اهل الخبره لا تبخلون علي

[سلطان kh]

السلام عليكم ورحمة الله وبركاته
يشرفني الانظمام لكم واتمنى قبولي بينكم اخ محب للجميع

ابي اهل الخبره والناس الفاهمه لاني والله من جد محتاس
قلت اسئل اهل الخبره

ابشركم شريت لي جيب ربع نيسان موديله 91 من مبيعات الشرطه
الموتر له فتره واقف

تكفون ابي اعرف وش يبيله من والى
تكفون لا تبخلون علي
والله يجعلها بموازين حسناته ويرحم والديه

واسف ع الاطاله

[abo naser 1]

السلام عليكم

أخي الكريم اذا كان الموتر وقفته زينة بودية نظيف و نظيف محركات وخصوصاً المكينة لا نقص ولا حرارة وداخلية نظيف وانت رجال مستعمل يستاهل صيانة كاملة للمستخدم طويل الأمد



أولاً/ صيانة المحرك بالكامل من طبات ماء تغيير جميع اليات الهواء والبنزين وخراطيش الماء تصفية المحرك بليتين بواجي اسلاك صفاي بويبينة طرمبة ماء وبنزين ولتغيير الطبات يجب تنزيل المحرك على الطريق تغيير دسك كلتش صحن كراسي مكينة ولا تنسى اديتر صيني المنيوم لا يتجاوز 250 ريال تشييك على الدقمة والسلف والدينمو
ثانيـاً/ تشييك بطن الموتر من جلد بدي رباطات دفرنس مساعدات ويايات ومسامير توازن
ثالثــاً/ أكيد جنوطة شنبر وفيها رجة غيرها بهلل او برازيلي مع طقم كفرات.
رابعــاً/ جلد القزاز و الأبواب اذا متقطع ومهتري لأزم تتغير
خامساً/ التكييف يحتاج صيانة كاملة من أوله الى أخرة بس هذي قبل دخول الصيف تفادياً للزحام والسعر والشغل النظيف


هذه الصيانة بأذن الله اذا كان المكيانكي شغله طيب دق سلف وين ماتبي بأذن الله مايعوقك اي شي

[سلطان kh]

تسلم ي بعد راسي ماقصرت

[نصوب المنشى]

يبي تشييك كامل شف الي خربان وغيره وبس

[Salamah.y]

عليكم السلام و رحمة الله و بركاته

,

اول شي شيك على زيوته كامله , مكينه قير دبل دفرنسات فرامل
ثاني شي , تصييخ راديتر و تنظيف مجاري الماء بالراس و البلوك
تغيير خرآطيش المآء و ليات البنزين اذا نآشفه مع الصفايه ~

هذا اهم شي
بعده , شيك على عضلات الموتر

,

و الف مبروك الموتر
الله يعطيك خيره و يكفيك شره

[سلطان kh]

الله يبارك بعمرك اخوي سلامه وبيض الله وجهك ماقصرت