شراء سيارة من السعودية

[Mr_6r]

السلام عليكم ورحمة الله وبركاته


يا اخوان انا شريت موتر من السعوديه وانا من هل الامارات
الموتر ارقام السعودية وحالياً ف الامارات

هل بستطاعتي ان اسجل الموتر على اسمي ف السعوديه ويتم ب ارقامه
او هل من طريقة لذالك وكيف بقدر اسجله ولمتطلبات مني

علماً : لا اود تسجيل الموتر ف الامارات


افيدونا .. وجزاكم الله خير

[مدور طريق]

تقدر اخوي تسجله باسمك باللوحات السعودية

بس اعتقد في شروط معينه:
1- تثبت انك مقيم
2- او عندك مجال تجاري (مثلا محلات تجاريه وغيره)
3- او سجل تجاري
والله اعلم ..

والاخوان بالمنتدى ميقصرون اذا اخطئات ولا نقصت بشي :good2:

[الشهابة]

السلام عليكم .. اخوي إجراءات تصدير سيارة خارج السعودية هي :

1 . تكون استمارة السيارة ( رخصة سير المركبة و شهادة الملكية ) سارية المفعول .
2 . تكون شهادة الفحص الدوري سارية المفعول .
3 . إحضار ورقة مبايعة بنقل ملكية السيارة من أي معرض سيارات معتمد .
4 . أسقاط اللوحات السعودية و إستخراج لوحات تصدير مركبة .
5 . دفع الرسوم المقررة عن طريق أحد البنوك السعودية المفوضة باستلامها .

ملاحظة : يشترط لكل ما سبق أن لا تكون السيارة عليها مخالفات مرورية أو مطلوبة للجهات الأمنية أو غير مطابقة للمواصفات و المقاييس الخليجية عند إعادة التصدير .

إذا أنت مواطن خليجي ( من مواطني دول مجلس التعاون ) يتم معاملتك مثل المواطن السعودي بخصوص نقل ملكية المركبة .. و إذا انت من غير مواطني دول مجلس التعاون ( من غير مواطني دول الخليج ) يلزمك إحضار كفيل سعودي ..

للتصدير النهائي للمركبة يلزمك تراجع مصلحة الجمارك السعودية سواءً الإدارة العامة أو المنفذ البري المراد تصدير السيارة منه و تستخرج شهادة تصدير مركبة خارج المملكة العربية السعودية بتعبئة الطلب الموجود و اللازم لذلك لاستخراج ورقة الشهادة الجمركية و فسح التصدير للمركبة ..

لتنفيذ الخطوات السابقة توجه إلى أقرب مركز مرور في المنطقة اللي اشتريت منها السيارة و اتبع الإجراءات الأولية للمبايعة ثم نفذ إجراءات التصدير ..

بالتوفيق و الله يسهل أمرك ..

[Mr_6r]

جزاكم الله خير وبيض الله وجيهكم على المعلومه الوافيه ولا هنتو