مشوره ياهل الخبره من ناحية جكسار 2000

[GX8v]

السلام عليكم ورحمة الله وبركاته
ياربع عندي جكسار 2000 سعودي ابيض
والموتر يحتاج تنجيد مراتب وتنجيد الفرشه تحت
وبعض المرايات ماتنزل
ويبيله تلميع داخلي وخارجي
وكفرات سلق
يعني من الاخير ابي نصيحتكم ومشورتكم
ابي اطلق محل تلميع داخلي وخارجي
وابي محل ينجده تنجيد دلع
ومحل يضبطلي القزاز حق البيبان الثلاث ماينزلن وابي محل مضبوط
ووين احصل جنوط هلل اصلي كل مامريت محل لقيت تقليد
تكفون ياربع لاتبخلون علي وهل تنصحوني اشيل الخطوط الي عليه ودي اركب خطوط جكس2002 وفي نفس الوقت ودي اخلي خطوط وكالته في حال فكرت ابيعه عطوني نصايحكم وكلها على راسي ياذيابه
موقعي نجد يعني الرياض قريبه والقصيم اقرب

ودمتم

[ه م س]

عليكم السلام حياك الله
بالنسبة للتنجيد عندك النافورة او الشلال في القصيم أما القزاز محل السالم في الصناعية القديمة شغلهم ممتاز والجنوط في الغرابي بتلقى الاصلي والخط لا تشيله الا إذا بتركب خط وكاله(اصلي).
وأي خدمة حياك الله :)

[دحيم الفزعة]

السلام عليكم

من ناحية التنجيد أشور عليك تسوي تنظيف كامل للمراتب والفرش والديكورات وتلغي فكرة التنجيد " حلاة الموتر بفرش بلاده " وبيطلع أرخص من سعر تنجيد وفرش جديد


مكائن القزاز مر أي كهربائي يعلمك وش فيهن لكن ما أعرف بالقصيم او الرياض


الجنوط مشكلتها التقليد مالي السوق الحل أما تدور بالتشليح أو تبحث بالنت


ودمت بود ===

[الموظف]

مشكلتك نفس مشكلتي ودي ادور حل بالتنظيف والتلبيس ودي اركب خط 2002 خليجي هدد ومحتار كل يوم ياحمد بكرا
بس الغسيل قالي واحد روح لدولية ببريدة وفي ناس قالوا رح للشلال او النافورة هذا بسيطة بس تركيب الخط وتشيل الخط الاول من يضبطة لك هنا السؤال
تحياتي

[دحيم الفزعة]

السلام عليكم

بالنسبة لتركيب الخطوط عندك الحسون وأبو فهد مع أن كل الورش يركبونها


وأنا جربت ابو فهد ممتاز شغله ويأخذ على الجنب الواحد فك وتركيب ١٠٠ ريال


ودمت بود ===