باترول العيسى 2012 غالي جدا

[مغلي]

باترول العيسى غالي جدا

سالت امس بصالة العيسى بالدائري الشمالي بالرياض .... عن باترول 2012 فل كامل 320 حصان جلد و 3 شاشات ( جنوط 18 وبدون صدام كت وبدون ازياق جانبيه)
.
.
فكان الرد مزلزل = السعر 280 الف ريال = لؤلؤي = جديد اصفار وكاله
.

.
.
ونفس المواصفات 100% بل تزيد بال جنوط 20 وصدام كت وازياق جانبيه = حصلته ب 225 الف درهم عند شخص في دبي = لؤلؤي = جديد اصفار وكاله
.
.
فهل العيسى ... اخس واقبح من ... الحمراني
.
.
فنصيحه ... اشترو من دبي ... ارخص وافضل مواصفات

http://img.haraj.com.sa/userfiles30/2012-07-27/50122bd6981b6.jpeg

[مودع الخلان]

يارجال من جفره لدحديره

[ابو لموره]

طايحين نصب ع العالم .. حسبي الله

[نايس × كول]

وين احصل العيسى بالحسا كله الحمراني

وخذ من الخليج ارخص وافضل موصفات

وخير ما خترت نيسان

[ابـوركـان]

يارجال اترك العسى وسياراته كلها جنب القده وافهم يافهيم

[شمس المغيب]

الغالي دواه الترك

[عاشق ونيت]

صحيح كلامك انا بعيد الفطر خذيت 2012 من سوق العوير في دبي معرض الجواد الاصيل

مواصفاته 400 حصان شنطه كهرب مخمل شاشه وحده اماميه وكت بـ 305 الاف ريال حوالي 296 الف درهم اماراتي

ونفس مواصفات سيارتي بمعارض النسيم جديده عند معرض ال جميح بـ 327 الف وشوف الفرق كم


ولا ازيدك من الشعر بيت دفعت 1200 ريال وحطوه على ضمان الوكاله


حسبي الله ونعم الوكيل لاحسيب ولارقيب كلن يرفع ويزود من راسه

[الشهابة]

أنا سالتهم عن الباترول العادي الي يجي مثل شكل 2006 و 2007 و المواصفات باترول قير تماتيك تربتونيك لون واحد كامل جنط 16 بدون فتحة و بدون دلفلوك و مكيفين و ثلاجه و كان السعر 186 الف ريال ؟؟!!!! و بنظام التأجير بعد دفعة أولى 65000 ريال يطع عليك بحدود 240 الف بعد ثلاث سنوات و نسيت كم القسط و نسيت كم الدفعة الأخيرة !!!! .. و اللي ما قدر عليه الحمراني كمله العيسى و انتهت نيسان في السعودية !!!

[لسان الحقيقة]

العيسى اسعاره مبالغ فيها وياليت يعيد النظر فيها قبل لا تخيس سياراته عنده
المشكلة ان النيسان ما انقرد بوكلاء سيئين الا بالسعودية والا بدول الخليج الامارات وغيرها وكلاء ممتازين وسيارات نيسان وخصوصا الباترول منتشرة بشكل كبير اكثر من منافسيه ..

[.أبوعبدالرحمن]

ينقل للقسم المناسب

[سعيد المعمري]

الغالي دواه الترك



صدقت :good2:

[اتجاه السحاب]

العيسى حاليا موزع وليس وكيل رسمي يجيب سيارات من الخليج
ويبيعها في السعوديه,,
مع بدايه2013 يصبح وكيل رسمي على كلام موظفيه
ويبدأ يستورد السيارات من نيسان الأم
وربما تتغير الأسعار,لذلك الأفضل اللي بيشري يشري من الأمارات أو البحرين..
......

[ولد وايل 2010]

حسبي الله ونعم الوكيل

[XML FLASH]

كم يكلف نجيب السيارة من دبي - اقصد حق الجمارك و اللوحات؟

[الأسد07]

مصيبة
قلنا الاسعار بتقل اذا تعددوا الوكلاء
والظاهر انهم ناوين علينا
اكلوا لحومنا وباقي العظام بياكلوها

[سعيد المعمري]

كم يكلف نجيب السيارة من دبي - اقصد حق الجمارك و اللوحات؟



السيارة الجديدة ما عليها رسوم جمارك

[أبو جراح11]

ياليت الناس يقاطعون السيارات بس سنة وحدة ويصمدون ياليت

اللهم افقر كل تاجر جشع طماع

[التعـ King ـديل]

ابو 280 الف هذا مكينته 400 حصان

ابو 320 عند العيسى يبداء من 199 الف واذا اخذته شاشات وجلد ب 240 الف

225 الف درهم = 233 الف ريال

الفرق 7000 ريال فقط

[alkongrs]

اخوي تقارن اسعار ومواصفات الخليجي بالسعودي

هذا هو الواقع السيارات الي من دول الخليج ارخص من وكلائنا بما يعادل من 10 الاف الى 15 ريال ومن واقع تجربه

[EINSTEIN]

عندنا كل شي نصب وكل ولعب علينا ولا كلهن نيسان بس اللي عندنا من ذهب واللي براى يعني حديد؟؟؟؟؟؟
من المصنع شوفو قيمتاه والله ملعوب علينا من هالهوامير اللي تاكل ولاتشبع!!!
كل السيارات.

[تميم2222]

:( ياخوي مهوب صاحين هالتجار اللي عندنا يبونا نتظاهر على هالضغط النفسي اللي بيوصلونا له .. حسبي الله ونعم الوكيل ... المشكله انهم من بني جلدتنا ومنا وفينا ... ياحلالااااات يالمستثمر الاجنبي بس .. هاتوه معد نبي الاهو ... ربعنا لابوهم لابو من جمعهم

[مطر وربيع]

طبيعي يكون العيسى اغلى لانه موزع يشتري من الامارات والي في الامارات ماهو بايعه الابمكسب
يعني تدفع مكسب العيسى +مكسب المورد الاماراتي + سعر السيارة
اما لو تشتريه مباشرة من الامارات او الحمراني تدفع مكسب المورد + سعر السيارة فقط
ان شاء الله 2013 يصير وكيل العيسى وتطيح اسعاره شوي

[رمآن]

يارجال حنا بهالسعوديه

كلن ياكلك من جهه لارقيب ولاحسيب

كلن يحط من كيفه

لاكن الله لايوفقهم هالتجار الجشعين

[سيف الظفير]

كلهم حرامية


في هالبلد كل التجار حرامية الا من رحم ربي

[ابوسند9]

يا رجل هذا خريج مدرسة الجميح وما اخس من الحمراني اللى العيسي
والخليج ارخص لا سيارات ولا قطع غيار

[العرندس909]

لم لا تتم مخاطبة الشركة الأم

ويوضح لهم أن من أسباب عزوف السعوديين عن سيارات النيسان هو الوكلاء
وتبين لهم بقية الملاحظات

ويتم وضع رساله يرسلها الجميع للشركة بعد تبيان الطريقة

إذا تكاثرت الشكاوى ستعيد نيسان النظر بالتأكيد


** تحتاج شخص يجيد الإنجليزية

[تميم2222]

لم لا تتم مخاطبة الشركة الأم




ويوضح لهم أن من أسباب عزوف السعوديين عن سيارات النيسان هو الوكلاء
وتبين لهم بقية الملاحظات


ويتم وضع رساله يرسلها الجميع للشركة بعد تبيان الطريقة


إذا تكاثرت الشكاوى ستعيد نيسان النظر بالتأكيد



** تحتاج شخص يجيد الإنجليزية

اانا من الناس اللي تراسل الشركه الام في دبي وبصراحه تجاوبهم كان رائع ... وقد اشتكيت على الحمراني كم مره ... وحسب افادتهم انه ان شالله في خلال الفتره القادمه ستتعامل الشركه مع الحمراني بجديه... وافادوني انه توجد معوقات بالسعوديه .. في التعامل .. بختصار واسطات وكذا...وان شالله راح تتغيراموركثير في مطلع العالم الجديد...
وهذا ارقامهم اللي يحتاج ..وارجومن الاخوه ارسالوالتكثيف في الايميلات على الشكوى من الحمراني ... لانه مو كفوو لهذه الشركه العريقه 40 سنه متربع على الوكاله ولا حسيب ولا رقيب تحياتي لكم
رقم شركه نيسان بالامارات +997148817500

ايميل الشركهcustomercare@nissan-me.ae