المساعد الشخصي الرقمي

مشاهدة النسخة كاملة : جوال مفقود ابي فزعتكم


^A^
08/08/2006, 05:42 AM
السلام عليكم ورحمة الله وبركاته
يالنشاما تكفون ابي فزعتكم...فيه جوال الشيطان 6680مفقود بين الرياض والقصيم (بالطريق السريع) ابي فزعتكم .
(المهم عندي محتويات الجوال).وشكرااا.
أبووليد..
09/08/2006, 02:55 AM
الله يردلك ضالك .. ويستر عليك ..
ابو شكاع
09/08/2006, 03:12 AM
الله يرد ضالتك ياخوي
المتصفح
09/08/2006, 03:12 AM
الله يخلف عليك أخوى

خاصة فى هذا الزمان مع الأسف

الأمانة صفر عند كثير من الناس
بدوي جنوبي
15/08/2006, 12:39 PM
محاكيك انسرق علي جوال ان 70 جديد شاريه 1500


حسبي الله ونعم الوكيل
طير سدير
15/08/2006, 12:49 PM
لا تقولون ما فيه امانه قولوا خير ان شاء الله

محاكيكم عنده مخيم في بنبان صاد والا حوله احدومره من المرات كنت رايح

المخيم ومعي ساكتون وانا في الطريق (الجره) بين الخط والمخيم شفت لي عصيفير نزلت ورميته

وما طاح:) ركبت السياره ورحت للمخيم في الضهر وسعت الصدر وتقهويت وسولفت بعد ساعتين تقريبا

خذت المفاتيح والبوك وادور الجوال الا مهوب فيه n90 ودور لا تدور مالقيته وادق عليه ويرد علي

سوداني سلام عليكم السلام من الاخ من الاخ انا صاحب الجوال قال جوالك بخير .قلت وينك ومن انت.

قال انا كنت مختصر الطريق في البر عشان اطلع هلى المزفلت وكنت ماشي وشفت الجوال طايح

ولو الزول يشوف ماشاء الله . قلت وينك الحين قال في سوق الحطب.. قلت يخوي وش يجيبني لك..

قال لازم تجي اذا تبغى جوالك.. واحط رجلي والقى الرجال ماسك التلفون والا صدر منه والا مكالمه

فيا اخوان لا تستبعدون الامانه سواء فينا يالسعوديين او في غيرنا مع ان الزول باين عليه مسكين وفقير

والا هو متعلم راعي غنم وحطب..
ابوعبدالله9999
21/08/2006, 06:52 PM
أعوذ بالله شيطان الناس تبا الفكه منه وانت تتبعه ..... أمزح معك ...... فيه موقع تعرف منه هل الشريحة شغالة على جوالك فتعرف إن اللي لاقيه يبحث عنك أو يكون راميه فهو حرامي ولا يظهر لك صورة الجهاز الموقع هو www.mms.net.saاختر (http://www.mms.net.saاختر) التلقائية وأدخل رقم جوالك وأنت تعرف.
بدوي جنوبي
21/08/2006, 07:09 PM
اخي راعي وناسه

بالله وضح الطريقه اكثر بالنسبه للدخول لموقع الاتصالات


بعد ما ادخلت رقم جوالي طلع لي بيانات عن الخدمات


تحياتي
ابوعبدالله9999
22/08/2006, 01:11 AM
بعد دخولك الموقع اضغط (الإعداد التلقائي )وبعدين حط رقمك الطريقه هذي تطلع لك الجوال (صورته على اليمين) اللي شغال على الشريحة في الوقت نفسه (يعني لو إنه مسروق فأكيد سارق الجوال راح يرمي الشريحة لأنه متأكد إنك يا بتقفلها من الشركة يابتدق عليه كل شوي إتكفاه إنه يرجعه ...... إذا ادخلت رقم جوالك يظهرلك الجهاز الي هوشغال على الشريحة حقتك إن ظهر لك جهاز غير جهازك فأطلب الله وإن ظهر لك جهازك فتأكد إن اللي لاقيه إبن حلال ويبحث عنك ويمكن شغله شاغل فانتظره ... ملاحظة / بحثك عن الجهاز عن طريق موقع الشركة لابد أن يكون قبل فصله وإن طلع اللي يكدر الخاطر لاسمح الله فسارع بفصله من الشركه ....ولكن أسأل الله إنه يوفقك وتحصله قريباً ... اللهم آمين .
خالد777
22/08/2006, 01:39 AM
اليوم جاء لجوالي فيروس المهم لازم افرمته
المشكله الأرقام راحت
الأرقام من الصعب تعويضها أما الجوال بداله جوال
الحقيقة لا زم الواحد يكون عنده دفتر دليل ليحفظ ارقامه تحسبا لأي طارئ على الجهاز
الضاري
22/08/2006, 02:16 AM
الله يرد لك جوالك أخي العزيز
^A^
25/09/2006, 12:07 AM
مشكورين يا اخوان لو كل الناس بامانتكم انكان محد اشتكا من شي .......
أبو فراس
13/10/2006, 01:49 PM
السلام عليكم ورحمة الله وبركاته


ادري اني متأخر ولكن ربما انه ينفع

ادخل هالموقع يمكن تلقا جوالك

http://www.mafgod.com/