قماري وغيره....(3)

[عبدالله العمير]

السلام عليكم

تواصلا مع احبائي نواصل في عرض مالدينا من صور متواضعة

متمنين ان تنال استحسان الجميع

ويسعدنى نقدكم وتوضيحكم وتوجيهكم




الصورة الأولى

أثناء التجول للبحث عن القميري توغلت في أماكن صعبة وأثناء ذالك صادفت هالمزيونة

والواضح منها ان لها فترة طويلة في محله بنائا على المرش الي في اسفلها :) حيث اني مررب بها ظهرا

وهي ساكنة لأبعد حد ولسان حالة يقول عزالله اني ماطرت بهالقوايل


http://www.kashtah.com/4images/data/media/3/hm16.jpg





الصورة الثانية

ونفس الجولة الأولى صادفت ثانية تغط بنوم عميق متجاهلة وجودي

والغريب بالموضوع انه جالسة في الشمس وليس بالظل ولا أعرف سبب ذالك


http://www.kashtah.com/4images/data/media/3/hm39.jpg







الصورة الثالثة


نهاية يوم حافل بالصيد

سبق ان انزلت صورة مشابهه لها لكن بأسلوب اخر

المكان املج


http://www.kashtah.com/4images/data/media/18/hm11.jpg







الصورة الرابعة


ايطار طبيعي

تكررت الصورة لكن من زاوية اخرى ويعيب على هذة الصورة عدم استخدامي للفلاش حتى تتضح معالمه الي في اليمين



http://www.kashtah.com/4images/data/media/3/hm41.jpg






الصورة الخامسة

استراحة محارب <استراحةنتف :)


http://www.kashtah.com/4images/data/media/4/hmhm22.jpg


الصورة السادسة

مشاوي قمرية

فطور دسم شوي بس وش نزين تعرفون الشفاحه والجوع وش يسوي وخصوصا اذا قضى الجبن الطحنية




http://www.kashtah.com/4images/data/media/2/hm53.jpg



الله يعيد هالأيام على الجميع بالخير

[السمح]

:good: سلمت والله على هالصور اللي تفتح النفس

أشهد إنك فنان ، والصور جميلة جداً !!

ليش لا والازرق هو اللي مصورها .

عسى الله يجيب سبتمبر على خير ، ولك أحلى تحياتي .

[أبــوريـــان]

يتواصل الابدااااع ...

كل وحدة احسن من الثانية ...

صور رااااائعه يابو لينا تسلم يمنك ..

بنتظار الجزء(4) على احر من الجمر...

تحياتي لك يالغالي

[عجمي]

وعليكم السلام


الله الله يالأزرق على الصور اللي جت بوقتة تحميسية على قرب الموسم


والصراحة اللي شدن بالصورة الأولة ركادت الحمامة يعني من الصبح بدري ماجاة احد ويعجبن تحليلك (المرش )


بالعربي وين المكان هذا شكلة بخنتوب مايدلة احد



وعلى طاري املج عسا ماشر فقدناك الموسم اللي فات والا طايحلك بدسم (مكان احسن ) ،،، ترانا حبايب


والموسم قرب ... :D


الف شكر على الصور وننتظر الجاي


اخوك عجمي

[عبدالله العمير]

يسد يسد يالسمح تراي انتفخت :)


الله يجزاك خير وعارفين اننا مقصرين معكم بالماضي لكن ان الله اراد راح يكون تواجد مستمر


--------------------------------------------


تسم ابوريان


والدور دورك هالموسم ترا ماحنا مسامحينك


--------------------------------------------------


عجمي هههههههههههههههههههههههههههههههه


منين طلعت يابعدي


والله لك وحشة ولايهونون ربعك كلهم


والحمد لله ان الصور اعجبنك


ومن ناحية الخنتوب مايخفاك شي يابوبراهيم تذكر يوم انطحكم بالمسحية العصر وانا تافلن العافية وانتم توكم متغدين ومستانسين انا جاي منه :)


واملج والموسم الماضي ماهنا الا العافية لكن تجري الرياح بما لاتشتهي السفن


ارتباط عمل منعني من خوكم


والظاهر ان هالموسم هذا حولة ولكن تبي تصير على خفيف فوق شوي لم قيال:) تسان تبون تجون ابشرو بعزكم



وترا صورة المحارب من تصويرك ولا نسيت :D


والمشاوي هذولي من رمي ابوعلي ماتشوف اثار النص عليهن <عسى الله يجيب الكرك

[الضاري]

مشكور يالازرق

والله لعبت بأعصابنا بتصويرك

صور أن قلت رائعة قليل في حقها

الله يعطيك العافية

وشد حيلك الموسم قرب

والله يرزق الجميع

[مسافر1]

تسلم أخوي الأزرق ..
والله صور روعة وتجوع بعد ..
تصوير ياسلام . زد على هذا طيور ..
لا وشوي بعد .. والله فسقة أخوي ..

[سيف الرعد]

يا سلا م ويا سلام الله
يا حمام جر الالحان
منين يجر الالحان وانت موجود
تسان على الجمر يمكن
ماشاء الله
روقان
وتصوير فنان
شكلك تصور بارض خلا
ما حولك مشافيح
الله يجيب الايام الزينه ويعيدها علينا وعلى الجميع بالخير والصيد


رايق وفايق يالازرق ماشاء الله
عليك تبارك الله



تحيتي

[صقر]

باقة رائعة لطائر جميل ومغري

مشكور اخي الأزرق على هذه المشاركة المتميزة ... وماشاء الله عليك عندك هالزين ومغبيه .... ليــــــه ؟

بارك الله فيك.

[عبدالله العمير]

الضاري

هلا وغلا

وتسان لعبت باعصابك ابشر ترا ماعودة ابد :)

حياك ربي وتسلم على الاطراء

وشكل الحين هالسنة لك عليه يرقل :)

-------------------------------------------

مسافر 1

ههههههههههههههههههههههههه

هذا ماهب فسقة هذا اسمة الاستمتاع عكس الدبكة

وحنى ناس نحب ننبسط ونشوي ونصيد ونتكي ووووووووووونصوووور

-------------------------------------------

ولا تهون يابومحمد ههههههههههههههههههههههههههههههههههههه



شكلك تصور بارض خلا


صادنا ههههههههههههههه شكل الحملة هالسنة تبي تميل لمنا

لكن حياك ربي

والروقان تعلمته منك ولا نسيت

---------------------

صقر

الزين عندك وبعدين ماهب مغبية تقدر تقول زوووووووووووووووووووووووووول:)

والله بكل صراحة ايام ماكانت الصور طازجة كنت ارتب ابنزل موضوع متكامل بس الضروف منعتي وانشغلت لين راح الوقت

ومالقيت انسب من هالوقت لتنزيلة :)

[العنبري1]

ما شاء الله تبارك الله ...


مجموعة من الصور المنتقاة الجمييييييلة ...


الصراحة صور تفتح النفس لهذا الطائر الجميل ...


صيد وشوي الله يهنيك ويوسع صدرك بالعافية ...


اخوك ابوابراهيم ...

[عبدالله العمير]

ابوبريهه

والله يوسع صدرك بردك الي يشرح الصدر

بارك الله فيك

[الحثاقي]

ماشاء الله تبارك الله


تسلم يمينك يالازرق انا اشهد انك فنان بحق الله يعطيك الصحة


والعافية صور جميلة ووجه اجمل الله يعيد هالايام علينا وعليكم


بالصحة والعافية لك فائق التقدير


تحياتي بلا حدود


:)

[عبدالله العمير]

الله يجزاك خير يالغالي

وفنان يبيله شوي باقي عليها

وان الله اراد تبي تنبسط بالقريب ان شا الله بالموسم والصيد والسنع

ولو مايجينا الا هالدعاء منك ومن امثالك

[نفل]

السلام عليكم

صور جميلة ورائعة اخوي الازرق

شوقتنا للقميري بس انفلونزا الطيور :j


بعد اذنك اجريت تعديل بسيط على الصورة الرابعة .

http://www.mekshat.com/pix/upload/images18/mk2692_hm41000.jpg

[نقا هشال]

وعليكم السلام ورحمة الله وبركاته

اخي الازرق

اهلا وسهلا

تسلم اناملك

ويعطيك الف عافيه

صور رااااااااااااائعه

كل الشكر لك

تقبل تحيتي

[النجم الطائر]

بارك الله فيك ومشكور

[*القبطان*]

اخي الغالي الازرق (ابو لينا)

السلام عليكم ورحمة الله وبركاته

حرام عليك وش انا مسويلك ..صور تذبح وتقطع القلب
الي مثلي ضعيف وماله حيلة ولا وسيلة للقميري وش يسوي

ولا يتفرج وبس

جعلك تسلم صور احترافيه ومتعوب عليه
الله يجزاك خير

[عبدالله العمير]

نفل ماعليك الا العافية من الانفلونزا انت ارم وخلن انا اذكي وانتف:)

وبعدين صوري عدل الي تشوفة وتسلم على التسطيع كاني مانب واهم

[عبدالله العمير]

نقاهشال

تسلم ويسلم راسك يالغالي

والرائع تواجدك

---------------------------------------


القبطان

والله لك وحشة يابعدي

وترا ماحطيت مثل هالصور الا علشان اوسع صدرك انت وربعك وربعي

وتسان تبي تنغث تراي هونت:)

المهم لاتقطع مثلي خلنا نشوفك ونشوف مواضيعك

[الكايف2]

وش نقول يوم شفنا الصورواللي مصورها
الازرق معاد قدرت اتكلم من الاعجاب
والفرحه والاشتياق
الله يعطيك العافيه
بس انا مااقدراشوفها واصبركل هالوقت
تقبل تحياتي

[جمران]

دخلت أرحب ببو لينا بعودته لنا مرة اخرى مرحباً بك وبصيدك وبصورك الفاتنة
تحياتي لك

[عبدالله العمير]

الكايف2

هلا وبيك وغلا

وبيني وبينك والي خلان اعرض الصور بفتره متقاربة ومثل هالوقت هوا اني بعد فترة ابنشغل بالحيل بالحيل والدعوا فيها شد ورحيل:) واخاف مالاقي وقت انزل موضوع

قلت خل نعطي ماعندنا لو مايجينا الا الدعاء من امثالك

وبعدين ان كنت ماتصبر رح مع الصقارين للمزارع وارمو من القوقسي للطيور وبرد على قلبك :)

-------------------------------------


جمران وما ادراك ماجمران

يعلم الله وش كثر سعادتي بشوفت حجاجك يابعدهم كلهم

وردك اعتبرة وسام شرف يعلم الله

وابشر بالزين والعذر والسموحة عن القطعة يابعد حيي وميتي

[سيف السيف1]

ياهلا والله وسهلا بالأزرق عزالله إنك أبردت سبدي ووطيت على الجرح الحساس يابعدهم, فنان فنان فنان ..

[عبدالله العمير]

ياحبيلك والله يابوفارس

وياحبيل ردك الي يجيب العافية

تسلم يالغالي وابشر بعزك ان شاالله

[الهلالي]

يا مال العافية , حق لك أن نسميك عاشق القمري لتخصصك في تصوير هذا الطائر الفاتن , تسلم الأيادي وعندي إحساس أن هذا الموسم
سيكون موسم متميز, نتمنى لك وللجميع التوفيق بالصيد الوفير .

[عبدالله العمير]

اللهم امين لو مانصيد بس نبي نصور:)

لكن رمضان عسى الله يجيبة يبي يمنعنا من الصيد

لكن يسهل ربك ان شالله

ويعلم الله اني اعشق هالطائر عشق كبير

[مدالنظر]

يماااااااااااااااااااااااااااااال العافيه والله يالازرق



عماااااااااااااااااااااااااااااااااااااااااااااااا اار

تسلم يمناك ياسمي الزعيم كخخخخخخخخخخخخخخخخخخخخخخ

لاتصير نصراوي ونقعدبها

[عبدالله العمير]

الله يعافيك ويخليك والله

ولا يهمك اسم على مسمى :)

[الوشاح]

http://www.kashtah.com/4images/data/media/3/hm41.jpg
ياسلام على الصوره :)

ماتجي بالسهل .. اي والله

تحيتي لك

[عبدالله العمير]

تسلم الوشاح

وهذا من ذوقك وتجي بالمسايس:)

[ابوفهد225]

ياحليلهن توي اشوفهن


الله يعطيك العافيه


لكن لي سؤال الله يطول عمرك

نوع الكامره والعدسات بالتفصيل الممل اغدين اجاريك الموسم هذا

[عبدالله العمير]

هلا وغلا اخوي ابوفهد

والكاميرا نيكون d70s

والعدسات واجد طب وتخير

وان بغيت تفصيل ممل اراسلك على الخاص وافصلك ان شالله