تحذير بخصوص محلات وزن الأذرعة باليزر والكمبوتر والضحك على المواطنين

[كبسولة2]

بسم الله الرحمن الرحيم

أخواني المكشاتية وزن أذرعة السيارة وإنحرافها مرتبط

بالنظام كله من جلد ومقصات ومشاحم وكفرات وهوبات

وفرامل وأكواع إذرعه وعلبة دركسون ودودة دركسون

يعني إذا فيه حاجة خربانه مما ذكر بالأعلى مستحيل تضبط

الوزنية 100 % وإذا ضبطها لك المهندس ضبطها لك

على حساب شئ آخر أما أرتكاز كفر وميلانه أو كفرات

تمسح أو شد اعمدة بالقوة وثنيها ....الخ

وما أشاهده من محلات ولوحات إضاتها تجذب الزبائن

وواجهاتها المزينه بكلمات وجمل توحي لك بأنها فرع من

وكالة سياراتك والأجرة فيها تتعدى الخياااااال هي في

الحقيقة ماهي الا ميزان يدوي عادي حقه 30 ريال للف

مسمار أما يمين أو يسار لتوجيه السيارة إلى الأمام

ولكن من يرى الكمبوتر وقطع حديدية تربط بالكفرات

والشاشات والارقام تزيد وتنقص

والمهندس يذهب تارة للسيارة وتارة للجهاز ويسوي فلم

هندي يحسس قائد السيارة بأن هذا الرجل خبير من وكالة

ناسا لعلوم الفضاء والفلك

والحقيقة أن مايقوم به ماهو الا وزن عادي جداً جداً أنت

لو تملك الخبرة البسيطة عملته بنفسك

فأحذروا من النصب والأحتيال يا أخوان

وزن الأذرعة بـ 30 ريال فقط تحتاجه كل 30 الف كيلو متر في الدول المتقدمه

وفي ديرتنا أعتقد تحتاجه كل 10 آلآف كيلو بسبب زين شوارعنا

وتحتاجه إذا ركبت كفرات جديدة

أو تعرضت لمطبات وحفر قوية ولاحظت شئ غير طبيعي

في السيارة أحياناً تكون المشكلة من كفر محبل أو مسحية

في أحد الكفرات أو مقص مطعوج من مطب أو جلد مهترئه

وأذرعة سيارتك سليمة فيقوم النصابين

بوزن الاذرعة غلط لكي يعوض المشكلة وهي في الأساس

موزونه

[BLA6K]

جزآك الله خير ..

[كثير السؤال]

شكرا على المعلومهتم الحفظ في المفضله

[SAS2]

يالغالي هو صحيح ما يعالج المشكلة بس يعطيك افضل نتيجة مثلا تقطمت مسامير الكفر عندي بالهوب وما طلعت الا بالضرب بمطرقة من داخل الهوب

صار عندي الموتر يحذف يمين بس مدري وش القطعه الي تأثرت ما قدر يوزن الموتر الا ميزان الليزر صحيح الارقام في الكمبيوتر ما تطابقت

بس انا سكت لاني عارف ان فيه قطعة تاثرت بس عطاني افضل نتيجة ممكن اوصل لها والحين مرتاح من الحذفة

والف شكر يا مشرفنا على هالموضوع المميز

[PATHFINDER 4]

جزاك الله خير موتري كان فيه حذفه والسبب مب من الاذرعة من دودة الدركسون
عالجناها وضبطت الحمدلله مع اني سبق ومريت ميزان وقالي 300 ريال يوزن الذراع

[طواش]

الشغله هذه سعرها 150 درهم فقط
اعجبني رد تساهيل1 احذورا النصابين

[شهادة مجروحة]

انا معرف شي اسمه الليزر الميزان اكتروني وشغله 100% السيارة الصغيرة 80 ريال والكبيرة 100 الى 150 ريال ولا هو لازم يطلع اصفار في الشاشة بعض السيارات الدرجة تجي 02 او 2.5 تختلف بس شغله دقيق جدا وقالي خلاص وهو واثق بدون مايجرب . الشغل اليدوي يسبب تسحت الكفرات وضجيج .

الشغلة ماهي معقدة اذا عرف استخدام الجهاز يعني مو لازم يكون اصلا فني ميكانيكي عشان يشتغلها انت تقدر تسويها لو تعلمت على الجهاز والنتيجة مضمونة

[كبسولة2]

شكراً للجميع

وهناك معلومة مهممممممة جداً

إذا الكفرات نص عمر الوزن مايضبط

[طال الانتظار]

الله أكبر الله أكبر الله أكبر لا إله إلا الله
الله أكبر الله أكبر ولله الحمد
احيو السنه الله يجزاكم خير

[أبوأسامه...]

شكرا لــــــــــــــــــــك على التوضيح


اما الكفر الي نص عمر


مايضبط 100% ينجح 70%

[كاشت بالبر]

كفراتي جديدة وما وزنت الاذرعة والمقصات

يمكن اوزنها كمبيوتر

[mekshaat]

المشكله ماهي بالكمبيوتر المشكله من اللي
شغال على الكمبيوتر يجيك يشتغل عليه وهو
ماعنده سالفه ولا اخترعوه الا وله فايده مثل
كمبيوتر فحص السياره يجيك العامل ويعطيك
خرابات غير صحيحه أو عندك خراب ويقول
لك السياره مافيها شئ الزبده كل شغله تبي
أهلها اللي فاهمين فيها لكن عندك عماله
هنا مستعده تشتغل على أي جهاز جديد
بدون تدريب أهم شئ يشتغل ولافكر هو
صح والا غلط.

[بيق مان]

المشكله ماهي بالكمبيوتر المشكله من اللي
شغال على الكمبيوتر يجيك يشتغل عليه وهو
ماعنده سالفه ولا اخترعوه الا وله فايده مثل
كمبيوتر فحص السياره يجيك العامل ويعطيك
خرابات غير صحيحه أو عندك خراب ويقول
لك السياره مافيها شئ الزبده كل شغله تبي
أهلها اللي فاهمين فيها لكن عندك عماله
هنا مستعده تشتغل على أي جهاز جديد
بدون تدريب أهم شئ يشتغل ولافكر هو
صح والا غلط.
احدهم في الغرابي من جهله في الشغله كلها .. الجهاز يطلب نوعية السيارة .. اختار نوعية سيارة تختلف عن سيارتي وبدأ يتفلسف ويصور لي ان السيارة فيها الشق والبعج وانا عارف ان ما فيها شي ولكن كوني مغير الكفرات هناك مريت عليهم .. وتركته ومشيت

[الإستراتيجي]

أخوي كبرت المسألة وهي بسيطة


المسألة لما يركب القطع إلي تتكلم عنها هي قطع وايرلس أو ليزر تتصل بالجهاز


عن تجربة جربت الوزن العادي وجربت هذا

الوزن بالجهاز الألكتروني إن كانه خبير وسيارتك تحتاج وزن فقط يعني قطعك ممتازة راح تدعي له ليل ونهار لأنك بتشيل الطارة وتمسك الخط صح وبتنسى مسح الكفرات


لكن موتك من المحلات إلي تطعج الأذرعة والمقصات


على حسب علمي أنه إلي يوزن لك يقول أهم حاجة أنك مضبط قطعك قبل لا تيجني يعني مسوي تغيير لقطعك في ورش أنا وزنت عندها وإن كنت ما أذكر بس أعتقد أني معي جمس كان فيه ضرر في الشاص تم تعديله وسحبه بطلب من الميزان الإلكتروني لأنه يوم جاااء يوزن طلع فيه مشكلة في الوزن فقال أفحص الشاص وأكتشفت أن الشاص جايه تعديل

لما تم سحب الشاااص وتعديله زي ما طلب صار الموتر يمشي صح ورحت وزنته ووزنه خلال نصف ساعة ما عاد رجعت للوزن بعدها وبعت الجمس على الوزنية حقته


وللأمانة الشاص تم تعديله خارج محل الوزن


والميزان أعتقد أنه في شركة برجستون بس إلي كان شغال كان شخص فاهم

يعني ممكن تغير مع السعودة :D يجيك سعودي يحوس أبو الموتر :good2:




لذلك نصيحة الجهاز ماله دخل أكثر من العامل عليه :good:

[كبسولة2]

حياكم الله وكل عام وانتم بخير