للي جربوا كفرات البالون

[اشجارالغضاء]

ماهو رأيك بها ؟؟

[خبايا انسان]

ف الجلد والمطناج والنفوذ والوعر ممتازة جدا جدا ,,

[owwn]

زينه لراعي المقانيص والطرد
اما الكشات فالكفرات العاديه احسن له
عيوبها وقت المطر مافيه بريك ورجه خفيفه حسب الترصيص والجنوط

[قرناس الشرقيه]

والله شوف اخوي

اذا انت راعي بر انصحك بها

ام اذا كنت راعي كشخه ابتعد عنها

خصوصا جايك وقت الامطار

يتمزلق تمزلق مع الارض اذا كانت ممطوره بقوه

ولايمسك بريك

يعني ع كلام الاخوان اللي قبلي

[صافي المشرب]

ممتازة جدا لأهل البر في المناطق الرملية
عيوبها في الديرة يسطح يوميا يعني لازم اول ما تشغل السيارة ترجع ورا شوي تخليها تلين
وثقل على الموتر والرساوة في الخط ضعيفة وفيها رجة خفيفة اذا رصصتها عند سبيكة يعني يبيلها فنان ترصيص
بس الشكل خوقاقي
على فكرة تراها تتمسح بسرعة ومكتوب عليها فور ساند ترافلنق يعني للترحال الرملي

[باترول للأبد]

أحسن ما في البوالين شكلها ولا هي غثيثه من خلال تجربتي كل هالسنوات

[المنطلدز]

تبي العلم الوكاد

اذا انت راعي بر رمل لاتقربهن تراهن مايمشن بالرمل وطبات

وذا انت راعي ارض وعر وقنص وحصيان خذ هن وماجاك علي انس ينشقن

اما بالنفود ماينفعن ولو بهلله

[التعـ King ـديل]

انا استخدمها طول السنه من اكثر من 10 سنوات بر وديره وسفر ولا احلا منها

[باترول - 91]

ممتاز بشكل عاااااام

[اشجارالغضاء]

اشكر الجميع على أرائهم ونصائحهم .. حسب تجربتي لها خلال اليومين هي فعلاً ماتصلح لراعي السرعة تبغالها واحد راعي (هوجيس) قصدي يمشي على مهل مهب متحمس اما بالنسبة للبر والرمل فهي للبطنج ممتازه جداَ وبرمل مافيها زود على اي كفر لين ويفرش وزياده انها تنصب الموتر وتخليه كشخة... وتحياتي للجميع وكل عام وانتم بخير