اذا معاك شاص ومركب بطاريه اضافيه تفضل

[مشوت الذيب]

السلام عليكم ورحمة الله وبركاته
مساكم الله بالخير اخواني

حبيت استفسر عن تركيب بطاريه اضافيه للشاص2010هل الافضل تفصيل كرسي لها في الكبوت او اثبتها في الحوض؟
وكيف الافياش الداخليه ؟
وكيف تثبيت المحول؟
وكيف اثبت الكنود؟
وتمديد سلك للثلاجه ؟

وياليت صور اذا ممكن
ومن افضل ورشة تقوم بعمل بطاريه اضافيه؟

لاني مع الاسف بحثت عن تقرير لجيوب الشاص وما حصلت

وجزاكم الله حيرا

[ajaa2009]

الافضل بالكبوت انا مركبها داخل الكبوت عن يمين المحرك وموقعها متناسق
والتمديد لثلاجه يوجد فتحه خلف المرتبه بالصدرعليها سده

[مشوت الذيب]

مشكور اخوي على المرور والايفاده
لكن يقولون اذا داخل الكبوت احتمال كرسي البطاريه
مع المطبات يكسر الرفرف

[سعد القاسم]

http://www.expeditionportal.com/forum/threads/9034-Post-up-your-drawer-storage-system

فيه شغل بهالموضوع متعوب عليه لعلك تجب ماتبحث عنه

دعواتك

[yusr]

عليكم السلام
ان كنت بالرياض فعليك بابوشهد لا توقف الا عنده رجال صادق ووفي وناصح ولا عنده الا الطيب
ومن ناحية الشغل فابشر بالشغل الزين اللي يريح الخاطر ولا تدور وراه من يعدل ولا يبدل
والله يبارك لك في حلالك

[مشوت الذيب]

مشكورين اخواني على هذا المرور والتفاعل الطيب


اخوي سعد القاسم : الرابط دخلني على موضوع بالانجلش

اخوي ياسر: من ابو شهد؟ وش اسم الورشه ؟ ولا كم رقم جوالهم؟

مع ان القصيم اقرب لنا ، لكن ان كان شغل الرياض زين ويكفيه يوم واحد ننعنيله

ومشكورين حبايبي

[سعد القاسم]

ايه الله يسلمك انت خذ الافكار من الصور الي تشوف

واحرص على الموقع هذا ترى بتشوف فيه ابداعات

[مشوت الذيب]

الله يجزاك خير

[ابو صالح الرس]

شف يالغالي عندك السوافي لكن الان ما يمدحونه بسب الضغط الي عليه وذهاب بعض العمال صاحبي الخبرة

فيه ببريدة عند واحد يقالة العثيم
وفيه بالرس عند واحد يقالة باسم القعيد حتى موقع محلة صغير
وفيه بحائل لكن العذر والسموحة نسيت اسمة
وكل هذولا شغلهم نظيف ومتكتك

وبالتوفيق

[عالي الكيف]

ايضآ عندك حمدان بالزلفي و رسام بشقراء
وسمعتهم طيبه جدآ والشغل ماشاء الله تبارك الله تقول شد بلد .

[وليد46]

نصيحة مجرب لاتعدى الدفع الرباعي ببريده اقرب ماله التشاليح بس ماتدخل التشاليح.

[مشوت الذيب]

الله يجزاكم خير اخواني على هذا المرور والايفاد

جاري التوصل للافضل والاتصال عليه