شباب ابي اركب مكينة لكزس على باترول

[محمد المدني]

السلام عليكم ورحمه الله وبركاته
شباب ابي احد يفيدني عن ترهيم الباترول وكم تكلف مكينه اللكزس مع كافه التجهيزات
>>> انتظر ردودكم

[محمد المدني]

ياساتر 73 مشاهده ولا رد وين اهل الترهيم

[التميمي محمد]

اعرف واحد توه مركبها في عجمان في الامارات ب 7500
وفي الزلفي يركبونها ب 17 الف

[abo naser 1]

السلام عليكم

الأسعار لدينا بالرياض والزلفي والقصيم تتراوح مابين 15 الى 18 الف ريال شامل جميع القطع مع التكييف
الأسعار في الأمارات تترواح ما بين 7 الى 9 الأف ريال شامل جميع القطع

وجميعها طبعاً الرجيع لك الى هي المكينة السابقة

[تساهيل1]

اجل تنقز للامارات ابرك لك دامها وصلت 17

شغلهم 100%

واللي هنا كويسين وشغلهم زين لاباس فيه

بس المصدر لكل ترهيم وتعديل الامارات

وانت حر في اختيارك

[الحر النداوي1]

لاهنتم الي يعرف كراج بالشارقه وشغله زين يدلنا عليه طحت بكم كراج مايعطوك ضمان
وقابلت اكثر من واحد مايمدح شغلهم
وربعنا هنا غالين على ١٥ و١٨
ياليت الي جرب كراج يفيدنا وله جزيل الشكر

[تساهيل1]

شف طال عمرك

انا اشوف واقرأ من اغلب الشباب
انهم ركبة في كراج العين ويمدحونه

والله اعلم

ادخل الرابطه حقت باترول مكينة لكزس وبتلقى معلومات تفيدك

ترا فيه كراجات حراميه وتمقلبو فيها ناس هناك

وموفق

[مراسيل الوفا]

اخ محمد اذا لقيت احد تقفى علمني بمكانه ع الخاص لاهنت

[محمد المدني]

يعطيكم الف عافيه على التواصل

[محمد المدني]

اخ محمد اذا لقيت احد تقفى علمني بمكانه ع الخاص لاهنت
اخوي مراسيل ابشر

[التعـ King ـديل]

حسب معلوماتي بالامارات يركبونها ب 10 الى 11 الف بدون رجيع

والرجيع حسب شطارتك 1000 الى 1500 درهم

طبعا انا اتكلم عن الموديلات القديمه 97 وتحت ولا انصح احد يركب مكينه لكزس على 98 وفوق لان الموتر بيكون ثقيل مره

واي خدمه انا على الخاص

[رضاوي]

السلام عليكم ورحمة الله وبركاته

يعطيك العافية اخوي محمد المدني على طرح الموضوع وانا نويت اركب مكينة الكزس على النيسان واتمنى الإفادة من الشباب عن الكراجات الي في دبي عن الافضل والاسعار المناسبة .

[saleh660]

اللي يبي مكينه لكزس يتواصل معي خاص عندي وحده بجميع اغراضها وبالنسبه للسعر فهو افضل من السوق

[جي تي]

الامارات مشكله بعيده وانت غريب يعني ما تدري عن شغلهم او اذا دروا انك سعودي بيضبكونك ؟!
صح الي عندنا غالي بس اذا جت اي مشكله تقدر ترجعله قريب موب في الامارات فيه كرجات عندنا ممتازه مثل الصمعاني ببريده وفيه بدر الحمد وفيه كرجات ممتازه .كثير الي يختصون بالباترول عندنا والشور لك

[شحرور الدهنا]

الامارات شغلهم ممتاز جدا ورخيص

[يالبى الهلا]

خلك من مكينة اللكزس للاسف سمعه لااكثر ولاتورك عالي لاان كان تركب مكينة 5700 لكزس الجديد شئ تاني عزم جبار وصرفية اقل خلك على البلد أصبر واجود وركب له بس فلاتر هوائية وهدرزات وشرط تعطيك اداء رائع وبلا قلت خساير

هذا من القلب للقلب واطيب التحيات