فكره رهيبه لازم كلكم تدخلون (وياليت يثبت الموضوع )

[بندر متعب]

اخواني اعضاء مكشات
السلام عليكم ورحمة الله وبركاته
عندي فكره قد تكون غلط بس ابي اعطيك اياها وهي قريبه من مواضيع كتبت في المنتدى
الفكره هي انشاء مصنع متخصص لسيارات البر والبراري
يعني مثلا نجيب الجيب وندخلة المصنع ونعمل له الاشياء الي يطلبها الكشات
يعني كفرات من حديد ما تبنشر والداير يكون ربل عشان يكون اريح للمشى
عمل تانكي ماء كبيييييييييير على افضل المواصفات
عمل تاكن بنزين كبيييييير على افضل المواصفات
عمل ترهيم للماجلان والقارمن والاسلكي بطريقة فنية ما تخرب منظر الطبلون
عمل تصفيح لاسفل السيارة عشان ما تلعب الحصى والحجار بالاسفل السيارة وتحافظ عليها
وغيرها من الافكار الكثيرة للكشاتين وحقين المقناص

ارجو ان تكون الفكره اعجبتكم واذا ممكن تعليقاتكم

حفظكم الله ورعاكم

[بدوي جنوبي]

عليكم السلااااااااااااااااام ورحمة الله وبركاته


انا معك في الفكره


انت ذكرت انشاء مصنع

تقصد ان اللي يقوم بأنشاء المصنع من اعضاء مكشات


وضح اكثر بارك الله فيك



تحياتي لك

[بندر متعب]

والله يا اخوي بدوي سواء مكشات او غيره القصد الفكره يبي لها تاجر وخبير في هذي الامور
وعلى العموم هي مجرد فكره

وشكرا على مروركم وهذا شرف لي

[ثعل البرد]

هالفكرة لو طبقها أحد رجال الأعمال كان تدخل عليه ذهب وياليت عندي رأس مال كان ابدأها أنا

[بندر متعب]

وين باقي الاعضاء بارك الله فيكم

[محب الغيم]

فكرة رائعة

والمصنع موجود

بس كل جزء في ديرة !!!

[ابوعبدالله9999]

فكرة رائعة لكن وين الدراسة والضمانات وإلا ترويقة قايله على طعس وطلعت هذي الفكرة ...آسف أمزح معك لا تزعل .

[بندر متعب]

خخخخخخخخخخخخ عادي اخوي راعي وناسة هي مجرد فكره

[مسافر1]

فكرة جميلة أخي ..
وأنت لعلك تكون المبادر ..

[أبو إبتهال]

فكرة جميلة
بس ما تشوف إن فكرة كفرات من حديد صعبة لأنها في نظري ثقيلة على السيارة
وكيف تكون في الرمال ما أظنها عملية أما في المناطق الوعرة أظنها قاسية مرة
وما نقول إلا ياليت فيه سيارات بالمواصفات هذي

وألف شكر أخوي بندر متعب

[الكلاسك]

يا رجال بيني وبينك ما تسوى الشغله كلها شهرين في السنه :( والباقي شمس وقوايل تخلي وجه الواحد يسود :no: بدال ما هو اول :) عشان كذا لا تغير اشياء اساسيه خصوصا على قولك الكفر :eek: انواع المطبات والقرقعه :confused: يعني الفكره ما تستاهل مصنع بمعنى مصنع عشان هالشغله بالذات لكن يمكن تصنع اشياء لها علاقه مثل خيام مقطورات ادوات تساعد في البر وهكذا :rolleyes:

[ابووليدالعطوي]

يعطيك العافيه

[ابو شلش]

لو حتى محل كبير بدل المصنع

[بندر متعب]

بارك الله فيكم
بالنسبة للكفرات ممكن تكون من الالمنيوم القوي مثل الحديد يمكن يكون اخف
واذا على شهرين بالسنه على الاقل تكون السيارة مجهزه لهذي الامور
وعلى العموم هي مجرد فكره قابله للقبول وقابله للرفض

حفظكم الله

[غالي]

اوما كفر من الالمنيوم !!!!!!!!!!!!!!!
ناوي تقلبنا بالازفلت وفي الامطار يااخ بندر هههههههههههههههههه
هالحين البلون وهي البلون يخافون منها تزلق عاد مابالك الالمنيوم :(
وان فرملت يبيلك من التراث في الجنادريه ليييين عمارة المملكه يالله توقف ههههههههههههههههه
موفقين يارب
ـــــــــــــــــــــــــــــــ
وانا ارجح لو صاحب منتدى مكشات او احد المشرفين يعرفون ورش في كل المناطق ويتعاقدون معهم
بحيث يكون معنا عضويه في المنتدى ومانتعامل الا مع هالورش المختاره ويكون سعر افضل وارخص وتفنن ويلبون افكار الزبون
يكون افضل
منها اصحاب الورش يستفيدون ومنها نحن نستفيد
هذا رايي والله اعلم

[الطعس الذهبي]

الفكر اليوم ندخل مع الاذن اليمنى وتطلع من الاذن اليسرى بكرى

[aziz2727]

والله فكره طيبه ..
بس انا ودي اضيف على موضوعك بشكل آخر
كيف :confused:
اقولك :)
بحكم تجارب الاخوان من مشرفين واعضاء حسب انواع سياراتهم يتم طرح الافكار والمبتكرات التي تم العمل عليها من قبلهم في سياراتهم من تجهزات وعدد ولوازم المكشات .. وتطرح للجميع في خيمة التجهزات ويكون موضوع مثبت ويوضع له آليه ..
طيب بتقولي كيف :confused: :confused:
برضه اقولك :) :)
مثلا" يتم تحيد الموضع حسب انواع السيارات ومديلاتها وتوضع ايقونات تحدد من المتصفح :type: تحديد نوع السياره ومديلها وشوي وتفتح الصفحه الخاصه بالسيارة :redcar: ومديلها والتجهزات التي تمت من الاعضاء في المنتدى وبكذا ما يتعب الواحد في التفكير وتحديد ما يلزمه من تجهيزات حسب الحاجة . :good2: :good2:

[ابو درع]

تصدق اني ابحث عن مصنع صارلي فتره والقيت مصنع للمقطورات

رايح احوله للترهيم الباصات لتحويلها الي بيوت جاهزا ,,انا واحد من الربع

طبعاً الممول ,, ولا رفيقك داج . وفكرتك جميله

واذكر كتبت موضوع بنفس الطرح .. وهو بعنوان سياره منابتكار مجموعه من اعضاء مكشات

وهذ الربط http://mekshat.com/vb/showthread.php?t=53419 ..

تحياتي لك

[بندر متعب]

بارك الله فيكم