المساعد الشخصي الرقمي

مشاهدة النسخة كاملة : الصاجه الأجدر للركوب في الباثفندر..صور . صور


قرم
11/08/2006, 03:10 PM
السلام عليكم جميعاً.

هلابالشباب ... كلكم يعلم اهمية حمايه مقدمة السياره الوعريه من التعرض للصدمات والإرتطامات في التضاريس الإستثنائيه نضراً لأنها سيارات يتم قيادتها في اماكن غير منسقه او مرتبه او ثابتة المعالم ..
بل وتحتوي على صخور وعوائق أخرى يصعب حصرها فتكون عرضه اكثر من غيرها للأصابه خاصه مقدمة السياره . وللاسف هذا المكان يحوي على اهم وأثمن مافي السياره . لذا تم تزويد كل السيارات الوعريه بصاجه
لحماية هذا الجزء المهم.. لكن الشيء المحير عندما يتفانى الصانع بصنع غطاء متناسق وجميل وذومعايير دقيقه
وعجيبه ولكن!!!! يهمل بقصد او بدون قصد اهم مافي القضيه! الا وهو الخامه اونوع الماده الأساسيه للقطعه
المشار إليها واللتي ينبغي في المقام الأول ان تكون من اقسى المعادن .بل تفاجأ بأنها صنعت بالكليه من البلاستيك
اللذي لايسمن ولا يغني من جوع بل هو شر..ووبال على عامل البنشر عند تغيير السيفون .فهنالك 8 مسامير يتعين عليه فكها لبلوغ السيفون ..والله امر مضحك!! 8 مسامير لصاجه بلاستيك!! والأمر الأعجب عندما تعرف بأن سعرها يتعدى ال450 ريالاً !! هذا هو الحال بالتفصيل في الباثفندر..المهم مالكم بالطويله , اخيكم قرم حب
يعتمد على افكاره ويصمم صاجه تجمع جوده متناهيه للمعدن , وصلابه يعتمد عليها, والمعايير الدقيقه في
الأبعاد دون إهمال الجانب الجمالي للصاجه.. فلا انصاف حلول في قاموس قرم ( شغل مليح ولا أستريح)
الصاجه الجديده ابعادها ومقاييسها اكثر دقه من صاجة المميز السيئة الذكر الغبيه وأنتم تتذكرون هذا الرابط http://www.mekshat.com/vb/showthread.php?t=52447الصاجه.. الجديده لاتملك فتحه جانبيه لفك السيفون بل هي قالب واحد ولها 4 مسامير تثبتها بأسفل السياره . .بقي ان نعرف ماهو المعدن المستخدم؟
المعدن هو....( الإستانليستيل الصافي , القاسي ا لمضاد للصدأ.), سماكته 3 ملم .
الشيق في الموضوع هو تفاصيل صنع الصاجه من كونها كلوح معدني قابع في إحدى الورش.و حتى تركيبها اسفل سيارتي . هذه المره كثرت في الصور والحكي . الناس تحب الصور . واليوم جمعه يالله من فضلك والوقت واسع
للقراءه المطوله والصور الشيقه .. ويالله حيهم إلى الصور
بسم الله نبدأ وعلى هداه نسير











إستأصال القطعه من لوح الأستانليستيل بأله القطع الهايدروليكيه الدقيقه.

http://www.mekshat.com/pix/upload/images18/mk8645_co1.jpg

بعد إستأصال المقطع يشذب بأله مخصصه لذلك. ليتحول إلى شبه صاجه
http://www.mekshat.com/pix/upload/images18/mk8645_co2.jpg

تجلخ الحواف بعنايه بأيدي الدكتور غلام.
http://www.mekshat.com/pix/upload/images18/mk8645_co3.jpg

تحديب الأطراف بأله مخصصه لذلك.

http://www.mekshat.com/pix/upload/images18/mk8645_co4.jpg

التحديب.
http://www.mekshat.com/pix/upload/images18/mk8645_co5.jpg

النتهاء من التحديب للأطراف.
http://www.mekshat.com/pix/upload/images18/mk8645_co6.jpg

غلام افندي تحت باث قرم لأخذ مقاسات المسامير.
http://www.mekshat.com/pix/upload/images18/mk8645_co7.jpg

تخريم الصاجه بأله هايدروليكيه دقيقه.
http://www.mekshat.com/pix/upload/images18/mk8645_co8.jpg


انظروا إلى الدقه في التثقيب.
http://www.mekshat.com/pix/upload/images18/mk8645_co9.jpg

الشكل النهائي للصاجه
http://www.mekshat.com/pix/upload/images18/mk8645_co10.jpg


ماقضينا .. إنزل تحت.. إلى هناك
قرم
11/08/2006, 03:15 PM
شكلها وهي راكبه

http://www.mekshat.com/pix/upload/images18/mk8645_co11.jpg


http://www.mekshat.com/pix/upload/images18/mk8645_co12.jpg

صور عشوائيه تم تحويلها لروابط لتسهيل التصفح
http://www.mekshat.com/pix/upload/images18/mk8645_imga0970.jpg

http://www.mekshat.com/pix/upload/images18/mk8645_imga0991.jpg

http://www.mekshat.com/pix/upload/images18/mk8645_imga1000.jpg
http://www.mekshat.com/pix/upload/images18/mk8645_imga1005.jpg
http://www.mekshat.com/pix/upload/images18/mk8645_imga1007.jpg
http://www.mekshat.com/pix/upload/images18/mk8645_imga1014.jpg
http://www.mekshat.com/pix/upload/images18/mk8645_imga1020.jpg

http://www.mekshat.com/pix/upload/images18/mk8645_imga1012.jpg
http://www.mekshat.com/pix/upload/images18/mk8645_zzz.jpg


عساكم إستمتعتواياطيبين :p . تحيه طيبه للجميع.. :D .اخيكم الصغير ....قرم :j
راعي النيسان
11/08/2006, 03:38 PM
ماشاء الله تبارك الله .. شغل عدل

هذه الأفكار والا بلاش

تحياتي
ابو فوزي
11/08/2006, 04:10 PM
ماشاء الله عليك
وافي يالطيب وافي ...
يعطيك العافية

ــــــــــــــــــــــــــــــــــ
http://www.mekshat.com/pix/upload/sign/images/mk29263.gif
ولد الشايب
11/08/2006, 04:18 PM
يعطيك العافيه (قرم لا يقبل انصاف الحلول )

فكرة بسيطة في التنفيذ قوية ومتينه في العمل والجدية

بصراحة حمستني وبالاطبع الصور واروح للحداد ويضبط وحده

بس وشرايك لو قلت له حط جلفانزم أرخص من الاستانلسيل

وآخر شي الله لا يهينك السعر وان شاء الله تقطعها بالعافيه
قرم
11/08/2006, 05:19 PM
السلام عليكم
هلابكل من مر على موضوعي ويامرحب فيكم

راعي النيسان.. مشكور ياغالي

ابو فوزي.. الوفا انت اهله ماعليك زود

ولد الشايب..يالله حيه

انا الله يحفظك وجدت الحديد الصاج ب100 ريال والمجلفن ب 200 والألمنيوم ماجازلي لإنه يحتاج لسماكه اكثر من المعتاد ليكون قاسي ولم اجد سوى 2ملم وهذا يعتبر لين بالنسبه له والإستانليس فصلته ب300 بحب الخشوم بعد,,
الأستانلس غالي ..لكن حق الوكاله اغلى ..وهلابك
Abo Nader
11/08/2006, 05:20 PM
السلام عليكم...

مشاء الله تكسره بالعافيه...

بس مشاء الله عليك متحمس مفصل ستيل:)....
المنبسط
11/08/2006, 07:38 PM
السلام عليكم
فكرة وطرح متميز طبعاً مثل صاحبها قرم متميز وإلى الأمام
فيه سؤال والكلام بيني وبينك
(ما طلبتك وكالة نيسان في تطوير الباث ؟ :))
أكيد انك مفكر ياقرم بفتحة السيفون .
اخوك المنبسط
الكايف2
11/08/2006, 07:55 PM
الله يعطيك العافيه اخوي قرم انامن زمان ادور
مثل هالافكارلان الصاجه حقت الوكاله تقطعت
يوم رحت للوكاله قالوا450
الله يعافيك ماتقول لاخوك وين هم فيه
عشان اروح اركب المكينه واللي حولها
امتلت تراب وغبار
00000
سبحان الله وبحمده
هــ 2006ـــدد
11/08/2006, 10:35 PM
ماشاء الله تبارك الله ... شغل عدل

بس ياخوي ماتأثر على حرارة الموتر .. وانت ابخص

وتحياتي لك،،،
هــ 2006ـــدد
11/08/2006, 10:37 PM
ماشاء الله تبارك الله ... شغل عدل

بس ياخوي ماتأثر على حرارة الموتر ؟؟؟؟؟؟.. وانت ابخص!!!!!!!!!!!

وتحياتي لك،،،
ابو مرهش
11/08/2006, 11:39 PM
والله ياقرم انا اشهد انك اسم على على مسمى وبصراحه الصاجه تستاهل اكثر من قيمتها

وبغيت اسألك كم مسمار يكفي ان افتح بالصاجه اربع بيكونون كافيين للستيل ؟؟ وبالنسبه للصوت انا ركبت باث عليه صاجه حديد وكانت تطلع صوت مع المطبات خفيف فا هل الي عندك هاديه من حقت الوكاله .؟؟
جلمود 83
12/08/2006, 01:35 AM
سلام

بالنسبه للصاجه اعتقد انه لازم فتحات التهويه

بالنسبه للصوت رح للبنشر وقص مثل الزهر حق الصواميل بين الصاج والشاص و المسمار و الصاج او دور على زهر مطاط قوي شوي وركبه واظن انه يبيله شد من وقت و وقت

انا افضل البلاستيك المقوى لانه مرن ويصد احيانا نسبه من المرونه تكون الحل
راعي الكيف
12/08/2006, 02:25 AM
قرم شغلك عدل يخوي ... والله يانك رااااايق وموسعن صدرك بالحيل !!

عساك للقوة وهذا الشغل اللي عليه الكلام .... ماشاء الله تبارك الرحمن

بس بغيت اسألك كم تكلفت على الصاجة من الالف الى الياء ؟؟

ولك مني اجمل تحية
قرم
12/08/2006, 12:36 PM
السلام عليكم جميعاً.

Abo Nader .. مشكور يالحبيب

المنبسط.. :D :D فكرت بفتحة السيفون كثيراً وجدت انها غير مجديه .. عشان تخصص مكان لفتحة السيفون يجب عمل فتحه وتخرم لمسامير التثبيت غطا هالفتحه على الأقل 3 مسامير . ستكون هالفتحه نقطة ضعف ,, ولن تسلم من القرقعه ,, وعند تغيير السيفون يجب فك هالمسامير ال3 .. مادام هن 3مسامير من باب اولى فك 3مسامير الصاجه نفسها وافركها يمين ولا شمال وفك السيفون .. والتعب على ابو يمن. وأخيراً الصاجه بفتحة السيفون ستفقد رونقها وشكلها الجميل .وأنا لا احب ذلك.

الكايف2 ..هلابك انا مفصلها الله يحفظك في ينبع البحر فمكان عملي في ينبع الصناعيه

هــ 2006ـــدد.. ابداً ليس هنالك علاقه بين الحراره والصاجه انا واثق بعدين تراها مهواه مع الأجناب

ابو مرهش.. انا حاط 4 مسامير وفي إعتقادي إنهن كافيات ولو شفت انها بحاجة المزيد الدعوى بسيطه

جلمود 83 ...لا لا يااخي مايحتاج لذا كله هنالك فتحات في اجناب الصاجه ..وحتى لومافيه فلن يؤثر ذلك على الحراره لا من قريب ولا من بعيد

راعي الكيف ..هلا والله.. (300ريال فقط ..لأنه ستانليس ).والمجلفن بحدود200 والصاج العادي ب100

تحيه طيبه للجميع :p
أبو عزوز
12/08/2006, 02:23 PM
أخوي قرم ما قصرت ممكن وصف الورشة
بواردي الدلم
12/08/2006, 03:45 PM
اقول ياقرم ممكن تشرح لي عن الباثفايندر هل هو عملي ولا عيوبه واجد ولعلمك انا من عشاق الباثفايندر خاصه الاسود
وشكرا لك
قرم
14/08/2006, 12:44 PM
[[CENTER]SIZE=5]
السلام عليكم.

مرحبتين بالطيبين. :heart:

أبو عزوز.. للعلم الورشه في مدينة ينبع البحر . إذا كنت من هالمنطقه رد علي وسأوافيك بالعنوان . :type:

بواردي الدلم...هلابك .. سؤالك يكاد يكون اكثر سؤال طرح في المنتدي مع إختلاف الصيغه .. لقد قتلت هذه السياره بحثاً ومقارنه .. لقدطرحت مساجلات لاحصرلها تتكلم عن عيوبها وحسناتها .لقد قطعت شوش بهالخيمه من أجلها :p مافكهم إلا الحكومه . :director: . اصحابها جداً متعصبين. وهم الأكثريه ويرون إنهم اصحاب قضيه :D مبغضينها قله.. ومحبينها كثُر .. مبغضها يريدها سياره لاتخرب ولاتصان وتنفذ مايملى عليها وإن فشلت نتيجه لفشله هو.. ياويلها !! ومحبها يعتبرها سياره ككل السيارات ينبغي معاملتها بما هي اهله.. تحتاج للصيانه من حين لأخر...لا يطلب منها إلا إستطاعتها .يعرف كيف يتعامل معها في الضروف الإستثنائيه .. يعني صاحب خبره في قيادة السيارات الوعريه .. على كل حال ,,,,,,,,, انضر انت اي هؤلاء من اللذين ذكرتهم لك .. والسياره تستاهل سعرها القليل بالمقارنه مع الجيوب الأخرى ..اللي
عندي 2003 ولاعنه لعن .. وشغال لله الحمد والمنه ,,لكن ليس مدحاً اعرف اين اضع إطارات سيارتي ومتى

تفاصيل مختصره بمميزات السياره وكما يعتقدها مجرب لها.

قوي ,,سريع الأستجابه,, طويل النفس بالنمره كعادة النيسان,,لايوجد حاجز للسرعه يجيب الطبلون قبل ان يرتد إليك طرفك,,راسي ,, مريح,, التانكي يمشيك400كم ,, لايوجد جرس تنبيه للسرعه,, هذا مايحضرني الأن
والشباب فيهم خير ويعلمونك باللي انا نسيته..تحيه طيبه
salehhd
14/08/2006, 07:50 PM
ما شاء الله مبدع كالعادة

الله يعطيك ا لعافية ويكيف شر العين

بس كل مرة تحتاج تغيير زيت لامزم تقك الصاجة كاملة
بواردي الدلم
15/08/2006, 03:59 PM
شكرا للمرور واخص بالذكر الأخ قرم لشرحه الكافي للموتر الي براسي
AL-MOSTAKSHIF
07/10/2006, 08:20 PM
أسعد الله مسائكم جميعا
مع خالص تحياتي لأخوي قرم والأخوان الموجودين معنا , بصراحه أنا أتابع مشورتك بإستمرار وأقدر لك الجهد المبذول ولا يهنون الربع , وأقدر لك الدقة المتناهية في البحث والحرص على توفير كل ماهو مفيد لأعضاء المنتدى , وبودي أسأل إذاكان فيه محل في الرياض يجيد عمل نفس الفكره .

عضو جديد وأعتز في التواصل معكم .

مع خالص تحياتي
الرماي
08/10/2006, 12:51 AM
مبدع

ماشاء الله عليك


والله يعطيك العافيه
العزوم
08/10/2006, 01:01 AM
ممتاز ولااروع بس لوكانت مخرمه بحيث تسمح بمرور الهواء ويكون شكلها اجمل ووووووواصل عافاك الله
ابوسليمان119
08/10/2006, 02:54 AM
مشكور قرم والله انك جبتها

انا مركب حقت المميز

بس هالحين اقتنعت بالي انت مركبها

مشكور مرة اخرى

اخوك / ابو سليمان
قرم
08/10/2006, 02:57 PM
السلام عليكم
-MOSTAKSHIF .. مشكور على الأطراء.


وبودي أسأل إذاكان فيه محل في الرياض يجيد عمل نفس الفكره .

لا اعلم ذلك !! لكن الفكره بسيطه في إعتقادي. ماساعدني اكثر هووجود صاجه لورشة المميز تورطت فيها
وقلت قبل احذفها دعني انسخها لكن هذه المره بأبعاد ومقاسات مضبوطه وبمعدن قاسي وتم ذلك بحمد الله..والله يحفظك

الرماي.. الله يعافيك ويطول عمرك بطاعته

العزوم..
بس لوكانت مخرمه بحيث تسمح بمرور الهواء ويكون شكلها اجمل

الله يسلمك والله مايحتاج تهويه ولايحزنون ..يالربع والله مالها علاقه بالحراره لا من قريب ولا من بعيد!
والله يحفظك

مقلوب بالعكس..يالله حيه.. حقت المميز اللي كنها حجه :p بدلها بلبنانيه :D بمعني ودها لورشه محترمه وقل لهم
فصلوا لي مثل هذي ستانليس ستيل وبنفس المقاسات.وسلامتك

وتحيه طيبه للجميع
بوخالد@550@
08/10/2006, 08:06 PM
السلام عليكم يعطيك العافيه اخوي القرم انا فصلت وحده حديد مش مقلفن و10 مسامير لتثبيت الصاجه وفصلتها 200ريال في الصناعي الاو لى بس المشكله انها صدت اذا ماعليك امر وين سويتها وبكم اذا في صوت معى المطبات ..............وشكرا
رقبة حاشي
10/10/2006, 10:15 AM
السلام عليكم ،،،،

فيه فكره ياقرم ولا يهينون الاخوان اللي هي : جعل فتحات المسامير الاماميه مفتوحه الى آخر الصاجه علشان تحل المسامير فقط ولا تطلعها وثم تفك مسامير وراء بالكامل وتسحب الصاجه بدلا من فك المسامير الاربعه والا وش رايكم
النداوي HZ2AF
10/10/2006, 03:14 PM
الكايف2 ..هلابك انا مفصلها الله يحفظك في ينبع البحر فمكان عملي في ينبع الصناعيه

حالحين صدتك يا القرم اثرك عندنا في ينبع الصناعية

مير الله يحييك والساعة المباركة

وان شاء الله يكون لنا لقاء قريب

خصوصاً وانا نملك نفس السيارة

أخوك ابو عبدالله
paris_najd22
16/10/2006, 03:42 PM
سلمت يداك ياقرم بس سؤال مقاسات الصاجه نفس مقاسات الصاجة حقت الوكالة وهل الستيل 3 ملم
عجاج
16/10/2006, 08:47 PM
الله يعطيك العافية يالقرم على هالصاجة

انا مركب صاجة ورشة المميز الغبية بصراحة جدا سيئة

ياليت الاخوان الي بالقصيم يعرف ورشة تسوي مثل صاجة اخونا القرم يدلنا عليها وجزاه الله عنا الف خير
ابـوعمر
16/10/2006, 09:13 PM
اخوي ابا اسألك هل الصاجه تسد محل الصره يعني كل تغييرت زيت تحتاج فك
عجاج
17/10/2006, 04:24 PM
الله يعطيك العافية يالقرم على هالصاجة

انا مركب صاجة ورشة المميز الغبية بصراحة جدا سيئة

ياليت الاخوان الي بالقصيم يعرف ورشة تسوي مثل صاجة اخونا القرم يدلنا عليها وجزاه الله عنا الف خير
عجاج
18/10/2006, 06:08 AM
معقولة القصيم طول بعرض مافيه ورشة تسوي الصاجة

الفزعة ياهل القصيم النشاما الي يعرف ورشه يعلمنا
راعي الهـــدد
18/10/2006, 06:30 AM
أخوي قرم

أنت قرم على اسمك

موظوع قمه وتشكر على طرحك ونفع غيرك

والفكره صحيح انها بسيطه كما قلت

ولكن كابتكار الفكره بذاتها ابتداءً صعب على الكثير

وبعد طرحها تكون بسيطه للجميع

على العموم تشكر وجهد قيم

محبك

أخوك

راعي الــهــــدد
قرم
18/10/2006, 09:31 PM
السلام عليكم جميعاً

بوخالد@550@
اذا ماعليك امر وين سويتها وبكم اذا في صوت معى المطبات ..............وشكرا

الله يحييك ياخي والله سبق وذكرت مكان صنعها إرجع للردود الأوليه وأقرأها بتمعن الله يحفظك

رقبة حاشي..
فيه فكره ياقرم ولا يهينون الاخوان اللي هي : جعل فتحات المسامير الاماميه مفتوحه الى آخر الصاجه علشان تحل المسامير فقط ولا تطلعها وثم تفك مسامير وراء بالكامل وتسحب الصاجه بدلا من فك المسامير الاربعه والا وش رايكم

هلابك. في إعتقادي هكذا اكثر ثبات والخيار لك إذا اردت تفصلها افعل ماشئت وبحسب رغبتك..هذه الفكره الأساسيه امامك طورها بالطريقه اللتي تحب وكمل المسيره

النداوي HZ2AF ..ياحبيلك يالنداوي ..قلنا قهوه وشاهي !!وصارت الدعوى !!!!!!!!! لكن مردوده

paris_najd22 حيالله العنيزاوي.. فعلاً3ملم اقطع يدي لو خرقها المسدس..اما المقاسات والأبعاد تختلف تماماً
فهذه مسطحه وبدون تعقيد وذات لمعه اخاذه

عجاج
..انا مركب صاجة ورشة المميز الغبية بصراحة جدا سيئة

ياليت الاخوان الي بالقصيم يعرف ورشة تسوي مثل صاجة اخونا القرم يدلنا عليها وجزاه الله عنا الف خيرالقصمان هم اهل الصنعه اجتهد بالبحث


ابـوعمر

اخوي ابا اسألك هل الصاجه تسد محل الصره يعني كل تغييرت زيت تحتاج فك

هلابك.. لا الصاجه بعيده عن الكرتير ..لكنها تحجب السيفون

راعي الهـــدد..ماشاء الله بصماتك ملأت المنتدى

والفكره صحيح انها بسيطه كما قلت

ولكن كابتكار الفكره بذاتها ابتداءً صعب على الكثير

وبعد طرحها تكون بسيطه للجميع

على العموم تشكر وجهد قيم
بعدين هذا موضوع يخص الباثفندريه :o وش جابك لحارتنا ؟؟ ماتعرف اوصافهم؟؟ تراهم(غضوبين ولايدركون عواقب الأمور) !على قول اخينا دسم الشوارب !!الله يحفظه ويطول عمره ....فأنتبه :D :p

عزيزوغالي تراي امزح الله يثيبك تحيه طيبه لكم جميعاً ودمتم بخير ومعزه
paris_najd22
20/10/2006, 05:03 AM
أخوي الغالي قرم طيب هل لها مقاس معين أم لا وشكراً...
كحيلان 11
20/10/2006, 06:24 AM
مشاء الله شغل صح والفكره احلا
مشكور يا الغالي
أبوناصر
24/12/2006, 06:16 PM
معليش كم سؤال

كم وزن الصاجة تقريبا

وهل بتكون أثقل من صاجة المميز

أشوفك من قدام رابطها في الصدام والي أعرفه إن الصدام ما يتحمل يشيلها ، هل بالإمكان توضح مكان التربيط من قدام بالتحديد الله لا يهينك


هل من الممكن عمل الصاجه بحيث تغطي حتى الكرتير ؟؟


مستعد لسماع أفكارك
NOOOMAS
24/12/2006, 07:46 PM
شغل عدل بيض الله وجهك
::الرهيب::
25/12/2006, 12:24 AM
السلام عليكم...

صاجة مزبووووووووووطة يا "قرم"...

أنا كنت ناوي أركب حقت "المميز"....لكن شكلي بأهون...

اممممممممم...المشكلة في صاجتك هي :تغيير السيفون...!!

مالقيت لها حل.؟

وبعدين أذكرك مركب صاجة (jadoo ) اللي عليها صورة (كنغر)...

وراك غيرتها.؟



أخوك
الرهيب
كبريت
04/01/2007, 07:09 AM
سلمت ياقرم كعادتك ماشاءالله متميز

بس عندي سوال اللي هو كم ابعاد الصاجة كلها؟

لاني بفصل وحدة ان شاء الله لكن ابغا المقاسات من الى وبما اني لا املك صاجة المميز فلا يمكنني اخذ المقاسات منها واذا في معلومات اضافية زودنا بها الله يجزاك خير

والمعذرة على الاطالة
مدور ربيع
04/01/2007, 10:55 AM
يعطيك العافيه قرم ... ومشالله اسم على مسمى


عندي اقتراح لفتحة السيفون ..

تسوي فتحه على شكل باب منزلق .. ( من نفس حديد الصاجه )

يعني مثل طريقة الشباك ... ويكون داخلي عبر مجرى خاص محكم ... وفي نهايته تحط مسمار واحد للتثبيت

وعند الحاجه لفك السيفون ... لن تحتاج الا فك مسمار واحد

اتوقع بيكون عملي وغير مرئي



بالتوفيق
برق المنشا
20/01/2007, 12:08 AM
أنا أتوقع لو أنقز لمحلات القطع التقليدية آخذ ثلاث حبات من القطعة البلاستيكية اللي زي شد البلد سعر الحبة 50 ريال يعني 150 ريال وأطول المسمار ( اللولب ) شوي أحسن بكثير من قص لاتقص ركب لاتركب صح والا لا وبعدين الباثفندر كشخة مايحتاج حاجة تلمع تحت زي خلخال سميرة سعيد
قرم
20/01/2007, 03:49 PM
السلام عليكم..عفواً على التأخير.

اول شيء الصور المشروحه والأبعاد,, وبعدين نسولف.


مؤخرة الصاجه تجاه الكرتير=70سم
http://www.mekshat.com/pix/upload/images26/mk8645_ss1.jpg

مقدمة الصاجه تجاه المقدمه=51,5سم
http://www.mekshat.com/pix/upload/images26/mk8645_ss2.jpg

الطول الكلي من الأمام إلى الخلف=61سم
http://www.mekshat.com/pix/upload/images26/mk8645_ss3.jpg

مكان ربطها في المقدمه كما يلاحض على الشاص وليس على الصدام كما يعتقد البعض.
http://www.mekshat.com/pix/upload/images26/mk8645_ss4.jpg

paris_najd22 ..هلابك هذه المقاسات ولو بغيت تفصيل اكثر تحت امرك.

كحيلان 11.. اشكرك يالغالي.

أبوناصر.. يالله حيه..إيه اثقل من صاجة المميز بقليل. لاتستطيع تمديدها لتصل للكرتير لأن الدفرنس الأمامي يقف حائلاً وسداً يمنعك من تجاوزه..والصوره رقم 4 توضح مكان ركوب الصاجه من المقدمه.

نوماس.. ويبيض وجه من قال , الله يحفظك.

::الرهيب::.. صاحب الصاجه jadoo اخينا الجنوبي وليس انا. وأما السيفون فالتعب على البنشري انا ابغى صاجتي كتله واحده ليس فيها قطع متحركه لتلافي الأصوات والخلخله,, وبعدين انا سهلتها بجعلها فقط 4مسامير
ويتعين على البنشري فك 3منها فقط ويزيحها يميناً اوشمالاً ويغير اللي هو يبي.

آل موهوب..مرحبابك , الصور في الأعلى توضح ذلك.

مدور الربيع.. مشكور على هالفكره الله يحفظك ..بس انا اوضحت ليه ماعملت فتحه للسيفون,تسلم

برق المنشا..هلابك.. براحتك الله يحفظك, وأنا ما اخترت هالخامه من اجل اللمعه ..بل لأنها قاسيه ومضاده للصدأ
فأنا لايغريني المظهربقدر مايغريني المخبر وأنا وش ذنبي اذا كان الأستانليس يلمع.
خلخال سميره سعيد!!!

صورزايده.

http://www.mekshat.com/pix/upload/images26/mk8645_imga1128.jpg
http://www.mekshat.com/pix/upload/images26/mk8645_imga1129.jpg

http://www.mekshat.com/pix/upload/images26/mk8645_imga1131.jpg

http://www.mekshat.com/pix/upload/images26/mk8645_imga1132.jpg

http://www.mekshat.com/pix/upload/images26/mk8645_imga1135.jpg

http://www.mekshat.com/pix/upload/images26/mk8645_imga1136.jpg

مره اخرى عفواً على التأخير والقصور ارجوا إلتماس العذر لي الله يحفظكم وتحيه طيبه للجميع.
كبريت
20/01/2007, 06:52 PM
سلمت ياقرم

والغايب عذرة معه

في انتظار جديدك ،،،
الهلي 349
20/01/2007, 08:49 PM
ما شاء الله عليك والله عقلك مو صاحي >>>>>>>>>"أجل راقد"

وتشكر على الصور الموضحة للعملية
قرم
21/01/2007, 03:14 PM
آل موهوب
الهلي 349 ..


شاكر لكم ردكم ومروركم على موضوعي . تحيه طيبه لكم جميعاً ودمتم بعافيه. :p
متألق دائما
11/02/2007, 03:45 PM
فكرة جميلة جدا أشكرك .
أفق
12/02/2007, 12:51 AM
شغــــــــــــــــــــــــــــــــــــــــــــــــ ـــــــــــــــــــــــــل نظـــيــــــــــــــــــــــــــــــــــــــــــــ ـــــــــــــــــــــــــــــف
قرم
12/02/2007, 05:58 AM
هلابالشباب.

كبريت

متألق دائما

أفق

اشكركم كل الشكر على هالردود التحفيزيه كذلك اشكر لكم التكرم بالمرور تحيه طيبه للجميع.
عاشق صقر
09/03/2007, 01:20 AM
يعطيك العافيه اخوي قرم على الفكره الجميلة والممتازة والله انك قرم على اسمك
انشاء الله اني ابفصل مثلها
جعلها الله في موازين حسناتك
آمييينن
wannan
09/03/2007, 01:31 AM
السلام عليكم
فكرة وطرح متميز طبعاً مثل صاحبها قرم متميز وإلى الأمام
فيه سؤال والكلام بيني وبينك
(ما طلبتك وكالة نيسان في تطوير الباث ؟ :))
أكيد انك مفكر ياقرم بفتحة السيفون .
اخوك المنبسط
===========================
سبينر
22/05/2007, 02:20 AM
مالقيتوا احد يركبها بالرياض او القصيم ؟؟
ضلع الرقيبه
24/05/2007, 08:28 PM
ماشاء الله شغل عدل لكن ممكن تعطينا السعر ومكان الورشه وهل تسوي للسيارات غير الباث
خ الفياض
24/05/2007, 11:29 PM
السلام عليكم
شغل يالحبيب عدل مره وفكرتك حقت السيقون روعه بس فيه نقطه مهمه
مامدى تأثيرها على حرارة الموتر مجرد سؤال من غشيم
وش رايك انت بعدالتجربه
وشكرا لكم
Eng.3beed
25/05/2007, 03:41 AM
موب لو انك ضارب الصاجه بويه سوداء ازين علشان ماتبين ولا تسطع

بس صراحه شي عجيب الله يعطيك العافيه
المها جر
08/10/2007, 10:46 PM
سلمت يدااك اخوي قرم علي الشغل السنع وكل عام ونت بخير
turkiq
09/10/2007, 03:48 AM
اخوي القرم ...

ممكن توصف لي عنوان واسم الورشة ... انا من اهل ينبع وبغيت اعرف مكان الورشة عندي شوية شغلات
لموتري ونادرا ما تحصل ورش تتعاون معاك في الافكار الجديدة
لمن تقولهم شي ما سبق سووه يطالعون فيك كانك نازل من كوكب ثاني ...
ابو؟؟؟
09/10/2007, 08:44 AM
يعطيك العافية
الساهي 2
01/07/2008, 10:38 PM
لو فيه أخد بالقصيم يسوي لنا الصاجه

يذكون لنا واحد ببريدة لكن سافر عن ورش الرحيلي
راعي هوى
02/07/2008, 01:48 AM
ما شاء الله شغل جدا نظيف الله يبارك لك
ابوعبدالعزيز4
02/07/2008, 02:36 AM
ماشاء الله مبدع لاتحرمنا من ابتكاراتك ولك الشكر
sul574
25/11/2008, 10:45 PM
يعطيك العافية على الطرح المميز كالعادة لكن سؤالي هو وين سويتها
سيف نجد FJ
25/11/2008, 11:00 PM
ماشاء الله شغل رائع واحلى صاجه للحين بالامانه

تظن لو فكرت اسوي وحده مثلها للجيب عندي ممكن تضبط ( مع العلم ان الاصليه المنيوم متين لكن للاسف شفت كشير معفطه عندهم من بعد البر ) وكيف ممكن اوصل لورشه مثل هذي يعني القصد وش اختصاصهم الاصلي
mmm998
28/11/2008, 08:07 PM
ماشاءالله تبارك الله عليك أخوي قرم .... أنا مركب صاجه حديد نفس مقاس الصاجه الي أنت مسويه 4 صواميل ... بس الصاجه الي أنت مسويه حلوووه مره وودي لو أنا حولك كان فصلت زيها .... بس أنا خايف من مدى تأثيرها على حرارة السياره , ونت عارف الباث وحرارته . الله يكون بالعون . . وجزاك الله خير
أخو شيخة
15/12/2008, 11:55 AM
أن أشهد أنك قرم وبيض الله وجهك وعندي باثفندر ونحتاج للأفكار الرائعة ياقرم تقبل فائق تحياتي
ابوعمرالأحمد
10/01/2009, 12:31 AM
اخوي قرم بيض الله وجهك وماقصرت انا مسافر وسوف امركم في ينبع البحر الله يحفضك اريد عنوان الورشة والهاتف وتقبل تحياتي.
OtherProduct
10/01/2009, 02:44 AM
مع اني سائق تويوتا
ولكن اعجبني الموضوع الخلاق
ؤاح اتذكرك به دائما يازميل
وبهالعباره ايضا اللي قطعت بطني ضحك
"وأنا وش ذنبي اذا كان الأستانليس يلمع."
فعلا مقوله تاريخيه
ابوعمرالأحمد
12/01/2009, 05:58 PM
:D :D اخوي قرم بيض الله وجهك وماقصرت انا مسافر وسوف امركم في ينبع البحر الله يحفضك اريد عنوان الورشة والهاتف وتقبل تحياتي.
رد علي ياالقرم تكفى
كرملا
13/01/2009, 12:12 AM
ماشاء الله تبارك الله ... شغل عدل
خالد المسعود
09/02/2009, 09:53 AM
الاخ ابو القروم

السلام عليكم

يااخيي تعطيني وصف ورشة غلام هزا وشكريا
راعي الباااث
29/03/2009, 01:11 AM
الله يعطيك العاافيه على الفكررره الحلوووه والله جيده بس سؤؤؤؤال الستااستيل ما يصدي
برزان
16/04/2009, 02:55 PM
مشكور وماقصرت على الموضوع
متفائل أبوعمر
16/04/2009, 09:07 PM
مشكور أخوي على الشرح الرائع
RIDA
16/04/2009, 09:38 PM
بارك الله فيك أخي الكريم
محمدالعريني1
15/06/2009, 10:41 AM
مشكور على هذي المعلومه ويليت تذكر وين الورشه الي صلحت عندها
(ابو عبدالله)
15/06/2009, 01:30 PM
اعتقد لو تضع فتحات علي شكل طولي من المقدمه الي الموخره بنص بالصاروخ
يكون افضل لتبريد
عرندس
18/07/2009, 12:33 AM
بارك الله فيك

هل هناك ورشة في القصيم أو الرياض تعمل مثلها
zzz714
31/08/2009, 05:27 PM
يعني اذابغيت تغير السيفون لازم تفك الصاجة وهذا شيء مزعج شوي

لذا المفروض يكون فيها فتحة لفك السيفون معها وهاذي تلقاها عند المميز ب 150 صاج حديد 2 مل ممتاز
ابو حسناء
09/10/2009, 09:20 AM
يعني اذابغيت تغير السيفون لازم تفك الصاجة وهذا شيء مزعج شوي

لذا المفروض يكون فيها فتحة لفك السيفون معها وهاذي تلقاها عند المميز ب 150 صاج حديد 2 مل ممتاز

اخي zzz714...
السلام عليكم
وين مكانه المميز ... وهل يوجد عنده صاجه 3مل

شاكر لك مقدما :)
محسن اليامي
09/10/2009, 10:24 AM
وعليكم السلام

ماشاءالله تبارك الرحمن على الشغل المميز
a1Ruwais
09/10/2009, 11:03 AM
ماشاء الله ..
الموسيقار6
24/11/2009, 12:33 AM
معلومة قيمة وهل صاجة المميز توفي بالغرض وممتازه
وأين موقع المميز ,,
مخاوي الليل1
24/11/2009, 12:55 AM
السلام عليكم
تسلم ياقرم
PATHFINDER05
12/12/2009, 11:29 PM
شغل مسكت بس ودك بالجاهز لو تبين وين موقع المميز او تلفونهم
تحياتي
العتيبي9889
16/01/2010, 10:36 AM
اخوي قرم السلام عليكم...اود التواصل معك..
abo.3eesa@hotmail.com
h.h-55
04/07/2010, 09:51 AM
السلام عليكم

سؤال
وين سويت الصاجة ودي أسوي مثلها


جزاك الله خير ووفقك ربي
ابوفجر 2
15/10/2010, 08:01 AM
السلام عليكم ورحمة الله وبركاته
ياربع وين ورشة المميز وكم رقم التليفون والجوال وجاكم الله خير ,
ahmedo
08/03/2011, 10:09 AM
جزاك الله خير
وشكرا
غلطه ثمنهاروح
23/06/2011, 03:46 AM
ورشه المميز لو ماخاب ظني
تقع في صناعيه الدائري بالرياض
مخرج 18
القريبه من مصنع الأسمنت
وتقلبو تحياتي ..
ذئب اليل
23/06/2011, 08:05 AM
الموضوع قديم من 2006
vdhq
25/02/2012, 09:01 PM
يوجد عندي بلاستيك 0566588650 ابوحمد
abadee
24/07/2013, 03:17 PM
هذي جاهزة عند ورشة الثنيان ب 100 ريال
Pathy 2004
21/09/2015, 11:08 AM
السلام عليكم جميعاً.

هلابالشباب ... كلكم يعلم اهمية حمايه مقدمة السياره الوعريه من التعرض للصدمات والإرتطامات في التضاريس الإستثنائيه نضراً لأنها سيارات يتم قيادتها في اماكن غير منسقه او مرتبه او ثابتة المعالم ..
بل وتحتوي على صخور وعوائق أخرى يصعب حصرها فتكون عرضه اكثر من غيرها للأصابه خاصه مقدمة السياره . وللاسف هذا المكان يحوي على اهم وأثمن مافي السياره . لذا تم تزويد كل السيارات الوعريه بصاجه
لحماية هذا الجزء المهم.. لكن الشيء المحير عندما يتفانى الصانع بصنع غطاء متناسق وجميل وذومعايير دقيقه
وعجيبه ولكن!!!! يهمل بقصد او بدون قصد اهم مافي القضيه! الا وهو الخامه اونوع الماده الأساسيه للقطعه
المشار إليها واللتي ينبغي في المقام الأول ان تكون من اقسى المعادن .بل تفاجأ بأنها صنعت بالكليه من البلاستيك
اللذي لايسمن ولا يغني من جوع بل هو شر..ووبال على عامل البنشر عند تغيير السيفون .فهنالك 8 مسامير يتعين عليه فكها لبلوغ السيفون ..والله امر مضحك!! 8 مسامير لصاجه بلاستيك!! والأمر الأعجب عندما تعرف بأن سعرها يتعدى ال450 ريالاً !! هذا هو الحال بالتفصيل في الباثفندر..المهم مالكم بالطويله , اخيكم قرم حب
يعتمد على افكاره ويصمم صاجه تجمع جوده متناهيه للمعدن , وصلابه يعتمد عليها, والمعايير الدقيقه في
الأبعاد دون إهمال الجانب الجمالي للصاجه.. فلا انصاف حلول في قاموس قرم ( شغل مليح ولا أستريح)
الصاجه الجديده ابعادها ومقاييسها اكثر دقه من صاجة المميز السيئة الذكر الغبيه وأنتم تتذكرون هذا الرابط http://www.mekshat.com/vb/showthread.php?t=52447الصاجه.. الجديده لاتملك فتحه جانبيه لفك السيفون بل هي قالب واحد ولها 4 مسامير تثبتها بأسفل السياره . .بقي ان نعرف ماهو المعدن المستخدم؟
المعدن هو....( الإستانليستيل الصافي , القاسي ا لمضاد للصدأ.), سماكته 3 ملم .
الشيق في الموضوع هو تفاصيل صنع الصاجه من كونها كلوح معدني قابع في إحدى الورش.و حتى تركيبها اسفل سيارتي . هذه المره كثرت في الصور والحكي . الناس تحب الصور . واليوم جمعه يالله من فضلك والوقت واسع
للقراءه المطوله والصور الشيقه .. ويالله حيهم إلى الصور
بسم الله نبدأ وعلى هداه نسير











إستأصال القطعه من لوح الأستانليستيل بأله القطع الهايدروليكيه الدقيقه.

http://www.mekshat.com/pix/upload/images18/mk8645_co1.jpg

بعد إستأصال المقطع يشذب بأله مخصصه لذلك. ليتحول إلى شبه صاجه
http://www.mekshat.com/pix/upload/images18/mk8645_co2.jpg

تجلخ الحواف بعنايه بأيدي الدكتور غلام.
http://www.mekshat.com/pix/upload/images18/mk8645_co3.jpg

تحديب الأطراف بأله مخصصه لذلك.

http://www.mekshat.com/pix/upload/images18/mk8645_co4.jpg

التحديب.
http://www.mekshat.com/pix/upload/images18/mk8645_co5.jpg

النتهاء من التحديب للأطراف.
http://www.mekshat.com/pix/upload/images18/mk8645_co6.jpg

غلام افندي تحت باث قرم لأخذ مقاسات المسامير.
http://www.mekshat.com/pix/upload/images18/mk8645_co7.jpg

تخريم الصاجه بأله هايدروليكيه دقيقه.
http://www.mekshat.com/pix/upload/images18/mk8645_co8.jpg


انظروا إلى الدقه في التثقيب.
http://www.mekshat.com/pix/upload/images18/mk8645_co9.jpg

الشكل النهائي للصاجه
http://www.mekshat.com/pix/upload/images18/mk8645_co10.jpg


ماقضينا .. إنزل تحت.. إلى هناك

السلام عليكم

شباب ممكن قياسات الصاجة

وشكرا مقدما
ابوجمعة1
18/10/2015, 04:33 PM
هذي جاهزة عند ورشة الثنيان ب 100 ريال

متأكد اخوي ؟