تركيب مشب جاهز في شقة

[طيرالسعادة]

السلام عليكم

انا ساكن في شقة اجار وارغب بتركيب مشب جاهز مثل حق الدوادمي

ولكن الفكرة ان المدخنة ( الوصلة الخارجية الي يطلع معها الدخان )

تكون مع النافذة وليس بكسر الجدار ، لان صاحب العمارة لايمكن يوافق وانا لو كنت صاحب عمارة لا اوافق على ذلك ..

سؤالي هل اجد احد يفصلها لي بالشكل المذكور بحيث ان المدخنة يتم اخراجها عن طريق النافذة

ياليت الي عنده فكرة او يعرف محل يفصل يفيدني

والله يرزقني بيت ملك وكل مسلم لايملك والامل بالله كبير

وجزاكم الله خير

[تساهيل1]

الله برزقك بقصر فالدنيا

وقصر بالاخره مليان من الحور العين ان شاء الله


اخوي الموضوع وخصةصا انه ترهيم وتوليف فراح

يكون بسيييييط جداإاإاإ

اول شي رح لمحلات الرحلات او الخيام
وخذ لك وجار اللي يسمونه امريكي يجي جاهز
انت خذه بدون مدخنه خذ الوجار والبيت حقه

وبعدها تعال تحت النافذه وبحطحه في النص ^^

ثم رح لمحلات الحداده على شرط ان يكون الحداد جنسيه باكستانيه لانهم فنانين وخلوتهم اللي يجون هنا كويسين ميه ميه

وخله يظبط لك مدخنه لويطلعها مع النافذه ويفصل لك مكان الدريشه حق مروحة شفط لانها مهمه وزينه

وموفق ان شاء الله

[أَبوابراهيم]

مثل ما افادك اخوي تساهيل ..

وياليت لو تشاور الزملاء او الاقارب بالفكرة ..
لانها خطيرة جدا وغير مناسبة وغير مجديه ايضا ..

[المستعين بالله]

السلام عليكم ورحمة الله وبركاته
حياك الله اخي طير السعادة والله يوفقنا واياك وكل مسلم لكل خير
شبة النار فيها متعة و لا سيما في الشتاء وتحلو الجسة حولها ولكن الشقة غير مناسبة ابدا وانا اقول لك هالكلام من باب النصيحة تقدر تشب ولكن احسب حساب الريحة والدخان وتغير لون الجدران والنظافة وقبل هذا كله الامان من الحريق لا سمح الله او الاختناق
ان طعتني خذ لك شحنة حطب وشف لك مكان مناسب حولك وكل ما صنفت معك رح واضبط العشا والشويهي والشبة فيه

[أبو جراح11]

أهم شي وسائل السلامة والحذر الحذر من التهاون فيها

وأنا ماعندي زود على وارد الأخوان
والله يوفق الجميع00

[طيرالسعادة]

جزاكم الله خير على ردودكم واستفد منها ،، وياليت باقي الاخوان يتفاعلون معنا .. فكرة .. رأي .. تعليق

[جبال القهر]

عندي مشب حديد شاريه له ثلاث أو اربع سنوات
احطه بالشتاء واشيله بالصيف
من أحسن ما يكون

وفيه ناس كثير تبيعه في الرياض خصوصا عند شارع الفريان جاهز بس تأخذه وتركبه
والغالب كلها مقاس واحد تقريبا ويختلف طول المدخنة بس وهي اللي ممكن تعدل عليها مثل ما تبي
فيه ورش ناحية الصناعية اللي بعد كوبري الحارج على طريق الحاير وانت وجهك جنوب امش لين يصير سوق الطوير على يسارك ثم أدخل يمين يصير على يسارك برحه كبيره كلها باصات عطلانه بعدين أول شارع يسار ادخل معه بتلقي على يمينك كم ورشة حداده بتشوف المشابات معروضة لونها أحمر

اهم عيوب هالمشبات
أولا تحرق اي شي تحتها يعني لا تحطها على موكيت أو زل أبد حاول تحط تحتها قطعتين أو ثلاث بورسلان ولا رخام على شان لا يخرب عليك ارضية الغرفة لانه مع الحرارة يتشطب السيراميك والبلاط

ثانيا: أذا عندك أطفال احرص وأحرص كثير من الصاجة المقوسة اللي تغطي الوجار لا يحطون أيديهم عليها

وسلامتك

[باوزير]

تأكد من جيرانك لا يتأذون من الدخان بارك الله فيك

[mr_tariq]

وليه ما تسوي لك مشب في السطح وتريح راسك
اما انك تحطة داخل شقة ما ينفع ابد

[حب لاينتهي]

فكره جميله

[ابورشيد]

اخوي أهم شئ هو الاوكسجين
ترا النار تحرق كميلت اوكسجين كثيييره وأنت ماتدري لكن تحس بالخمول والرغبة في النوم
بعدها يدخل الواحد في غيبوبه وهو مايحس ويموت
اهم شي اذا بغيت تشب انك تفتح الشباك سو تجربه حط لك شوي جمر في سطل بويه وغطه بالغطا حقه وشف كيف يحترق الاكسجين بسررررعه
عليطول يشفط الغطا الله يحمينا واياكم من الشر ومن مخاطر النار

[طيرالسعادة]

جزاكم الله خير على ردودكم واستفدت منها ،، وياليت باقي الاخوان يتفاعلون معنا .. فكرة .. رأي .. تعليق

[شمالي 44]

وأنا أخوك حطلك جزة بالمجلس


وشب نارك بالسطح وإذا جمممرت إخذها وحطها بالجزة بشقتك


وحط جنبها دلتك وأبرايقك


وإحذر تنام قبل ماتطلعها خارج الشقه


أما أثناء وجودك ماعندك مشكله دام مافي لهب نار


,,,,,,,


وإذا تبي تشبها بمجلسك حطلك جزه كبيره شوي وشب فيها


مع مراعات كونها قريبه من شباك مركب فيه شفاط قوي بلاستك لأن الحديد مزعج


وبنفس الوقت غير ملاصقه للجدار أو ستاره أو أثاث


الجزة يكون معها إذا شريتها قطعة عازله أرضيه تجلس عليها الجزة لعزل الحراره عن الأرضيه


مع ملاحظة وسائل السلامه وخصوصآ الأطفال

[صاهود بالنفود]

رايي تحطلك بيت شعر بالسطح 4 في 5 وتخليهم يعزلونه لك وتركب سدو من داخل واناره
بيكلفك حوالي 3500ريال وحطلك وجار حديد بحدود 800
وهذا طبعا حديده مثبته بالسطح اذا بغيت تنقل يا تبيعه او تنقله معك

والله يهنيك ويرزقك اللي ببالك

[شربوش]

السلام عليكم ورحمة الله وبركاته
حياك الله اخي طير السعادة والله يوفقنا واياك وكل مسلم لكل خير
شبة النار فيها متعة و لا سيما في الشتاء وتحلو الجسة حولها ولكن الشقة غير مناسبة ابدا وانا اقول لك هالكلام من باب النصيحة تقدر تشب ولكن احسب حساب الريحة والدخان وتغير لون الجدران والنظافة وقبل هذا كله الامان من الحريق لا سمح الله او الاختناق
ان طعتني خذ لك شحنة حطب وشف لك مكان مناسب حولك وكل ما صنفت معك رح واضبط العشا والشويهي والشبة فيه

نفس كلام أخوي المستعين بالله
الله يكون في عونك

[هولوكس2005]

السلام عليكم ورحمة الله وبركاته
أخي العزيز هويتك وهواك راح تضر جيرانك برائحة الدخان وتضر العمارة لاسمح الله بحدوث حريق مافيه أحد حرق بيته بإرادته لاكن هناك أسباب تساعد على الكوارث مثلث الحريق جاهز اكسجين و وقود و لهب عندك اي غلط رايح تكون كوارث لا سمح الله

والمسألة ماتسوى ناس عندهم مشبات وقاعدين عند الدفيات لا كربون ولا رائحه تعلق بالملابس وصحيه ولا قضيت اسحب سلكه ونم
غير الخسائر الماديه خير الحشرات التي تكون بالحطب من نمل وعقارب وغيرها

انا انصحك أن تعدل عن فكرة المشب داخل الشقه

[abo.hesham]

بعض الدول الباردة يضعون صندوق في وسط الصالة ويظهر منه مدخنه يظهر معها رائحة الاحتراق ويصدر الصندوق حرارة تدفأ الصالة ويمكن الطهي على سطح الصنوق والتخبيز

[كاريرا]

فك الدريشة نفسها وتقدر ترجعها وقت الصيف اهم شي الغرفة كبيرة وانتبه من عبث الاطفال

فيه اشكال وانواع وافضل تفصيل ع مزاجك وعامود المبخرة لازم يكون مرتفع عشان ماتذي الجيران كبار سن وربو واطفال

وبالتوفيق