من يدلني الطريق إلى الرفيعة

[z3eem909]

السلام عليكم
يالربع لاهنتوا أنا متواجد بحفرالباطن حاليا
وأبي ديرة أسمها (الرفيعة)
منو الي يدل طريقها من الحفر
ابي وصف من الحفر ويكون دقيق واذا يقدر لي المسافة أكون شاكر له

[deer]

السلام عليكم

الذاكرة ذاكرة شويب .. لكن االطريق تمسك طريق الدمام لحد ما تجيك القرية العليا ومنها تفرق يمين للرفيعه

واظن فيه طريق من الصداوي لكني والله ماني متاكد منه ..

ادري ما نفع وصفي لكن للرفع ويفيدونك الشباب ..

[deer]

اصبر وانا اخوك شكلي تذكرت .. تطلع من الحفر متجه لمفرق السفانية و القاعده ... اذا وصلت المفرق اللي فية المحطه تاخذ يمين كنك تبي القاعدة وتمشي يجيك خط يسارك ما ادري وش مكتوب له ممكن الرفيعه ممكن اللهابة ممكن شويه لكن ما فيه غيره .. ادخل يسار معه .. وامسك الخط وبيجيك تقاطع الرفيعه .. وهذا اقرب طريق لك حسب علمي .. لكن المسافات والله ما اذكرها

[الدوسري2010]

لك طريقين ١- حرك من الحفر بتجاه الدمام لين يجيك ملف القاعده (( قاعده الملك خالد )) الله العالم يبعد عنك حوالي ١٥٠كم والله ماكيلتها لكن تقريباً اذا جاك الملف خذ يمين يجيك مثلث بعد كيلو واحد يمين القاعده وقدام يوصلك للرفيعه و شويه ٢- خط الحفر الدمام لين يجيك ملف قريه العليا خذ يمين تمشي ٩٠ كم تجيك الرفيعه وشكرا

[DSR284]

تقصد رفيعة الي في اول الصمان

[DSR284]

اذا كنت تقصد رفيعة الصمان تجيلها من مفرق حفر العتش التنهات

[محب الطلعات]

يعطيكم العافيه