ألا ياسديد الرأي لاهنت ويش الرأي ؟؟؟؟؟ محتار بين ثلاجتين

[K.S.A.A]

ألا ياسديد الرأي لاهنت ويش الرأي ^^^^^^^ ترى الفكر شتتني والأعصاب منهاره .



كما هو موضح بالعنوان . انا محتار بين ثلاجتين

وأتمنى من جميع الأخوه عدم ذكر نوع ثالث عشان ما أحتار زياده .

الموضوع ومافيه

أني ناوي أشتري ثلاجه وقد عزمت أشتري ثلاجة الثميري
حتى أن سيارتي حاليا واقفه عنده يركب بطاريه إضافيه وسلك وإلخ ..

لكن بعد تقرير واحد من الزملاء الله يجزاه 1000 خير عن ثلاجة الرميح كأني غيرت رأيي .

السؤال :

هل أشتري ثلاجه الثميري أو ثلاجة الرميح ؟؟

علما أني ماراح أدفع أكثر من 2200 ريال

مع ذكر الأسباب والمميزات .

شاكراً لكم حسن تعاونكم .

[سعد القاسم]

سم يالغالي هذا ردي ولو اني مانيب شاعر
وبحكم تجربتي في الويكو ابطرحها لك ولا هانو الربع طبعا استهلاكها في الكهرب ممتاز جدا جدا جدا

الراي يدلي به من الي راح والي جاي والاعصاب ثبتها كما اعصاب صقاره
ترى الويكو وذيفة وتجمد بريق الشاي ولاهي على الكهرب حنانه وطراره

[عالي الكيف]

اسعد الله مساء الجميع

اخوك جديد على ثلاجات السياره ومن توفيق الله شريت ويكو 40لتر + تركيب بطاريه اضافيه مع منظم رفيق الدرب ب900 + تسليك كيبل حراري ب 300 ريال .
المده : لها 3شهور تقريبآ.
تقييم التجربه : رائعه جدآ وتمنيت اني مسويها من زمان.

لكن ؛ ؛ ؛ طرى لي طاري فيما بعد وهو ان اغلى مافي هالشغله هي الثلاجه وظمانها لا يتجاوز سنه
لكن السعر مكلف . في حين ان البدائل الرخيصه متوفره مثل ثلاجة الاسكا نفس الحجم ب 1600 بينما الويكو ب 3150
تقريبآ يعني دبل السعر ويمدحونها بالجوده ولا جربتها بصراحه .
طبعآ اهم عامل في عمر الثلاجه هي : التسليك المناسب + كمية الكهرباء الكافيه والمستمره + التهويه الجيده للثلاجه .
فإذا وفرت هالعوامل الثلاثه اعتقد ان الثلاجات ما راح تفرق لاسيما وانها كلها صينيه.

ارجوا ان تكون الفكره واضحه واسف على الاطاله

تحيتي

[قرناس حوران]

الله يكتبلك الي فيه الخير

[K.S.A.A]

سعد القاسم وعالي الكيف وقرناس الله يبيض وجيهكم ويجزاكم خير

وننتظر باقي الأخوه .

[شقران نجد]

أخي الحبيب لم أجرب ماذكرت ...فقط جربت الويكو من سنوات ممتازه وسمعت عن ثلاجه اسمها زيست وكيلها مكشاتي يمدحون الوكيل كضمان وقطع غيار وخدمة ما بعد البيع

يبدو أننا زدنا الحيره مليون حيره:D ;)

وفقك الله اخي الحبيب لكل خير