المساعد الشخصي الرقمي

مشاهدة النسخة كاملة : ياشباب سؤال جامد ويسبب مشاكل بين الشركات ممكن ثلاجة؟


5000
10/08/2006, 08:01 AM
السلام عليكم ورحمة الله وبركاتة

ياشباب ممكن ثلاجة الاندكروزر تركب في اليوكن 2007

ابغا ثلاجة للمشروبات صغيره وتكون بالسياره على طول وبشكل مخفي وش رايكم

فيه حل فيه طريقة ,,,,,,,,,,,,,,,,,,ارجو الرد او المساعدة من الخبراء

وتحياتي للجميع
5000
10/08/2006, 04:10 PM
,,,,,,وين الشباب!!!!!!!!
بدوي جنوبي
10/08/2006, 05:33 PM
عليكم السلام ورحمة الله وبركاته


فكره جدا ممتازه


بس الشغله علي ما اعتقد يبيلها شغل واجد


مثل تمديد مواصير الالمنيوم داخل السياره

وامكن تغير الكمبرسر عشان ما تخف البروده

هذا رأئي
5000
10/08/2006, 09:14 PM
فيه عدة اماكن مناسبة مثل التكاية او الدرج الى امام الراكب الامامي
m1m
11/08/2006, 02:33 AM
المسألة مكلفة ومكلفة جدا إذا كنت بتخليها في التكاية وعن طريق زر مثل اللاند أو السفاري .. تصليح الثلاجة في الأعطال قد يكلف 600 أو أكثر فكيف إنشاء جديدة :)

تاخذ أحسن ثلاجة على كهرباء البطارية أفضل وأوفر
5000
12/08/2006, 12:36 AM
طيب فيه جاهزة بحجم التكاية بحيث نضعها ونلبسها تنجيد ونشبكها في الشاحن حق الولاعة ؟؟؟؟؟؟؟؟؟؟؟
وللعلم بس ابغاها لقارورة مويه صحة او لعلبتين عصير او بيبسي بس يعنى صغيررررره,,,,,,,,,,,,,,,,,,,,ياريت اراء الشباب الى شافوا الثلاجات الجاهزة باحجامها ...........وتحياتي للجميع
تايوتا
12/08/2006, 01:08 AM
اخوي اذا ماخب ظني تلقها عند السيلماني او ساسكو
جلمود 83
12/08/2006, 02:27 AM
السليماني او ساكو او حقين الجمله للالكترونيات انا اخبر محل يبيع الصيني تلفزيونات مسجلات اي شي تلقى عنده الثلاجات ورخيص بعد
الكلاسك
12/08/2006, 05:57 AM
انا بقول رايي وهو من جملة اراء:
السياره اللي ما جا معها ثلاجه اصلا انسى موضوعها ولا تفكر تركبها راح يصير فيها حوسه وتخريب ما تسوى الشغله يقي عندك خيار اخر وهو الثلاجات الكهرابائيه هي ثلاجات تبريدها ضعيف وتاخذ وقت عشان تبرد يعني بالعربي اركد :) نا جبت لي ترمس صغير وعبيته ثلج وياكثرهم كل محل يبيع لك ثلج يجمد لك الماء والعصير ويستمر يوم كامل .
5000
12/08/2006, 02:20 PM
شكرا لجميع الاخوان ومازالت الفكرة تنبض بالحياة "الحاجة ام الاختراع "
أبو مسفر
12/08/2006, 11:36 PM
يا5000 لالا تنسى الموضوع ابداً

انا مركب الثلاجة على الولاعة بين المراتب ولا حوسة ولا يحزنزن

انا موتري سوبربان 97 ملكي مراتب مفصولة وبينهن درج فكيت الدرج وشريت ثلاجة حجم 25 لتر من الطمرة اللي بالغرابي بـ 1500 ريال صناعة صينية مضمونة سنة وكملت السنة وهي ماشاء الله من احسن مايكون ولاهيب تبرد الا تثلج

المهم اذا كان اليوكن فيه مرتبة صغيرة بالوسط تنسفط وتصير مركى تقدر تشيل هالمرتبة وتركب محل مساميرها قاعدة من زوايا حديد وتقعد الثلاجة تقعيد بس لازم تكون القاعدة تاكة يعني الثلاجة ما تلعب

وصراحة ثلاجتي صارت مركى وثلاجة من احسن ما يكون وان شاء الله ابا انزل الصور حتى تتضح الفكرة
5000
13/08/2006, 09:15 AM
الله يوفقك يابو مسفر حليت الموضوع بس فيه اصغر من 25 لتر ؟

وكم الوقت عشان تبرد بعد ماتشبكها بالولاعة

والف شكررررررررررررررر
الكاسر23
13/08/2006, 09:59 AM
أخوي 5000
أخواني الكرام
السلام عليكم ورحمة الله وبركاته

فكرتك جيدة، والحل موجود، عندك سلمك الله (العليان) اللي على طريق خريص (على يمين الخط وانت متجه شرق) أو العليان اللي في الغرابي، وفيه عندك أيضا ساكو (تبريد فقط)، وأيضا الرماية عندهم أكثر من ماركة ، وأكيد غيرهم الكثير. المهم لا بد أن تعرف شي مهم عن هالثلاجات قبل لا تشتريها لانها أنواع ومميزات، وهي كالتالي:
1- ثلاجات تبريد : وهي تعطي هواء خفيف وبارد نوعا ما ، وهذا النوع تجده باحجام صغيرة مثل حقت اللاندكروزر وهناك أحجام أكبر، بحيت يتدرج حجمها من 6 لترات إلى 18 لتر، وغالبا تصلح جميع تلك الاحجام أن تكون تكاية بجانب السواق مثل ثلاجة اللاندكروزر. ويغلب على صناعة هذا النوع من الثلاجات الصناعة الصينية ويتدرج سعرها من 100 وحتى 240 ريال. ويعيب على هذه الثلاجات أنها تعمل فقط على تخفض درجة الحرارة الداخلية (داخل الثلاجة) إلى 10-15 درجة أقل من درجة الحرارة المحيطة في الجوار، فمثلا لو كانت درجة الحرارة في الجو 40 درجة، فهذا يعني أن درجة الحرارة داخل الثلاجة 25 درجة، ومع أنني استخدم هذا النوع من الثلاجات بحجم 18 لتر وحاولت تبريد محتوياتها من خلال تسليط المكيف على مراوحها ، إلا أنها لا تزال برودتها غير مقبوله رغم أن المشوار كان طويل (بحدود 10 ساعات) وكاف لتبريدها ، إلا أنني اضطريت في طريق العودة إلى استخدام الثلج ووضعه داخلها ليساعدها على التبريد. وهذه الثلاجات لا تنفع لدينا في اجوائنا الحارة جدا ، وبالتالي لا بد من ان تلجأ للصنف الثاني منها.
2- ثلاجات تبرد إلى درجة التجميد، حيث يمكن التحكم في درجة التبريد إلى نوعين (تبريد إلى 5 درجة مئوية) وتبريد إلى درجة التجميد (أقل من 10 درجات مئوية تحت الصفر)، وهذا النوع من الثلاجات يأتي غالبا باحجمام كبيرة نوعا ما تبدأ من 30 لتر وتنتهي بـ100 لتر وقد يكون هناك أحجام أكبر . وأفضل نوع منها المصنع من قبل شركة WAECO الألمانية، وهي متوفرة لدى العليان، بحجمين (36) لتر بسعر 2990 ريال و(50) لتر بسعر يقارب 4000 ريال تقريبا (غير متأكد من سعر الثانية). وهذه الثلاجات الأكثر تجربه عالميا ومحليا وتتحمل درجات حرارة عالية ومجربة كثيرا في السعودية ومنطقة الخليج. انا عندي واحدة ما شاء الله تبارك الله شغالة تماما وتؤدي غرضي على أكمل وجهة خصوصا في الرحلات الطويلة.
الميزة بين الثنتين ، أن الأولى حجمها صغير وتنفع في جميع السيارات، إلا أنها لا تبرد، والثانية تبرد إلا أنها لا تنفع إلى في الجيوب لان حجمها كبير.
إذا انك رايق وحق توليف ، خذ لك واحد بحجم 18 لتر من عند ساكو وسعرها 140 ريال تقريبا، وتنفع للجمس والسيارات الصغيرة كالفورد وغيرها توضع زي التكاية للسواق، وروح لمحلات التبريد اللي في شارع الريل واطلب منهم تعديل محتواها بحيث تصل إلى مرحلة التجميد او التبريد الفعلي، بس قبل ما تشريها ، لا بد من ان تجد الفني اللي يقدر يسويها واكيد راح تلقاه في محلاتهم اللي في شارع الريل، واتمنى انك ما تشري حتى تتأكد انهم يقدرون يضبطونها وعندهم معدات بحجمها.

وهناك العديد من الشركات التي تنتج هذه الثلاجات منها على سبيل المثال:

http://www.coolmatic.com/pages/products/mk/kkb.htm

http://www.fridgefreeze.com/

http://www.jacksons-camping.co.uk/cool/portable.htm

http://www.jacksons-camping.co.uk/cool/freezer.htm

http://www.obrienscamping.co.uk/FridgeRange.htm

هذا ما لدي واتمنى أني افدتك ، وصلى الله على محمد.
أخوك
الكاسر (أبو محمد)
5000
15/08/2006, 06:04 AM
الله يووووووفقك يالكاسر كفيت واوفيت
أبو مسفر
15/08/2006, 03:34 PM
رح لهالرابط يا 5000 وشف الصور اللي قلتلك

http://www.mekshat.com/vb/showthread.php?p=460962#post460962
الكاسر23
16/08/2006, 08:24 AM
أخوي 5000
الله يوفقنا واياك.
ترا الاخ أبو مسفر ما شاء الله عليه مضبط مكان الفريزر بين المرتبتين، وترا هذا النوع من أفضل الانواع (اللي ذكرته لك سابقا - المصنع من قبل شركة WAECO الألمانية) وتشتغل على 12 و24 فولت و110 و220 فولت.
ابومعاذ3
18/08/2006, 03:37 PM
السلام عليكم

العليان عنده ثلاجة تا خذ 11 علبة ببسي وهي تكاية عندي ممممتازة وتبرد بس تتأخرشوي
حطيت فيها مروحة زادت برودتها
وكذك تسخن لك الأكل فأشتري السندويشات احطها بها وناكلها بعد اربع ساعات كنها توها مسوية
انصح بها وسعرها بـ200 ريال
واللي يبي كبيره بدل حقات المكاشيت الغالية تلقاها 3000او4000 مر على السويلم او اي وكيل ثلاجات المنازل خذ ثلاجة حقت بيت صغغيرة نصف متر في نصف متر بكنبرسر وحط محول لها وطامر بها في البران ما تكلفك 600 ريال
وادع لي
تحياتي
snnar
21/08/2006, 01:59 AM
انا معي لاند كروزر 99vxrديزل تيربو24بلف قير توماتيك ياباني معدل المقود ما يجي فية ثلاجة قمت بعمل فتحة بحجم ماصورة 2 بوصة في المكيف خلف الطفاية وعمل نفس الفتحة في الدرج الاوسط (التكاية) ووصلت ماصورة مكنسة كهرب تباع بالمحلات ب15ريال وقد نجحت الفكره بشكل مذهل حتى انني في السفر لازم اخرج الماء منها لفتره قبل شربة من شدة برودتة وواسعة وقد طبقناها على الجيب السعودي الديزل لان مافية ثلاجة .ويمكن تطبيق نفس الفكره على اغلب السيارات
5000
22/08/2006, 01:33 AM
snnar (http://www.mekshat.com/vb/member.php?u=4679) ياريت اخوي شرح بالصور
snnar
27/08/2006, 04:04 PM
ابشر ابجهز صور واعرضها عليكم انشاء الله