المساعد الشخصي الرقمي

مشاهدة النسخة كاملة : البلون أفضل أم الشاهين للربع نيسان ............


أبو أسامة
09/08/2006, 12:04 AM
السلام عليكم ورحمة الله وبركاته

كيف الحال يا أخوان إن شاء الله طيبين ..........

أخواني الكرام أحببت أن أستفسر من أهل الخبره عن كفرات البلون والشاهين ........... والدانلوب اللي تشبه الشاهين .... وش أحسن أركب لنيسان بترول ربع أو حتى بابين من الأنواع اللي ذكرتها سابقاً ..... وأنا صراحة أبيها لكل شيء يعني رمل ... طعوس .... شعبان ....... جبال.... خطوط ..... مدينه ... راحه ...... وأبيها تعيش....

أدري أن ما فيه شيء كامل ..... لكن أنا أبي الأفضل ....... ثم وش رايكم بالمقاس ....... يعني أخذ 245/75/16 أم 235/85/16 أم 245/85/16 أم أكبر أم أصغر .........

مع العلم أن الجنوط نحيفه يعني جنوط الستاندر..............


واللي يعرف نوع أحسن يعلمني الله يعطيكم العافيه ...........


وجزاكم الله كل خير .........

والسلام عليكم ورحمة الله وبركاته
m1m
09/08/2006, 01:42 AM
السلام عليكم

أنا كان معي ربع نيسان مركب عليه شواهين .. رااائعة لكل شي .. حتى أذكر من قوتها أنه ( حبّل ) واحد من الكفرات في الطائف وما لقيت نفس النوعية والمقاس .. ومشيت عليه للرياض بسرعة 100 وبدون وقفات .. والحمد لله ما تغير شي

كفرات ولا عليها . تصبر صبر عجيب ..أنا أمسك خط كل اسبوعين 450 رايح جاي ولله الحمد ما ضرب أي كفر خلال سنتين -عيبها الوحيد تطلع صوت في الملفات ( تصارخ ) والباقي 100%

-* ملاحظة مهمة : انتبه لتاريخ صنع الكفر عند التركيب
escape_man
09/08/2006, 08:49 AM
انا لي 8 سنين ما اركب بالبليزر والربع النيسان الا الشاهين لكن نصيحتي لاتركبها على جنط 16 لانها بتطلع صخيفه

اذا بتغير لجنوط 15 وتاخذ مقاس 285/75 بتطلع خبال بالنفود

وبالنسبة للصبر فهي تتحمل اماكن مثل الصمان ووعورتها اما اذا بتطرق بها مثل الحريق وجبالها فتراها ماتجمل

وعلى فكرة عمري ماغيرتها قبل 3 سنين على الاقل.
ع.ف.الدرويش
09/08/2006, 09:58 AM
السلام عليكم ورحمة الله وبركاته

أبو أسامة.......

بصراحة جربت أنواع مختلفة من الإطارات(بريدجيستون/هنكوك/دنلوب رملي/دنلوب نصف رملي/سيام رملي) وعلى عدة احجام لجنوط ((الباترول)) 6.5/7/8/9/10 وبصراحة.. بصراحة.. ما جاز لي إلا جنط ((الشد المعدن)).. أما الكفرات فهي من نوع دنلوب ومقاسها 245/85/16 رائعة جداً وعملية........((نفس مقاس كفرات الشاص))

والله يكتب لك اللي فيه الخير........
dark
09/08/2006, 10:00 AM
ابوا سامة والله معرف الكفارت بس اذا الربع 97 كلسك انصحك تبيعه علي وتفتك من البر وش تبي من وجع الراس :d :)
ناصح
09/08/2006, 10:07 AM
السلام عليكم

أنا كان معي ربع نيسان مركب عليه شواهين .. رااائعة لكل شي .. حتى أذكر من قوتها أنه ( حبّل ) واحد من الكفرات في الطائف وما لقيت نفس النوعية والمقاس .. ومشيت عليه للرياض بسرعة 100 وبدون وقفات .. والحمد لله ما تغير شي

كفرات ولا عليها . تصبر صبر عجيب ..أنا أمسك خط كل اسبوعين 450 رايح جاي ولله الحمد ما ضرب أي كفر خلال سنتين -عيبها الوحيد تطلع صوت في الملفات ( تصارخ ) والباقي 100%

-* ملاحظة مهمة : انتبه لتاريخ صنع الكفر عند التركيب


كلام صحيح وأنا مجربها على باترول فل كامل اربع أبواب سوبر سفاري

بصراحة رهيبة وقوية جدا وتنفعك كثير خاصة في الرمال وقت الصيف

لكن ....................خطيرة جدا أيام الأمطار لأن تماسكها ضعيف في الطرق المبللة بالمياة فخذ حذرك
أبو أسامة
09/08/2006, 10:15 AM
السلام عليكم ورحمة الله وبركاته

جزاكم الله كل خير

بالنسبه للبيع الله يرزقنا وياك الموتر ماهو للبيع .............. يا خوي دارك والله يرزقك أخير منه .........


بالنسبه لتصويتكم .......

البلون : 0

الشاهين:3

الدانلوب شاهين : 1

وجزاكم الله كل خير

والسلام عليكم ورحمة الله وبركاته
أبو أسامة
11/08/2006, 01:13 PM
السلام عليكم ورحمة الله وبركاته

أخواني الكرام :

إذا أحد عنده علم لا يكتمه ............ نبي المساعده في أفضل أنواع الكفر لسيارات الدفع الرباعي للأستخدام العام يعني ( بتاع كله ) ....... خط وديره ورمل ووعر وشعبان ووقت الأمطار لأن البلون يصلح لكل شيء إلا وقت الأمطار ..... ويعمر ...........
الوافي99
11/08/2006, 03:14 PM
انا ركبت شاهين للباترول الصالون لمدة سنه ونصف .

وطت شعبان نجد وجبال المدينه وابها والخطوط المسفلته ماشفت منها الا كل خير لاكن انا الان مركب دنلوب
أبو أسامة
13/08/2006, 09:30 PM
مشكور أخوي الوافي .........

طيب ما قلت لنا كيفها وقت الأمطار ...............
الوافي99
13/08/2006, 11:34 PM
تقصد الطين هن يزلقن او لا الكفرات كلهن ماينفعن بالطين لأنها تتعبا الفتحان او النقشات بالطين وتزلق طبيعي هذا لاكن انا من اللي يحب يطلع وقت المطر ولاشفت منهن الا كل خير بعدين النقشه تختلف جند 15 يختلف عن جنط 16 .

اما النفود ياناس انا الله ماعطاني فيه ماعرفله والله قرنبعات تمشي قدامي وانا اريوس واقدم ومشغل الدبل لاكن اباخذ دوره عند عنيزه او بريده هههههههههه.
أبو أسامة
15/08/2006, 03:45 PM
جزاك الله كل خير
anas
16/08/2006, 10:34 AM
عندي تساؤل وارجو منكم الإجابة... هل تحتاج كفرات الشاهين او البالون تنسيم؟ وكم يكون معيار الهواء بها في الخطوط واثناء الطعوس؟ وهل تنفع في جبال الباحة مثلا؟
أبو أسامة
16/08/2006, 06:44 PM
السلام عليكم ورحمة الله وبركاته

مشكور أخوي أنس على طرح هذا الأسئله ..........

وأرجوا من أهل الخبره الإجابه ..........

والسلام عليكم ورحمة الله وبركاته
خالد777
18/08/2006, 12:42 AM
اخوي ابو اسامة
بالنسبة لي شخصيا لم اجرب البالون مع اني اسمع انه مايصلح للحصى اوالاحجار
لكنني جربت البرجستون قاسي واليوكوهاما ممتاز جدا لكن انقطع عن السوق الان اركب الدنلوب حق الشاصي للباترول (وتراي مانب بايعه)
كفر سخيف ممتاز جدا ولا يضره شي حتى بالغراز والنفود اذا نسمت الكفرات رهيب والصراحة شكل وعملي ونقشه ما احد يعرفه (توهق اخوياك مايشوفون جرك)بس اول ماتركبه له صريخ بعدين تروح كانك مثلي مطفوووق
أبو أسامة
18/08/2006, 02:50 PM
السلام عليكم ورحمة الله وبركاته

جزاك الله كل خير ياخوي خالد 777 وحاشاك تكون مطفوق......... بل على العكس إن شاء الله .........

نرجع لموضوعنا........... يعني تصلح في الصبخات والنفود........ يعني ما تخفس أو تغطس في الصبخه والرمل ........

وجزاك الله كل خير......
ASMALRHS
18/08/2006, 09:01 PM
الله يسهل امرنا وامرك
ASMALRHS
18/08/2006, 09:14 PM
الله يدلك على ما فيه الخيروالبركة
anas
19/08/2006, 12:35 PM
انا خلالالالالالالالالالالالاص باقي لي شوي واشتري لي ربع 2003 ... ارجو الإجابة على الأسئلة السابقة .
ملاحظة: الجنوط شد بلد يعني صخيفة.
katav
20/08/2006, 02:52 AM
السلام عليكم ورحمة الله وبركاته<?xml:namespace prefix = o ns = "urn:schemas-microsoft-com:office:office" /><o:p></o:p>

تريد نصيحة مجرب لا تركّب إلا بالون اريحلك وللسياره<o:p></o:p>
تبريزة
20/08/2006, 01:38 PM
حياك الله اخوي

انا استعمل الدنلوب نفس حقات الشاص التايوتا
بس على جنط 15 حلوة وخفيفه وعملية
أبو أسامة
20/08/2006, 05:23 PM
مشكورين يا شباب ........

وأنا عن نفسي ما ظنيت إن الدانلوب شبيه الشاهين أكثر شعبيه من البلون ........ وذلك بسبب كثرة مانسمع عن أن أهل المقانيص يستخدمون البلون ........
anas
21/08/2006, 12:02 AM
عندي تساؤل وارجو منكم الإجابة... هل تحتاج كفرات الشاهين او البالون تنسيم؟ وكم يكون معيار الهواء بها في الخطوط واثناء الطعوس؟ وهل تنفع في جبال الباحة مثلا؟


كبرنا لكم الخط عشان تردون :D
جربوع داعس
21/08/2006, 04:11 AM
السلام عليكم ورحمه الله وبركاته



ابو اسامه اذا كنت تبي الراي اللي ان شاءالله ماتتحسف عليه طول عمرك لاتاخذ الا كفرات دنلوب لانها موهب قاسيه ولا هي لينه يعني ممتازه وعمليه مره لاني بصراحه جربت كذا كفر بجيبي الباترول الاول ومانفع و فكره تركيب كفرات البالون انصحك تشيلها من راسك لان كفرات البالون مايفيدك الا في الرمال طبعا اذا نسمت الكفر عشان يفرش وفي الطين يمشي براحه بس بشرط تكون وطياته كبار اما بالجبال اسال مجرب اي حصاه تلمسها سلمني على الكفر:D او اي شوكه تلمسها بغض النظر عن نوع كفرات البالون سواء دنلوب اوشاهين......الخ وبالخط ماتقدر تتعدى ال100 لان الكفر اذا بنشر لاقدر الله سلملي على التنده حتى وسط المدينه جربته ياخي اذا لفيت وانت مسرع تحس الجيب بيقلب يعني خلك على كفرات الدنلوب احسلك انا الحين جيبي الباترول الجديد شد بلد كفرات بريجستون بغيرهن بكفرات دنلوب لان بريجستون بعد قاسيه مره يعني بالبر تطيح عزم السياره وثقيله لازم تنسمها مره علشان تطاعس ويلا يلا بشق الانفس تمشي بالرمال بس بالخط وبالجبال تعطيك علشان كذا اذا رحت الجبال اقول يازين كفراتي وشوله اغيرهن اما اذا رحت للدهناء اقول وش الكفرات البايخات هذي علشان كذا افضل كفرات دنلوب طبعا تكون عريضه شوي

وكيل كفرات دنلوب<<<<<:D علشان كذا قاعد اسوي دعايه لهن

اشتر اربع كفرات تحصل على بلف مجانا:D





http://aljrboa.jeeran.com/4800.jpg
أبو أسامة
21/08/2006, 09:00 PM
وعليكم السلام ورحمة الله وبركاته

جزاك الله كل خير أخوي الجربوع الداعس .......... وشكلي أبي أطاوعك ..................
وأظنه جاوب على بعض أسئلتك أخوي أنس.......

والسلام عليكم ورحمة الله وبركاته
شاص
22/08/2006, 07:50 PM
بالنسبة لي أفضل الدنلوب الرملي اللي يجي شد بلد على الشاص ثم الشاهين ثم البالون
وقبل فترة شفت واحد من الشباب مركب هانكوك رملي شكلها حليو ودعستها زينة لعلك تسأل عنها
أبو أسامة
24/08/2006, 01:14 AM
مشكور أخوي شاص ......... الهانكوك زين أنه ناعم وهادي لكن مشكلته أنه ما يعمر مثل الياباني ............

والسلام عليكم ورحمة الله وبركاته
hamad125282
27/08/2006, 09:02 PM
عليكم بتويو زين برمل وبزفلت
أبو أسامة
28/08/2006, 01:42 PM
مشكور أخوي أحمد 125282 على المشاركه ...

التويو زين ......... لكن في العصر الحاضر جودة التويو ليست كالماضي ...

والسلام عليكم ورحمة الله وبركاته