لأهل الخبرة في فرامل الباث فايندر و الكلتش ؟؟؟

[راعي النيسان]

السلام عليكم ورحمة الله وبركاته

الموضوع الأول وهو فرامل الباث فايندر !!!

الفرامل في سيارتي ماهي بالفرامل اللي تعتمد عليها في حالة ظهور شي امامك فجائة وتريد التوقف سريعا .. لا تسمع لها صوت في الأسفلت ولن تقف السيارة الا بعد مسافة ؟؟؟

احد الأصدقاء حدث له حادث بسبب الفرامل وسيارته مثل سيارتي باث فايندر صدم سيارة امامه ولم يستطع تفادي السيارة التي امامه وذلك لسوء فرامل الباث فايندر ؟؟ والحمد لله الله سلمه ولكن السيارة ذهبت للتشليح ؟؟

فهل فيه طريقة لتحسين اداء الفرامل ؟؟

=======================

الموضوع الثاني صحن كلتش !!

عند استخدام الديل الخفيف في الطعوس اشتمت رائحة قوية من الكلتش وهذه حدثت اكثر من مرة مما اضطر الى استخدام الدبل الثقيل للخروج من الرمال

فهل هذه المشكلة نتيجة لضعف دبل الباث فايندر ؟؟؟

للمعلومية
سيارتي باث فايندر 2004
قير عادي
الهواء في الكفرات 30
الطعوس ليست بالكبيرة وانما رمال ناعمة

تحياتي

[ولد الشايب]

1- بالنسبة للفرامل أخوي كل واحد ادرى بسيارته يعني يعرف يقدر متى يمسك بريك . صحيح الباثفيندر بريكة ما يمسك بقوه مثل الباترول او المكسيما لكن الوحد يقدر المسافة ويمسك بريك على تقديره .

2- كل سيارات القير العادي في البر بدون تنسيم في الرمال الناعمه مع تدبيلات الكلاتش يضعف ويحتر ويطلع ريحة ( ريحة الكلتش ) لكن لا زم تنسمها اقل شي 15-20 خاصة البرجستون اللي على الباثفيندر ( قاسي جدا على الرمل )

[قرم]

السلام عليكم
راعي النيسان

فرامل الباث يعاب عليه انها في الخلف لازالت نظام طبله .. يعني ليست دسكات كالأماميات ولا اعلم لماذا بينما هالنظام توقف العمل به من قبل اغلب الشركات حتى الكوريه !!لكن لازالت فرامل الباث إلى حدما جيده جداً إذا ما تلافيت السرعه الزائده والدواعي المسببه للحوادث .

ريحة الكالتش..
اولاً هنالك نوعان من الرائحه تصدر من السيارات الجديده عند القسوه عليها وهي كالتالي.

الأوله كرائحة الكبريت .. وهذه طبيعيه
الثانيه رائحه إحتراق مثيله لرائحة إحتراق الخشب .وهذه رائحة الكالتش ..إنتبه

تريد ان تتجنب إحتراق الكالتش خفض هوا الكفرات إلى 20 او 15 او حتى 10 و5 بحسب الحاله
ثانياً كلما عبرت الرمال والدبل شغال كلما خففت على المحرك والقير والدبل .. اعطيك مثال.

إذا حبيت تعبر ارض رمليه وعره بدون دبل راح تزيد من السرعه لتزداد بالتالي مقاومة الرمال خصوصاً الكفرات الأماميه مما يجعل الكفرات الخلفيه تدور بسرعه ويقل تشبثها بالأرض وتنخفض سرعة السياره وانت تعوض ذلك بالضغط الزائد على الدواسه وتقعد السياره كفراتها الخلفيه تفحط نوعاً ما ولا تسير كما ينبغي ..
وترتفع دورات المكينه ويقل مقدار الهواء لتبريد وجه السياره وتطلع الحراره والريحه .

لكن نسم الكفرات بحسب الحاله وشغل الدبل ..بالتالي ستعمل الإطارات الأماميه وتقل مقاومة الرمال لها وستعمل على شق الطريق وتفسح الطريق لللإطارات الخلفيه وتنخفض دورات المكينه والقير والدبل ويزداد مقدار الهواء المعاكس للواجهه ويتم التبريد ولا تطلع ريحه لو تطعس يوم كامل المسأله أخذ بالأسباب لا تطلب من السياره فوق طاقتها بل ينبغي ان تكون محتال !! على السياره وعلى الأرض هذا ما يسمى بالمهاره . ان تأخذ اقصى ماتريد من السياره دون الضرربها , وأن تعرف اين تضع إطارات السياره على الأرض. ينبغي قرأة الأرض ياخي .. فهنالك الرباضه القاتله وهنالك الأرض المحروثه وهنالك المبلوله والشعبان وكلاً له تصرف والوحول والصباخ المهلكه لذلك لاتهمل قرأة الأرض

[Abo Nader]

السلام عليكم...

أخوي بالنسبة للفرامل يعني ماقلت صحيح...

بالنسبة لصحن الكلتش شف نصيحه من أجوك أحترق عليه الكلتش كامل بسبة دخول النفود بدون تنسيم إذا دقر الموتر لا تحول على طول حط بهن 10 ما أذكر طلعت ريحت الكلتش و أنا منسم إلا إذا علقت برباضه بس ولا ما أذكر طلعت لاكن بدون تنسيم الله لا يوريك أنواع الروايح....

[راعي النيسان]

هلا اخوي ولد الشايب :heart: .. صادق كل واحد ادرى بسيارة وانا ادرى بسيارتي وبفراملها لكن المشكلة لو طلع قدامك شي فجائه وش السواه .. ساعتها ما تقدر تقدر مسافة ولا لك حيله

صحيح معظم السيارات في البر لازم تنسم الكفرات لكن الباث فايندر لك عليه في عزمه في الرمال خاصة اذا وقفت في رمله وجيت بتمشي:no2:

========
هلا اخوي قرم :heart: ( المخترع ) وجزاك الله خير على طريقة تشغيل كشافات الباث فايندر

المشكلة اثناء توقف السيارة:redcar: في الرمال اما اذا كانت السيارة ماشية ما في مشكلة من الكلتش وريحته
وترى اخوك راعي بر طول ايام القمري تلقانا مخيمين في الطعوس

===========
هلا اخوي Abo Nader :heart: فعلا الفرامل لك عليها في الباث فايندر:good: وكل من قابلته يشتكي منها
مشكور على النصيحة وممكن تقول لي ماهي بواد عطل صحن الكلتش ليكون عطلان عندي وانا ما ادري:alarm:


تحياتي

[Abo Nader]

السلام عليكم...

بالنسبة لاثار أحتراق الكلتش....

1-الكلتش يصير ثقيل...
2-التلقيم صعب...
3-مايفحطب2:)...
4-تحس إذا غيرت مثلا بين واحد وثنين يبطي ما يلقم يثنين تقل الكلتش عالق...

و نصيـــــــــــــــــــــــــــــــــحه....
إذا شفت أي شي من ذولي رح وده بسرعه لا تصير مثلي خليته لا وبعد طلعت النفود بدون تنسيم وجرت عليه بعد بالنهايه...

فوق صطحه و أحتراق كامل يعني حتى قطعه أسمها فيلي ويل خربت كلفن بعد الخصم و البهذله 2600..

لو(ياخي ماودي أقوله)موديه بدري يكلف شغل برا الوكاله 1200إلى 1400...

[ابو مرهش]

السلام عليكم

بالنسبه للبريك جرب انك تدبل الدعسه يعني اذا بغيت توقف اضغط بقوه ثم فك رجلك وضغطه مره ثانيه تشوفه يمسك اقوى وهذي بكل السيارات

ويالربع انا عندي بعد مشكله بكلتش الباث فندر الي معي ان بعض الاحيان يصير الكلتش دعستين ولايرضى يرجع لمكانه الا لما ارفعه برجلي والسياره وهي واقفه احس بصعوبه في التعشيق بالنمره الاولى يعني بعض الاحيان مايرضى يعشق الا اذا رفعت الريس ولا فكيت رجلي من الكلتش ثم رجعت دعستها يعشق هل هذا الشي معناته ان الكلتش عندي منتهي ولا لآ

[abduallah]

بالنسبه للكلتش عندك اخوي ابو مرهش هذي اتوقع انها وحده من ثنتين الا وهي :
1- امما ان الكلتش لازم يتغير وذلك بسبب حدوث خطأ اثناء التركيب والحاله هذي مرت على من زمان كان معي سفاري 93 وما يعشق اللا بعد الطقاق مع ان الكلتش جديد غيرته والحمد لله مشت الامور :good: , وكذا يلزمك ميكانيكي فننننننناان :good: بمعنى الكلمه عشان يجرب الموتر ويعلمك (امما الثانيه)
2- امما ان علبة الكلتش اللي تحت او اللي فوق او الثنتين معا خربانه وفي الحاله هذي لازم تتغير العلبه وكذا يلزمك ميكانيكي فنننننناان
والحاله هذي ايضا مرت علي على نفس السياره سفاري 93 كان اذا كنت ضاغط على الكلتش والقير معشق ما ادري اللا السياره مقومه عمرها وماشيه :confused: (بدون سابق انذار:D ) واتفاجئ ان الكلتش فلت مع ان رجلي عليه
وعذرا للاطاله
مع خالص التحيات اخوك abduallah

[ابو مرهش]

ماقصرت اخوي عبدالله والله يجزيك خير وشكلي بركب كلتش كامل جديد انشاءالله