في العزم طبعا قليل جدا