بدون اعطال

[محمد متعب]

السلام عليكم ورحمة الله وبركاته ... وكل عام وانتم بأحسن حال واسأل الله ان ينفع بنا وبكم
احبتي عندي مكينتين 75 حصان تو استروك جديده تعمل بحمد الله بصوره جيده .
وسؤالي؟؟ لاحضت ان سرعة المحرك بدأت تقل بدل من 48 كيلو الى 24 فقط
مع العلم انها مركبه على قالب الحركان 27 قدم؟؟؟؟
ايضا عند رفع ذراع الريموت تدريجيا تزيد سرعه البوت وتصل الى سرعة 24 كيلو
ويكون وضع الذراع تقريبا في معدل ثلاث ارباع اي باقي الربع وعند الرفع للاخر لاتتغير سرعة البوت ولا صوت المكائن ؟؟

[wafi6556]

عليك السلام والرحمه
وانت بصحه وسلامه
وحتى انا عندي سؤالين لك عشان توضح الصوره للشباب
الآر بي ام ثابت او يطلع وينزل وكم يوصل على سرعة 24...واذا منت مركب عداد الماطور يشكل وانت ماشي
والنقعه كم عمرها ياصاحبي

[محمد متعب]

هلا اخي وصباحك خير وهذا اللي تقول عليه الاربي ماهوب عندي والنقعه مابعد سويتها لاني منزل القارب البحر قبل رمضان باسبوع واحد يعني تقريبا له ثلاث اشهر

[wafi5665]

هلا اخي وصباحك خير وهذا اللي تقول عليه الاربي ماهوب عندي والنقعه مابعد سويتها لاني منزل القارب البحر قبل رمضان باسبوع واحد يعني تقريبا له ثلاث اشهر

النقعه ماسويتها يعني انت منزله البحر على الجلكود ؟
على العموم هل البوت مخوبن
وما جاوبتني حبيبي المواطير تشكل وانت ماشي

[محمد متعب]

النقعه عملوها في المصنع حسب كلامهم وبدأت الاحض ان اسفل البوت يوجد طحالب خفيفه لونها اخضر
اما عن تشكيل المواطير هذي والله مافهمتها... الله يرزقك الجنه

[wafi5665]

آمين وانت كذلك
واذا على قولك طحالب خفيفه ماتنزل السرعه 50%
لكن عذراً ياصاحبي كان ودي افيدك لكن الأحتمالات كثيره بالمعلومات المتوفره منك ولا قدرت ارجح لك المشكله...لكن عسى النشمي م عبدالله يمر على موضوعك هو صاحب المهمات الصعبه وان شاء الله يقدر يساعدك
بالنسبه للتشكيل...اقصد اثناء الممشى هل الماطور يرتفع صوته وينخفض ؟
واذا فيه اي تغيرات ليتك توضحها لأنها مهمه في معرفة المشكله ويكون تحديد المشكله من الشباب في محله

[الواهج]

من بعد اذن الشباب الطحالب هو السبب الرئيسي لظعف الماكينه ان القارب لايوجد به انسياب لانه سطحه اصبح خشن من النو والطحالب

الحل

ارفع القارب علي جيكات وحف القارب من الاسفل وصبغه صبغ نو بفرشه ناعمه وانصحك بالاصباغ التاليه سي هوك او همبل

تقبل تحياتي

[الواهج]

الوافي يابعد راسي الطحالب تنزل سرعه القارب بشكل كبير وتسمع المكاين تطحن واذا استمريت بدون صبغ مع وجود النو قل للقير باي باي

تقبل تحيات اخوك

[wafi5665]

الوافي يابعد راسي الطحالب تنزل سرعه القارب بشكل كبير وتسمع المكاين تطحن واذا استمريت بدون صبغ مع وجود النو قل للقير باي باي

تقبل تحيات اخوك

ارحب يالواهج
وصادق الطحالب تسوي نفس الكلام وتهلك المواطير وتشرب بنزين
لكن الرجال يقول توها الطحالب بدأت على خفيف اسفل القارب...ويقول البوت نزل البحر قبل ثلاثه اشهر...بكذا انا استبعدت مشكلة النقعه...ولو تلاحظ السرعه عنده نازله من 48 كم الى 24 كم هذي 50%...ونقعه عمرها ثلاث شهور ماتسوي هالكلام او على الأقل هذي معرفتي وقد اكون مخطئ


ويسلم راسك

[م/عبدالله]

وعليكم السلام ورحمة الله وبركاته

اولا نشوف موضوع الفضاوة في الريموت


هل الكيابل جديده مع الريموت .ام قديمه ..؟
هل المشكله في المحركين ...ام محرك واحد...؟

[الواهج]

اتا كان عندي قارب قولف كرافت عليه مكاين 200 -200 وكان يوصل معاي 75كم وبسبب النو لمدة شهرين بالمرسي وصل معي الي 40كم من الجوانب كان الوضع عادي لاكن المشكله في بطن القارب يصعب ملاحظته وهو بالماء لمن رفعته شفت النو وكان كالحصي

[م/عبدالله]

كلامك في محله ياواهج وهذا سبب رئيسي

لكن من متابعة السؤال... عنده مشكله في الريموت
لذلك ركزت عليها يمكن المحرك مايستجيب لان الحركه
ناقصه ومايكمل مشواره الى فوق