المساعد الشخصي الرقمي

مشاهدة النسخة كاملة : اي احسن اليوكن 2007 او لاندكروزر جي اكس ار او الباترول


بندر متعب
10/08/2006, 04:03 PM
العنوان يكفيى

وطبعا ابغاه ان شاء الله للمدينه والسفر اكثر من البر

حفظكم الله ورعاكم
المتليك
10/08/2006, 05:04 PM
اذا حسب ماقلت
لاتتعدى اليوكن
نازح البعد
10/08/2006, 09:52 PM
ياخو مافى مقارنه البترول فى المرتبه الأولى
وبعدين التويوتا
ونصيحتى للك لا تتعدى اليابانى
راعي الكيف
11/08/2006, 01:01 AM
والله يخوي على حسب استخدامك له ....



وان كانك قلت تبيه للديرة اكثر .... فترا اليوكن موتر ديرة ماعليه خلاف ابد ... ولايقارن باللاند والباترول ... لان الاخيرات ممتازات بس لو انك تبيهن للبر اكثر ... صبر وتحمل مابعده شي ... بس دامك ديراوي خذ معك اليوكن وادعي لي

طبعا لو تبي شوري ... ترا اليوكن الشكل الجديد ... متغير .. فليتك تاخذ الشكل القديم ... لانه اجمل - في رأيي انا طبعا - ... واكيد اجود من الشكل الجديد .. لانه دائما اي تصميم جديد لاي سيارة لابد من ان يكون مصاحبا لمشاكل كثيرة

والله اعلم
سعد الدين
11/08/2006, 02:58 AM
والله فعلا سؤال محير


لكن أنا اقول ببساطة كثير أنت من يختار وبشروطك أنت فقط

يعني كما قالوا الشباب اذا كنت من أهل السفر والتجوال بين المدن بالسيارة

فاليوكن هو طلبك بكل تأكيد

أما اذا كنت من راعين البر فلا تترك الياباني وعلى رأسها اللاندكروزر

فهو مثل الفراش بالبر وين ما حطيته ينفع

والخلاصة أن استخدامك هو الحكم
طخيمان
11/08/2006, 03:06 AM
يـــــــــــــــوكـــــــــــــــون
بندر متعب
11/08/2006, 05:37 PM
جزاكم الله خير وبارك الله فيكم
صراحه اليوكون الجديد شافه واحد من الشباب وقال لي انه خرافي

الله يكتب الي فيه خير
وبارك الله فيكم
تايوتا
12/08/2006, 01:21 AM
اخوي من واقع تجربه وليس قال فلان ولا سمعت
كان معي يوكون موديل 2004
تعرف معنى كلمت حللته حللته صدق ركبت عليه جنوط مقاس22
ودخلت به البر
وطعست فيه ماخليت شي الا وسويته فيه وكل شهر اغير الزيت الين وصل ممشاه ل85000
حنيت عليه وسويت له صيانه في الوكاله من الصدام للصدام ب3500
اذا كان هذا شغل الموديل القديم فكيف بالجديد انا رحت سئلت عنه تراه افضل بمراحل كثيره عن القديم والقديم في نظري افضل من الباترول فكيف بالجديد
واللاندكروز
من مميزات الجديد:
1- معروف ان اليكون اقل صرفيه في البنززين مقارنة بالباقين الجديد دخلوا فيه نظام الي هو اذا كنت تمشي من الستين وتحت (وهذا وارد جدا في زحمات الرياض ) تشتغل اربع سلندر بس يعني انس شي اسمه صرفية بانزين.

2- البدي بصراحه عاجبني فيه انه قطعه وحده مو زي القديم تحس ان فيه انواع الفرغات مثل الفراغ الي بين الصدام والشبك والشكل الجديد انسيابي اكثر من القديم

3- ماني متأكد بالضبط منها الي هي انهم زادو في العرض شي بسط وكذلك الطول. بس ماتلاحظها الافي الكتالوج اذا سويت مقارنه بين القديم والجديد.

4- مشكلة ضعف الاضاءه في الموديل القديم حلوها باها الشمعات الي كل وحده كبر اشارة المرور

5- اقل نوع فيه يجيك بحساسأت

6- الون الداخلي البيج تغير صار افتح طلع يجنن هذا غير الديكور الاحلي الفخم

7- نظام النقيشن الي بينزل على الدفعه الثانيه لا تنسى تراها ميزه بعد

نصحيتي لك خذ متصل منفصل دبل مخمل واسف على الاطاله:d :d :d :d :d :d :d :d :d
جلمود 83
12/08/2006, 02:24 AM
ما فهمت متصل منفصل ممكن توضيح
تايوتا
12/08/2006, 02:46 AM
اخوي المنفصل المتصل اقصد بها ان التاكيه الي في المرتبه الاماميه بين الراكب والسواق تقدر ترجعها لفوق وتصير المتربه الاماميه قطعه وحده يقدر يجله فيها ثلاثه وتقدر تنزلها وتفصل بين السائق والراكب.
العارض
12/08/2006, 07:07 AM
السلام عليكم0
ان جيت انصحه مايطيع النصيحه 000 يقول نصيحه رازق الله بلاها0
شبابنا كلن يدورنطيحه 000 اجانب(ن)جتنا ومعها بلاها0 (مداعبه فقط)0
يقول راعي المثل اسال مجرب ولا تسال طبيب000 اليكن خله على يسراك وتيامن والبترول ماهوب بطال 000وخلك مع الرفيق الطيب اللي ما يغدر الاندكروزر0
يقول الشاعر0 لاتشرون الا تايوته000 والتالي الفرصه تفوته000 من تاخر مااعلن صوته000 يشري موديل(ن)تعباني0
التايوته من وردها000 حتى جتنا من بلدها000 جميع العالم ايدها000 ذا مصيب(ن) وذافهماني0
الصياهد
12/08/2006, 02:58 PM
يا جماعة عندي نية اشتري سفاري م 2002 او اعلى موديل وحذرني واحد اشد تحذير وقالي كلام في بطن السيارة ما اعرفه لكن منها قال اذا خرب قيره التوماتيك ما يصلح غير وكالة ب 20000 ومن هالكلام وش رايكم ؟؟؟؟؟؟؟؟؟؟؟؟؟؟؟
بندر متعب
12/08/2006, 11:15 PM
7- نظام النقيشن الي بينزل على الدفعه الثانيه لا تنسى تراها ميزه بعد

نصحيتي لك خذ متصل منفصل دبل مخمل واسف على الاطاله:d :d :d :d :d :d :d :d :d

هل تقصد ان الدفعة الي الحين ما فيها نفقيشين مع العلم ان 2006 فيها
وماذا تقصد بمتصل منفصل

واشكر كل رد على موضوعي
والله يحفظكم ويرعاكم
تايوتا
14/08/2006, 03:07 AM
ااخوي الي نزل الحين كلها مافيها نظام الملاحه واذا رحت للوكاله يقولون لك استنى الدفعه الثانيه حتى الفئه الفخمه من اليوكن(الدينالي) مافيها نظام ملاحه وبالنسبه لل2006 تلقها شاشه مركبه او انه امريكي جاي من هناك شد بلد
بو خليفه
14/08/2006, 08:27 AM
اليوكن أفضل بسبب قوة العزم و الحصان
aziz2727
14/08/2006, 08:38 AM
خذ بكلام اخوي العارض وان شاء الله ما راح تنننننننننننندم
بدون لوحات
14/08/2006, 07:15 PM
ان كان مشوارك حول الازفلت عليك با ليوكن اما البر التا يوتا والنيسا ن يبضن الوجه
5000
20/08/2006, 02:40 PM
الزبدة ,,,,,,,,وخلاصة الكلام,,,,,,,,,,,,وشي برضاه على نفسي قبل عليك لانى بشترى ان شاء الله نهاية شعبان
اليوووووووووووووكن بسبب "الراحة+المواصفات +فرق السعر"
تنازل قليلا عن الجودة اليابانية الغالية والغير مريحه وقليلة المواصفات
وبالنهاية اذا تبغى ياباني خذ ارمادا نيسان وووووووووووبس
هالكلام نتيجة بحث واستفتاء وخبرة مدة شهرين
واستخير الله وتوكل وبالتوووووووووفيق
بندر متعب
29/08/2006, 10:39 PM
بارك الله فيكم وعافكم وارائكم طيبه أن شاء الله
الكايف2
29/08/2006, 10:53 PM
عليك والله اللند كروزر
وتوكل علي الله هووالله الموتر
0
Abu Saad
29/08/2006, 11:09 PM
لولا اختلاف الاذواق بارت السلع .
كل واحد اطيب من الثاني ..شف اللي فيه نفسك وتوكل على الله واشتره ...

والسلام عليكم
غالي
30/08/2006, 02:35 AM
انا ابقولك الي مجربه الاندكروزر تراه ثقيل نوعا ما
ومميزاته سعر مابعد البيع
عدم التقنيه المكلفه في صيانتها وتغييرها مقارنه بالمواتر الثانيه
يصبر ولا يتخلخل ولاتسمع له طقطقه واصوات
عيوبه مثل ماقلت ثقيل مكينه ال جي اكس ار 6 سلندر لك عليه بالنسبه لثقله وحجمه
انس انه يدخلك بالرمل بدون ماتنسم لابد تنسم والا يغرز يعني الضغط يكون من 25 وتحت لكي تمشيء بالرمل
خطر على الخط لو كنت تسرع ولاقدر الله انطق عليك كفر الا ان حطيت ذراع امان بعد الاتكال على الله سبحانه وتعالى
سعره حاليا احس انه مبالغ فيه جدا جدا صراحه
2003 سيارتي شاريها ب145 الف قبل لاينزل 2004 باسبوعين
يوم نزل 2004 طلع سعره فوق 160 الف نفس موتري ولا اختلف شيء ابدا ابد الا انهم حطوا سيدي واحد فوق المسجل غير الصندوق الموجود عندي
هل هذا يستاهل مثلا فوق 20 الف زياده؟ خبال هو :(
_______________
اما اليوكون 2007 بغض النظر عن شكله ومميزاته هل تتوقع بالعقل انه يستاهل السعر الحالي؟؟؟ يوصل الفل الى 185 الف على حسب كلامهم
_____________
الباترول مااعرف عنه شيء ولا ابي افتي فيه خصوصا الجديد مدري عنه
_________________
نصيحه شف الارمادا وسأل عنه منها نفس حجمهم عائلي
ومنها سعر اقل
ومنها ياباني
وفخم ماعليه من جوه ومريح
ولاقد سمعت احد طلع عنه عيوب
والله اعلم
غضنفر
30/08/2006, 03:04 AM
شف يا الحبيب
اذا رسيت على الاند
لا تاخذ الا هدد
والسبب السعر فقط لا غير
مهاجر11
30/08/2006, 03:10 AM
اخوي لاتتعدى اليوكن وماجاك عندي
بن فيصل
30/08/2006, 09:19 AM
الاخ الغالي
والله لو ابشري ما شريت غير تويوتا لانداكروزر طبعا هذا من خياراتك
ولكن فيه خيار رابع ومهم دامك تبيه في المدينه على شوي بر عليك بالبرادو والله ان تدعيلي
أبو سيف السيف
30/08/2006, 10:03 AM
ياخي اللى براسك اشتره وبعدين على حسب ميزانيتك

وانا لو قالو اختار من هذولا اختار الباترول وانا مغمض
بواسامه
30/08/2006, 09:27 PM
اذا مالك في البران والطردي وخمة التطعيس
فلا تتعدى اليوكون
اريح لك في الديره ووالخطوط
اقل صرفية من الكروزر والنيسان
عيبه الوحيد

يفقد كثير ان عرضته للبيع
ومعاكس دبله اذا كرفته

انا الياباني اقل راحه واكثر تماسك واقل قرقعه واصبر في البران والجلدي
واكثر صرفيه ويمسك قيمته عند البيع اكثر ولا كلها تفقد الهبره الاولى

وفقك الله
anas
31/08/2006, 02:17 PM
اخواني الأعزاء :

قبل اقل من شهر جربت اليوكون الجديد الدبل 2007 وجربت التاهو الدبل 2007 الجديد
،،، وركبت يوكون الشكل السابق 2004 .... ووجدت ان اليوكون الجديد 2007 والتاهو صراحة فرق كبير جدا عن الشكل القديم 2005 وكأنك تسوق سيارة صغير وايضا تحس ان السيارة في يدك ما فيها عفاشة اليوكون 2005
وعلى حسب كلامك اخي من ان استخدامك للسفر اكثر من البر انصحك ما تتعدى اليوكون 2007 وسعر الدبل في الوكالة 147000 الدبل SLE .
العودالازرقhk
31/08/2006, 04:20 PM
اليوكن أفضل لك لنه اريح مركب وافخم من الباترول والاند . لكن الاند اقوا واحسن فى البيع من الباترول وليوكن
anas
01/09/2006, 02:24 AM
طبعا اليوكون الجديد 2007 يختلف عن الشكل السابق على حسب استخدامي للشكلين بالتالي : 2007 اكثر انسيابية من القديم ومن الداخل فرق كبير كذلك بسبب الطبلون اصبح مثل طبلون السيارات الصغيرة الاول تحس انه عفش بقوة ، القوة اقوى من السابق زيادة 30 حصان ، نفس سعة الماكينة 5300 لتر ، وطبعا بحكم تجربتي للأثنين في السرعة الى 170كلم وجدت ان الجديد فيه عزل اكبر بالنسبة لضجيج الماكينة وضجيج الهواء ،اما بالنسبة للزيادة في الأمان(السيفتي) فيوجد في اليوكون 2007 (الشكل الجديد ) نظام الانزلاق متوفر قياسي في جميع الفئات وهو عبارة عن زر في الكونسول الوسطي تحت المسجل بجانب قابس ولاعة السجائر مرسوم عليه سيارة في طريق زلق طبعا اذا اردت ان تدخل في الطعوس فيجب عليك ان تفصل النظام ،،،
اما عيوب الشكل الجديد 2007 اليوكون : المسجل cd فقط لا يوجد به كاسيت ،، وايضا صوت الشكمان ظاهر عند الضغط على دواسة البنزين حتى ولو كان شيئا بسيطا بشكل واضح اما في السرعات العالية فيختفي ذلك الصوت ......
اسف جدااااااااااااااااااا على الاطاله واحس اني ثقلت عليكم يا جماعة لكن اللي يحب ان يشتري لازم يراسلني حتى ابدي له مزيدا من الميزات والعيوب فأنا دقيق جدا في استخدام السيارة في الملاحظات .
KEA2003
01/09/2006, 04:26 AM
انا اشوف ان اليوكن افضل لانه اثبت جدارته من ناحيه الاستخدام والراحه _ مع العلم اني من محبين gxr
اهم شي لا يسوقه غيرك :no2:
بندر متعب
05/09/2006, 11:04 PM
بارك الله فيكم جميعاً

والله يعطيك العافية ويحفظكم

ارائكم ومروركم شرف لي
وبتوكل على الله واشتري لي يوكن وان شاء الله انه راي مبارك

ادعوا لي ان الله يعطيني خيرة ويكفيني شرة ويبارك لي فيه

حفظكم الله ورعاكم

اخوك / بندر متعب
عاشق نيساني
06/09/2006, 06:35 AM
والله يا الغالي انا معي باترول 2006 لكن مانيب جالس امدحه عشانه موتري وبكون صريح معك انا سقت الفكس ار والجكس ار وعندنا يوكون2003

اولا يا الغالي الباترول موتر مايعيبه شي قوه وعزم وخفه وتانكيين ويمشيك خط التانكيين 650 وحولها لكن الموتر بصراحه

شبابي اكثر من ماهو عائلي لان الموتر للبر والنفود والقنص وبالخطوط حلو لكن بصراحه غير الامريكي في الراحه والخطوط لا تدور

وانا ما ابي اقولك لا تتعدى الياباني عشان معي ياباني او عشان الجمس امريكي لا والله بس الحق ينقال الامريكي في الخطوط والراحه

والقوه افضل صح في القنص والنفود الياباني افضل لكن الجمس اقوى مكينه واقوى عزم وفي الخط يبطي الياباني معه

وانا من رايي خذ اليوكون اذا انت ابوعيال لانك بتدور الراحه قبل كل شي واذا كان على كلامك 2007 فتوكل على الله وياليت قبل كل شي

تصلي الاستخاره والله يكتبلك اللي به الخير وموفق
القناص
06/09/2006, 07:45 PM
مع عروض نيسان الحاليه

لالالالالالالالالايفوتك الارمادا
113الف فقط

راااااااااائع
بندر متعب
07/09/2006, 07:02 PM
حفظكم الله ورعاكم وبارك الله فيكم
جاهز
23/08/2008, 11:29 PM
اليوكن الأفضل وبدون منافس

سعر
مميزات
راحه
قلة صرفية بنزين
قطع غيار
سليمان 10
23/08/2008, 11:45 PM
ياجماعه الخير كلن على ذوقه واختياره لكن حنا نرى في البر من فياض وشعبان ومتجمعات شبابيه للاستعرض او لغيره كثرة الاندكروزر بفئاته المتعدده فانه يغلب على السيارات الاخرى هذا يدل على شعبيه التويوتا القويه ومن وجهة نظري انك يالسائل ان تشتري ماترتاح له نفسك ومحفضتك فانك انت المشتري والناس يتفرجون 000
بيبسي
23/08/2008, 11:53 PM
اليوكون أرخص واريح واوسع واقل صرفيه
ab-k-a-y
24/08/2008, 12:00 AM
اليوكن أفضل في توفير البنزين
هـدد
24/08/2008, 12:04 AM
العنوان يكفيى

وطبعا ابغاه ان شاء الله للمدينه والسفر اكثر من البر

حفظكم الله ورعاكم


كلهن سيارات وانت ابخص بروحك
Magellan
24/08/2008, 12:15 AM
الموضوع قديم جدا
وآخر رد لصاحب الموضوع كان في : 07/09/2006, 07:02 PM
يعني قبل سنتين ولو في باله يشتري سيارة لشتراها
فماله داعي رفع المواضيع القديمة
الثبيتي511
04/10/2009, 04:52 PM
لاند كروزر اذا كنت حق بر