المساعد الشخصي الرقمي

مشاهدة النسخة كاملة : تظليل السيارة


المنبسط
09/08/2006, 09:40 PM
السلام عليكم ورحمة الله وبركاته
حينما تعيش في مدينة كمدينة الرياض وتخرج في الصباح او الظهر فإنك ستجد موجة من اللهب والحرارة تصطحبك اينما ذهبت . ما أطول عليكم
هل تظليل قزازة السواق والراكب مسموح به واذا كان مسموح بدرجة معينة فما هي الدرجة لأن عند المحلات اللي يظللون نوع زيرو و زيرو 1 و زيرو2
اخوكم المنبسط :)
المنبسط
10/08/2006, 02:04 PM
يالربع ما فيه احد يعمل في المرور او يعرف احد يجيب العلم منه
المنبسط
كبريت
10/08/2006, 02:13 PM
انا عني مضلل زيرو زيرو السياره كلها ولي حوالي من بداية الاجازه الا الحين وامر مع التفاتيش ومع كلششش والحمد لله محد وقفني حتى القزازه الاماميه بس انصحك بالتظليل العازل اغلى شوي بس يعجبك
المنبسط
10/08/2006, 06:15 PM
مساك الله بالخير والله يحييك اخوي ابو محمد
التظليل العازل زين بس غالي شوي والكلام بيني وبينك (الميزانية على الحديدة)
وشاكر لك اهتمامك
لكن تركيب الزيرو 1 هل فيه مشكله على قزازة السواق والراكب ؟
مسافر1
10/08/2006, 08:19 PM
نعم أخي التضليل الكاتم ممنوع حتى لغير السواق ...السواق يسمح بالخفيف فقط هذا حسب علمي ..
راعي الكيف
11/08/2006, 01:17 AM
انا مركب .. زيرو 2 الراكب واللي وراه الدرايش بس .... وماشي تمام ..

بس لامني مريت جمب تفتيش نزلت الدرايش اللي قدام لين الطقة ... وقريت قوله تعالى : ( وجعلنا من بين ايديهم ومن خلفهم سدا )) >>>> وش حااااادك ؟؟؟

بس والله مرتاح من قضية قزقزة خلق الله للاهل في السيارة + اني مرتاح من قضية الحرارة الزايدة ...
ابو شكاع
11/08/2006, 01:40 AM
اللي أعرفه أخوي أن التظليل كله ممنوع ...
والله ودنا نظلل السيارة خصوصا أنها من فئة الجيب ..والسيارات الجيب مكشوفة لكثر الزجاج فيها ...
وأنا يوم شفت الحملة ضد التظليل فكيت التظليلة وقلت بلاش مشاكل وقسايم
وأشوف عندنا بالقصيم في تشديد عليها ...يسوون نقاط تفتيش عشانها
أخوي راعي الكيف ...

بس لامني مريت جمب تفتيش نزلت الدرايش اللي قدام لين الطقة ... وقريت قوله تعالى : ( وجعلنا من بين ايديهم ومن خلفهم سدا )) >>>> وش حااااادك ؟؟؟
أول شي أخوي الآية
وجعلنا من بين ايديهم سدا ومن خلفهم سدا فاغشيناهم فهم لا يبصرون (http://javascript<b></b>:showAya(36,9))
ثاني شي
يعني وش رايك ...ندبل التظليله وإذا مرينا من عند نقطة التفتيش قرأنا الآية ...ومشت أمورنا ؟؟
طيب ممكن ندخل البنك بعد كسر الأقفال ونقرأ الآيه فيغشي الله أعين رجل الأمن والشرطة والتحريات الأمنية ؟
أعتقد أخوي أن الآية هنا في غير محلها
تقبل ملاحظاتي بصدر رحب ...واشكر لك تفهمك أخوي
راعي الكيف
11/08/2006, 12:55 PM
اخي الكريم ابو شكاع ...

لم اذكرها إلا لقصد الترفيه لا اكثر - وقد اكون مخطئا حين اضعها في هذا المجال - .... وتراي ما اخطيت بالاية يوم اكتبها بس ماكتبتها كلها ...!!

الظاهر انك تسمع بالنصيحة الله يجزاك خير ... عموما الله يكتب لك الاجر مرة ثانية لو شفت احدن ماجاز لك حتسيه ... فيه شي يسمونه الخاص ... اكتب اللي نفسك فيه وارسله ...

هالمرة جت فيني وانا من طبعي وسسسسع صدرك ... بس انتبه لامنك طحت بواحدن حار وصكك برد يخيلك تحرم تنصح مرة ثانية ولاينلام بصراحة !!

وبعدين يخوي تقارن تركيب التضليلة بسرقة البنك ؟؟ تقارن شي حلال بشي حرام ؟؟ والله مقارنة ..!! ولا حتى فيه مثال على الاقل !!

لك خالص شكري وتقديري لنصيحتك الجميلة
المنبسط
11/08/2006, 06:26 PM
السلام عليكم
مساكم الله بالخير اخواني
مسافر1 وش درجة مقياس هالخفيف ؟
راعي الكيف
ابو شكاع
اسأل الله ان يجمعكم في الجنة كما جمعكم في ها المنتدى
شاكر لكم مروركم
لكن إلا الآن ما فيه إجابة كافية شافية
اخوكم المنبسط :)
كبريت
14/08/2006, 12:01 AM
عليك بازيرو زيرو كل السياره حتى الامامي العازل ولو قلت غالي اقولك الغالي سعره معاه وبتندم اذا ماركبت عازل
بو خليفه
14/08/2006, 08:32 AM
المشورة ظلل V kool و موجودة بدون لون
آنا مظلل السيارة بأكملها مع الزجاجة الأمامية و تعطى عزل عن الحرارة قرابة بالنسبة للأمامي 45% و الخلف 60%
والزجاج الأمامي شفاف لا يبين ولأحد يلاحظه من بعيد أو قريب
ولكن سعرها غالي جداً لكن في سبيل برودة جسمك لا يغلى غالي البعض يقول غالية و لكن أقول جنوط لا يستفاد منها أو جناح لأجل الناس يدفعون فيه الكثير و تظليله لا يدفعون
المنبسط
14/08/2006, 02:42 PM
السلام عليكم
مساك الله اخوي ابو محمد واخوي بو خليفة
وشاكر لكم على ها المشورة وبيض الله وجيهكم
المنبسط
الكاسر23
14/08/2006, 03:55 PM
انا اللي اعرفه ، أن جميع أنواع التظليل ممنوع، سواء الخفيف أو الثقيل، وقد واجهتني كثير من المواقف مع رجال المرور، وقلت لهم عندي اغراض في شنطة (الجيب)، واخاف عليها ، لذلك ظللتها تظليل غامق.
قال لي أحد رجال المرور بعد ما وقفني عشان التظليلة: أن التظليل ممنوع ، لكنهم يتغاضون عن التظليلة الخفيفة في سيارات العائلة ومنها الجيوب، لكن لا يرحمون سيارات الشباب حتى لو كانت تظليلة خفيفة.
ابو شكاع
14/08/2006, 05:07 PM
اخي الكريم ابو شكاع ...

لم اذكرها إلا لقصد الترفيه لا اكثر - وقد اكون مخطئا حين اضعها في هذا المجال - .... وتراي ما اخطيت بالاية يوم اكتبها بس ماكتبتها كلها ...!!

الظاهر انك تسمع بالنصيحة الله يجزاك خير ... عموما الله يكتب لك الاجر مرة ثانية لو شفت احدن ماجاز لك حتسيه ... فيه شي يسمونه الخاص ... اكتب اللي نفسك فيه وارسله ...

هالمرة جت فيني وانا من طبعي وسسسسع صدرك ... بس انتبه لامنك طحت بواحدن حار وصكك برد يخيلك تحرم تنصح مرة ثانية ولاينلام بصراحة !!

وبعدين يخوي تقارن تركيب التضليلة بسرقة البنك ؟؟ تقارن شي حلال بشي حرام ؟؟ والله مقارنة ..!! ولا حتى فيه مثال على الاقل !!

لك خالص شكري وتقديري لنصيحتك الجميلة

أخوي راعي الكيف..... مافهمت وش تقصدمن قولك
لم اذكرها إلا لقصد الترفيه لا اكثر
بالنسبة للآية أخوي عندك خطأ غير الإكمال ..ولو كان فقط المشكلة إكمال الآية كان ماعقبت على كلامك ...لكني لاحظت إنه كأنه في الآية كلمة ناقصة فقمت بالبحث بالقرآن الكريم ووجدت أن ملاحظتي صحيحة... لاحظ أخوي الآية اللي أنت كتبت ولاحظ الآية اللي أنا كتبت وبتعرف الفرق
بالنسبة للنصيحة ... هذا أخوي منتدى بمعرفات خلفها شخصيات ...والتعامل هنا بمعرفات لا اسماء صريحة ومعروفة .. يعني أخوي لو أنا وأنت جالسين في مجلس مليان ...ونصحتك قدامهم يحق لك تزعل لأن النصيحة أمام الملأ فضيحة ...لكن مع المعرفات الأمر يختلف ....عموما هذا الأمر تعودناه في المنتديات اللي نشارك بها ..يعني ينصحنا عضو او يوجهنا فنتقبل بصدر رحب ....ومن ضمن هذي المواقع مكشات ...كثير صار فيه توجيهات ونصايح وملاحظات يتقبلها الطرف الآخر بكل احترام وتقدير خصوصا الملاحظات على النصوص الشرعية .. هذي لابد من التنبيه على الأخطاء اللي تقع فيها ...
بالنسبة للتظليلة وسرقة البنك كنت أقصد الخطأ والخطأ ..ماقصدت الحلال والحرام ....
بكل الأحوال شكرا لك أخوي وأعذر حماسي وحبي للتنبيه وحبي للغير ما أحب لنفسي
المحدرة
14/08/2006, 05:19 PM
راعي الكاف

أنا من شفت أبو رفارف وأنا مغسل إيديني00
تقول / ترفيه00
أي ترفيه أي بطيخ00 هذي آيات00 الله يخليك لميمك
لا00 واضح انك وسيع صدر00 وأنت دعست الرجال
ترد النصيحة وتقول نصيحة جميلة00

وسع صدرك 00


إني أوداعبك 00 :D




أبوشكاع00 رد جميل وراكد