التطعيس بسيارة سيدان.. سمعت به من قبل؟

[بدون عضويه]

السلام عليكم .

اخواني اعضاء هذا المنتدى سمعت وشفت قبل فترة سيارات سيدان تطعس والي شفته بعيني كامري 2001

بمناسبة ان ما عندي حاليا سيارة مناسبة غير كامري 2002 قلت خلني اجرب وتجربه طلعت نص فاشلة

(غرزت هم نسمت الكفر هم حاولت اطلع هم غرزت زياده
ونفخت الكفر وطلعت كيف تجي ذي ؟؟)

زبدة الموضوع ان 60 بالمية على مهارت السائق,, وانا ماني من اهل المناطق الصحراوية وخبراتي قليلة تعرفون اي معلومة منكم تفيدني لا هنتم


واخيرا . هل يختلف طعس عن طعس في منطقتين مختلفه من ناحية الاعاقة في المشي والكثافه ولا
لان في الغربية اغلبهم يروحون الكبري الميت وهو تقول كنه غبار متجمع


وشكرا لكم مقدما

[بدون عضويه]

لرفع ......

[أبوغيث 2003]

لرفع ......


:)



http://www.youtube.com/watch?v=v7NGaCd6Ndc

[الهاجري 4800]

اخوي السلام عليكم

بعض الجيوب تغرز في اماكن مافيها رمل كثيف ومع ذالك تلقاه مغرز وهي من السواق وبعضهم تلقى معه سيدان ويطعس ولا يغرز


خذها مني 75% من السواق
25 % من السيارة


يعني في الصحراء بشكل عام سواء بجيب او سيدان يعتمد اعتماد كبير بعد الله على السواق

وبخصوص سوالك هل هنالك رمل يختلف عن الاخر الجواب نعم فيه رمل كانه بودرة وفيه رملة قوية وفيه رملة ناعمه والسوافي الي يمين ويسار الردميه ((مطينه)) هذا انتبة منه اذا بتنزل من ردمية وفيه رمل ادعس لانه خفيف ويبلع موترك

وفيه رملة نسميها مجحشه المواتر هذي تبلع الموتر بدون احم ولا دستور يعني وانت مااشي يغطس موترك بدون ما تدعس بريك وهذي اخطر رملة ودايم تلقاها في المحاوي يعني تحت القص واحيان فوقة عموما انت يبيلك تغرز وتغرز وتغرز لين تفهم الرمل وتعرف من لونه ومن شكلة


تحياتي لك

[بدون عضويه]

:)





http://www.youtube.com/watch?v=v7NGaCd6Ndc

ما شاء الله تبارك الله :Dهي علمني كيف وزنيت الهواء ب الكفر ؟؟

[بدون عضويه]

اخوي السلام عليكم

بعض الجيوب تغرز في اماكن مافيها رمل كثيف ومع ذالك تلقاه مغرز وهي من السواق وبعضهم تلقى معه سيدان ويطعس ولا يغرز


خذها مني 75% من السواق
25 % من السيارة


يعني في الصحراء بشكل عام سواء بجيب او سيدان يعتمد اعتماد كبير بعد الله على السواق

وبخصوص سوالك هل هنالك رمل يختلف عن الاخر الجواب نعم فيه رمل كانه بودرة وفيه رملة قوية وفيه رملة ناعمه والسوافي الي يمين ويسار الردميه ((مطينه)) هذا انتبة منه اذا بتنزل من ردمية وفيه رمل ادعس لانه خفيف ويبلع موترك

وفيه رملة نسميها مجحشه المواتر هذي تبلع الموتر بدون احم ولا دستور يعني وانت مااشي يغطس موترك بدون ما تدعس بريك وهذي اخطر رملة ودايم تلقاها في المحاوي يعني تحت القص واحيان فوقة عموما انت يبيلك تغرز وتغرز وتغرز لين تفهم الرمل وتعرف من لونه ومن شكلة


تحياتي لك


الله يسلمك على الرد وفيت وكفيت بس اخر سوال عن الهوا اخليه منسم ولا لا غرزت انسمه؟

[أبوغيث 2003]

بالنسبة لسيارات السيدان

أكيد الأفضل إنك تنسم وتخلي الهواء على 10 قبل ما تدخل بالرمل

[وجعين]

هلا بخوي انا اقول 90 بلميه لسواق وخذاها من واحد من طلع على الدنيا وهو يطعس وبنسبه انك تقول اني غرزت ثم نسمت وغرزت ازياده ثم عبيت الكفر وطلعت يعني تبي تفسير للموضوع تفسيره بسيط جدا هي يوم انك نسمت للموتر نزل زياده وحك بطن الموتر بتراب وكذا مافيه امل يطلع ثم عبيته ثانيه ورتفع الموتر عن التراب وطلع

[ابوناصر التميمي]

http://www.youtube.com/watch?v=Rg27fJmRVSo


شف طول التطعس :)

[بدون عضويه]

http://www.youtube.com/watch?v=Rg27fJmRVSo


شف طول التطعس :)
ما شاء الله تبارك الله

[بدون عضويه]

العلم ب التعلم ووفيتم وكفيتم واي اضافات ارصها مع المعلومات ذي لاني بطبق الكلام ذا

[الهاجري 4800]

الله يسلمك على الرد وفيت وكفيت بس اخر سوال عن الهوا اخليه منسم ولا لا غرزت انسمه؟


تخيل انك تمشي ولقيت مطبه قدامك وش راح تسوي؟؟؟ طبيعي راح تهدي صح؟؟ طيب وش رايك بالي شاف المطبه قدامه واكلها وبعدين هدى!!! مافهمت صح؟

بالظبط هذا نفس الي يدخل الرمل ولاينسم الهواء الا لين يغرز وبعدها ينسم وفيه احتمال تطلع السياره واحتمال لا لان حط في بالك اذا دق بطن الموتر في الرمل ما يطلع الا بسحب او الله يعينك تحفر لبطن الموتر

شوف يالغالي اي سيارة في العالم وش ما كانت السيارة اذا دخلت البر ولا نسمت الهواء بتغرز

لكن نسم الهواء 10 ولازم يكون معك ماطور هواء وانبسط بس لازم تنتبه للرمل لان فيه اماكن حتى لو انك منسم ما ينفع معها الا انك تتصرف بشكل احترافي يعني لاتدعس بشكل كبير تخلي الكفر يدور ولاتهدي هذي الطريقة انت تلقائيا راح تتعلمها اذا دخلت البر وصارت لك مواقف وفهمت الصحراء


تحياتي لك

[الهاجري 4800]

العلم ب التعلم ووفيتم وكفيتم واي اضافات ارصها مع المعلومات ذي لاني بطبق الكلام ذا


قبل التطبيق حبيت اوضح شي اذا انت جديد على البر والطلعات لاتدخل للبر لحالك وخلك قريب من الشارع والمدينه لين تتعلم وتحترف والاحتراف المقصود هو انك تكون فاهم في البر ومعك جميع ادوات السلامة مثل واير السحب وجهاز ملاحة ((قارمن)) ولاتنسى الماء ولاتدخل البر الا معك مجموعات ومعك جهاز مراسله يعني تتخذ كافة الاحتياطات واي معلومة تبيها انا حاضر

[الهاجري 4800]

واذا تبي شوري؟؟ لاتطعس بالكامري انا اقول نسمها ولا راح تغرز ان شاء الله ولكن نصيحة اخ لخوة بتعور موترك وبتكسرة لانك السيدان مو مثل الجيب

[بدون عضويه]

ما قصرتو الله يسلمكم ماهي غريبه على اعضاء هذا المنتدى

[Salamah.y]

ياخي وش لك بالطلآيب , تطعس بكآمري ؟!
خذ لك دباب و كسر أبوه تكسير بالتطعيس
و الا ددسن قديمه بـ 5 آلاف ريال , كسرها تكسير
اما كامري , و سيارتك الاستخدام اليومي
يبي لك بعد كل مشوآر ورشة تربيط , هذا اذا سلمت المقصات و الركب

,

الله يكفيك شرهآ
@~

[ذيب زلفاوي]

ياخي وش لك بالطلآيب , تطعس بكآمري ؟!
خذ لك دباب و كسر أبوه تكسير بالتطعيس
و الا ددسن قديمه بـ 5 آلاف ريال , كسرها تكسير
اما كامري , و سيارتك الاستخدام اليومي
يبي لك بعد كل مشوآر ورشة تربيط , هذا اذا سلمت المقصات و الركب

,

الله يكفيك شرهآ
@~
:good2::good2::good2::good::good::good:

[عبدالله الغربي]

العقل يقول ما معك سيارة بدبل لا تدخل النفود نهائيا

[BLA6K]

المسألة ماهي مسألة ( تغريز )
لكن صدقني أكثر شيء يبي يخرب عليك ( العكوس ) و ( الديتر يهرب )
أما اذا كنت تبي تدخل تتمشى وتكشت فأقول لك توكل على الله

[بدون عضويه]

اني شكلي مبطل من يوم قريت كلامكم لاكن زبدة الموضوع اكتساب خبرة وترى يوم اقول اطعس ما اقصد مثل ما يسوون ب الجيوب الفكرة اني ابغى اوصل للمكان المناسب وكشت فيه واطلع منه سالم بدون تغريز

[شاووش]

والله اذا انت بايع موترك نسم وطعس ويمشي الحال

[/البردية /]

والله نصيحة لك طق لك ددسن مثل ما قال الاخ Salamah.y (http://www.mekshat.com/vb/member.php?u=205301) بـــــ5 الف وركب عليه هدرز وفلتر تقريبا ما يكلف التعديل إلا اقل من الف والعن والدينه لعن وخلى سيارتك لك ومثل ما قال الشباب المقصات والعكوس تبي تروح عليك