الددسن الياباني التايلندي المكسيكي

[.أبوعبدالرحمن]

بسم الله الرحمن الرحيم


يعطيكم العافية جميعا


في الآونة الأخيرة ظهرت لنا عدة صناعات للددسن ( الياباني - التايلندي - المكسيكي )


ولكن لم نسمع عنها أو قرأنا عن مشاكلها أو الفروق التي حصلت بين تلك الصناعات


فأرجو من لديه الخبره بأن ينيرنا بما لمسه من خلال تجربه أو خبره أو استنتاج من بين تلك

الصناعات المختلفة من عيوب أو مميزات أو تنبيهات


خصوصا كنا نرى مبيعات الددسن مرت بهدوء غريب وعجيب في عام 2010 و 2011 و 2012


ومن ثم وجدنا الانتشار بدأ يعود والمبيعات بدأت تزداد في الاونة الاخيرة خصوصا الددسن 2012 خليجي

و 2013 سعودي وخليجي



أترك لكم التعليق والإدلاء

[sgl2002]

اما الخليجي فانتشرت بشكل قوي وانا اشوف انها افضل من السعودي لان سعرها رخيص وتجي مكيف وطاره هواء وقزاز كهرب وهي الحاجات المهمه والباقي مواصفات السياحي


وثاني شي وهذي وجهة نظر ان ظاهرة ( الدرباوية _ جمع درباوي ) وهم حقين التخميس وتفجير الكفرات هم احد اسباب انتشار الددسن الخليجي لوجود الخط عليها وبعض المواصفات اللي تهم كل درباوي

[.أبوعبدالرحمن]

بس الله يهديهم ذا الدرباوية يغيروون الالوان ويعدلون فيها ويطرحونها من قدام


وكذلك أعتقد أنه ما همهم صناعة السيارة


فأرجو من لديه العلم أن يفيدنا

[( شميريخ )]

فرق بسيط بينهن الددسن التايلندي يجيك صدامها الي ورى ماهو عريض مثل المكسيكي والخليجيات
والياباني يفرق عن التايلندي انه المفتاح الباب بارز ماهو مثل التايندي مسح مع البدي وصداممها بدون ربل مع جوانبه

هذي الفروق الي اعرف .

[.أبوعبدالرحمن]

فرق بسيط بينهن الددسن التايلندي يجيك صدامها الي ورى ماهو عريض مثل المكسيكي والخليجيات
والياباني يفرق عن التايلندي انه المفتاح الباب بارز ماهو مثل التايندي مسح مع البدي وصداممها بدون ربل مع جوانبه

هذي الفروق الي اعرف .



بارك الله فيك أخوي الغالي وهذه الفروق الخارجية


ولكن الفروق الميكانيكية والكهربائية ؟

[((ابوملاك))]

طيب يا جماعة الخير وش وضع الددسن تجميع صيني لقيت بحائل ددسن ٢٠١٣ ب٤٠.٠٠٠ جديده بس يقول تجميع صيني لا تايلندي ولا مكسيكي

[سيف وقلم]

طيب يا جماعة الخير وش وضع الددسن تجميع صيني لقيت بحائل ددسن ٢٠١٣ ب٤٠.٠٠٠ جديده بس يقول تجميع صيني لا تايلندي ولا مكسيكي


http://www.mekshat.com/vb/showthread.php?t=514935

[الشهابة]

ايه موجود الددسن الصيني وكيله شركة الرسام و الثنيان في الرياض و فرعهم على طريق خريص .. ( ددسن مزور ) !!!

[.أبوعبدالرحمن]

الله يعين وصار صيني


نيسان بدأت في الدحدره وحنا كنا متحزمين فيها وبدينا نكره تايوتا بسبب هالحركات


عطونا العلم يا أهل الخبرة في الدداسن

[المنيعي1]

الله يعين وصار صيني




نيسان بدأت في الدحدره وحنا كنا متحزمين فيها وبدينا نكره تايوتا بسبب هالحركات




عطونا العلم يا أهل الخبرة في الدداسن

هذي شركة صينية ماله علاقة بنيسان
أخذين بدي ددسن ومرهمين عليه مثل التقليد على الهايلكس .

[((ابوملاك))]

لا يا رجل اعرف شكل هذي

ددسن ددسن شكل ددسن خط ددسن بس انه صيني وشكل ٢٠١٣ بعد

[.أبوعبدالرحمن]

اليوم الصباح رحت لمعارض الشفا لقيت الددسن 2012 خليجي بـ 66 ألف ريال فل كامل

والمفاجأة لقيت ددسن 2009 جديد أصفار أستاندر مكيف وطاره هوا وأقفال وقزاز عايدي

بـ 85 ألف ريال !!!!!!!!!! والله شيء عجيب

فقلت له ليش سعر 2009 أغلى من 2012 ؟

قال 2009 ياباني و 2012 تايلندي

[لهذام]

الياباني ماسك سعره بالسوق المستعمل
والرغبه فيه اكثر من التايلندي
احد الزملاء قبل شهرين اشترى ددسن ٢٠٠٥ دبل ماشي ميتين الف ب٤٣ غمارتين

[.أبوعبدالرحمن]

الياباني طاير في السماء أحلين


لكن هل هناك فروق في المكانيكا والجودة ؟؟


سؤال لم أجد له جواب حتى الان

[FAHAD1000]

الددسن ...


من 2009 وتحت ياباني (الغمارتين)
من 2011 وتحت ياباني (غماره)

الى 2012 (السعودي) تايلندي
2013 الخليجي مكسيكي

الفرق بين الياباني والتايلندي

الدفرنش , مسكات الباب , الباب الخلفي شعار نيسان (ستكر)

المكسيكي مالي علم عنه... !

الفرق بين الخليجي والسعودي

الدفرنش ..
السعودي 10 ريش
الخليجي 8 ريش

وجود خطوط للخليجي السعودي بدون خطوط




هذا اللي عندي وسلامتكم...

[أبو تميم 506]

الددسن الصيني على حسب ماسمعت ان المكينة والقير حقت ددسن .
الامر الثاني : الفرق بين الددسن الياباني والتايلندي والمكسيكي ان الياباني بخلاف التايلندي اللي بيبانه تقرقع عيب مصنعي . التايلندي يحن تمشي 140 الظغط على 4 بخلاف المكسيكي يمد يعني زين فالخطوط لانه مايحن بسرعه لاكن بالنفود ردي بخلاف التايلندي . الددسن الدفرنسين الياباني من 2009 وتحت يجي عداد واحد وبدون شناكير للحوض . بخلاف التايلندي والمكسيكي فيها عدادين ظغط وسعره و شناكير للحوض الغريب ان رقبة الدركسون فالدفرنسين ثابته ماترقى وتنزل . استخدمت انا التايلندي الصراحة انه موتر ماشاء الله تبارك الله بالنسبة لسعره يستاهل واكثر . عذرا على الاطاله احببت الافاده

[FAHAD1000]

الددسن الصيني على حسب ماسمعت ان المكينة والقير حقت ددسن .
الامر الثاني : الفرق بين الددسن الياباني والتايلندي والمكسيكي ان الياباني بخلاف التايلندي اللي بيبانه تقرقع عيب مصنعي . التايلندي يحن تمشي 140 الظغط على 4 بخلاف المكسيكي يمد يعني زين فالخطوط لانه مايحن بسرعه لاكن بالنفود ردي بخلاف التايلندي . الددسن الدفرنسين الياباني من 2009 وتحت يجي عداد واحد وبدون شناكير للحوض . بخلاف التايلندي والمكسيكي فيها عدادين ظغط وسعره و شناكير للحوض الغريب ان رقبة الدركسون فالدفرنسين ثابته ماترقى وتنزل . استخدمت انا التايلندي الصراحة انه موتر ماشاء الله تبارك الله بالنسبة لسعره يستاهل واكثر . عذرا على الاطاله احببت الافاده

عدادات الضغط تجي في فئة الـ GL-E وفوق للسعودي
اما الخليجي فاتوقع يجي في الـ GL

اما بالنسبه لقولك ان التايلندي يمشي 140 العداد على 4 هذا يرجع للدفرنش
والشناكر موجوده بجميع الدداسن

[راعي الشاخوفه]

والله ضيعونا الله يذكر الياباني بالخير

[.أبوعبدالرحمن]

ما شاء الله تبارك الله عليكم


الحمدلله بدينا نستفيد ألحين ،، يالله يا شباب أعطونا كذلك الفروقات

في الجودة الميكانيكية وفي جودة البدي والقطع الاستهلاكية

[H_S_L_T]

الموصفات الخلجية : قطري كويتي امارتي كلها سيئة ماعاد العمانية
المواصفات السعودية : افضل مواصفات

مافيه فرق واضح بين المكسيكي والتايلندي غير مساكت الباب
السعودي العيسى بدا يجيب دادسن انا شفت ددسن عليها شعاره
انا افضل ان الددسن دفرنس 2004
اما اللي جي ال اي وبدون مرايا كهرب ابتعدو عنها لان مافيه زر اقفال الحبات من داخل مافيها ريموت

[مطارد مطر]

يعطيكم الف عافية مشكووووور

[أبو تميم 506]

عدادات الضغط تجي في فئة الـ GL-E وفوق للسعودي
اما الخليجي فاتوقع يجي في الـ GL

اما بالنسبه لقولك ان التايلندي يمشي 140 العداد على 4 هذا يرجع للدفرنش
والشناكر موجوده بجميع الدداسن




اخوي مقصدي فالعدادين والشناكير للدفرنسين الله يرعاك

[FAHAD1000]

يالربع الدفرنش ابو 8 ريش هو نفسه حق 2004
وهو اللي مركب على الخليجي الحين
اما ابو 10 ريش هو الللي على السعودي المديلات الجديده

،،،،،
اخوي ابو تميم مالي اي علم بالدفرنيشن

وفقكم الله

[.أبوعبدالرحمن]

مشكورين على المشاركات

أغلب الردود تكلمت عن المظهر الداخلي للسيارة و بعض المواصفات الداخلية

( الشناكير ومسكات الابواب زر الاقفال والعدادين و غيره )

لكن هل هناك فيه فرق في جودة القطع الميكانيكية ؟

والكهربائية ؟

[كاره الفورد]

مالي علم فالددسن

لكن لي علم فالصناعه المكسيكيه وجودتها ممتازه جدا

بعض سيارات فورد صناعتها مكسيكيه مثل الفيوجن

ايضا المكسيك تدخلت في صناعة قطع سيارات فورد قد فتحت باب سيارتي وصناعتها امريكيه

تفاجئت انه الدينمو حق القزاز صناعته مكسيكي رغم انه سيارتي صناعتها امريكيه !!!

لذلك اعتقد جودة الصناعه المكسيكيه افضل من التايلنديه

[.أبوعبدالرحمن]

مالي علم فالددسن

لكن لي علم فالصناعه المكسيكيه وجودتها ممتازه جدا

بعض سيارات فورد صناعتها مكسيكيه مثل الفيوجن

ايضا المكسيك تدخلت في صناعة قطع سيارات فورد قد فتحت باب سيارتي وصناعتها امريكيه

تفاجئت انه الدينمو حق القزاز صناعته مكسيكي رغم انه سيارتي صناعتها امريكيه !!!

لذلك اعتقد جودة الصناعه المكسيكيه افضل من التايلنديه


بارك الله فيك معلومة حلوة و مفيدة


في انتظار البقية

[واطي الجمرة]

طبيعي ان يكون هناك اقبال للشراء لان سعره مناسب جدا خصوصا المكسيكي
خذنا واحد مديل2012 اصفار طاره هوا قزاز كهرب 60500 ريال
والهلي وصلت 100 الف

[محتار نجد]

الددسن الان بدأ سمعتها في النزول
والسبب الهايلوكس سحب الزياين بالجوده علما انه صناعه
تايلندي من 2006

[.أبوعبدالرحمن]

شاكر لكم جميعا

ولزال التساؤل قائم عن جودة القطع الميكانيكية والكهربائية

[أبو تميم 506]

الددسن قطعه يبانية والمصنع هو اللي في تايلند او المكسيك والدليل ان القطع هي نفسها من 2006 وطالع وهذا.اذا رحت اشتري آخذ من 2006 وطالع

[.أبوعبدالرحمن]

إضافة مهمة أخوي أبوتميم وفعلا صدقت

شكرا لك


وفي انتظار البقية

[الطوووفان]

ياشباب ايش عيوب ددسن 2013 ؟؟
وايـش أفضل التايلندي أو المكسيكي ؟؟

[الطوووفان]

الموضوع مُتابع وأول موضوع طلع عندي في محرك البحث رجاءاً الي يعرف أو جرب موديل 2013 يفيدنا
وايـش أفضل التايلندي أو المكسيكي ؟؟

[عاشق البسمه]

خوذو العلم
تجربتي الشخصية وعشقي القديم لهذه السيارة... لا يجعلني استمر بهذا الشي وذلك بعد استخدام المكسيكي2013 الذي هو في الحقيقة جعلت سمعت السيارة تصغر في عيني وذلك من عدة عيوب وااااضحة لمن جرب هذه السيارة من اول مرة واليكم العيوب ع سبيل المثال لا الحصر
1- صوت قرررة تأتي من امام الطبلون عند الضغط ع دواسة البنزين
2- عداد الضغط وحنة السيارة ع سرعة120 تصل قرابة 3 والربع ممايجعل السيارة في الخطوط سيئة للغاية
3- عطل المكيف مع ان السيارة لم تتجاوز ممشى 3000 كلم فقط!!!
وفي رأيي ان هذه الاشياء كشفت ردائة التصنيع المكسيكي وجودة الصناعة اليابنية...
وان سلمنا جدلا ان هذه العيوب قد تتطرأ ع أي سيارة جديدة... فأنا في رأيي ان العيب رقم2 هو اكبر عيب في السيارة

احببت المشاركة معكم في هذا الموضوع المهم... ولست بافضلكم
والله ولي التوفيق

[الطوووفان]

خوذو العلم
تجربتي الشخصية وعشقي القديم لهذه السيارة... لا يجعلني استمر بهذا الشي وذلك بعد استخدام المكسيكي2013 الذي هو في الحقيقة جعلت سمعت السيارة تصغر في عيني وذلك من عدة عيوب وااااضحة لمن جرب هذه السيارة من اول مرة واليكم العيوب ع سبيل المثال لا الحصر
1- صوت قرررة تأتي من امام الطبلون عند الضغط ع دواسة البنزين
2- عداد الضغط وحنة السيارة ع سرعة120 تصل قرابة 3 والربع ممايجعل السيارة في الخطوط سيئة للغاية
3- عطل المكيف مع ان السيارة لم تتجاوز ممشى 3000 كلم فقط!!!
وفي رأيي ان هذه الاشياء كشفت ردائة التصنيع المكسيكي وجودة الصناعة اليابنية...
وان سلمنا جدلا ان هذه العيوب قد تتطرأ ع أي سيارة جديدة... فأنا في رأيي ان العيب رقم2 هو اكبر عيب في السيارة

احببت المشاركة معكم في هذا الموضوع المهم... ولست بافضلكم
والله ولي التوفيق


الله يجزاك خير أخــــوي

وبيض الله وجهك ومابعد كلام المجرب كلام :good2: أفدتنا في المكسيكي وأتمنى أن تفيدنا أو يفيدنا الأخوان في التايلندي

شكراً عاشق البسمه وأسأل الله أن يديم البسمه علينا وعليك وعلى جميع المسلمين

[عقووول]

يالربع انا مبطي عن الددسن

بس بقولكم خبرتي واللي اعرفها

كان معي ددسن من شركة وكان موديلة 2008

او 2009

موتر متكسر بس عجبني من ناحية وحدة

وضاق خاطري من الناحية الثنية

العزم ماشاء الله عليه خفيف

ومهما تحمل تحس نفسة خفيفه مايتاثر في الحموله

بس الله يعينك على حنة المكينة

وهذا اللي معجبني راسك يصدع من صوت المكينه

وانا انصح والله بالنفارا فيها راحه تقول كامري للقدام

و6 نمر واقوى

بس اخذوا العادي

التماتيك ماينفع

والله نصيحه ولا انا ماراح استفيد
شي

سلعه مجربها واذكرها لكم

[.أبوعبدالرحمن]

أشكركم على الاهتمام في الردود

وإن كان هناك مزيد أرجو ألا تبخلوا علينا بمعلوماتكم

[طير آلفلآء]

انا في المعارض امس لقيت
الددسن المكسيكي ب 57 غمارتين
والغماره ب 56
معقوله فرق الف ريال بس
ياخي تحس ان فيها بلا بس ما سمعنا احد يذمها

[سوبر3]

الداتسون الياباني كد ومد أم المكسيكي والتايلندي لاأعلم عنه
ولكن أنا انصح بامتلاك شيخة البيك أب من واقع التجربة نافارا تجمع بين المتانة وقوة العزم وراحة الممشى وسعة الغمارة وقوتها في التحميل

[هب الشمالي]

انا معي ددسن 2012 خليجية تايلندية .... في واحد من الاخوان الي ردوا على الموضوع قال الفرق بينها وبين اليابانية مساكات البيبان الامامية وهي بالفعل صح مختلفات ... وانا انصح بالياباني وهو الجيد...

[Al Rasee]

خلاصه الموضوع بعد اطلاعي عليه ان الددسن الان سيارة لاتفي بالغرض اذا منتب شاري هايلوكس خذلك ونيت مستوبيشي افضل من الدقسن

[تركي7921]

ما اعلم عن الددسسن الجديدة بس كانت معي 2004 لعبت فيني بنقص الزيت وكرهت الدداسن من بعدها

[مافيه]

اللي يقراء الردود مع احترامي للاعضاء يقول الددسن اطيب موتر تراه يعتبر اكسنت الوانيتات ((موتر اقتصادي بحت))

من عرفت الددسن وهو مافيه شي سليم ويمشي صح من موديل 98 فيه مشكلة اذا كسرت الطاره يطلع صوت من العكس (هاذي المشكله في كل الدداسن من مديل 98 الى 2013)
غير هاذي المشكله عزمه يدبل الكبد ويرفع الضغط والموتر يحن من عرفت الدداسن كلها (نصيحه جرب الكلبليتر وتعرف النعمه اللي انت عايش فيها ياراعي البخاخ خص في الددسن)
غير قرقعة التنده و البيبان و مهابد وجهه في الخط وكنداسته اللي كل مطره تنكسر وتروح تلحمها ب10 وماصورة الفرامل الا ماتمر السنه الا وهي منفجره عليك وتروح تغيرها ب 120
ميزة الددسن الوحيده شعبيته بين الناس تعودت عليه ورخص قيمته في الوقت الحالي و رخص قطع غياره بشكل خيالي طبيعي تاخذ لك وجهيه كامله ماتكلف عليك 600ريال شغل تجاري والميزه الثانيه ادق التحيه لشركة نيسان على مكيف الددسن

زبدة الموضوع اعطيكم اياها الموتر مايختلف كثير عن الياباني بحكم موتري الاول 2003 سوبر
الاختلاف الوحيد اللي عرفته من رجال مجرب لمديل 2012 هو شناكير البيبان في المكسيكي الضاهر بلاستيك او عليها جلبه تتقطع بسرعه وحلها بدلها بشناكير ياباني من التشليح وهي مليانه كلها نفس الشنكار من مديل 98 الى 2009 ((الشنكار اللي اتكلم عنه هو الحديده اللي تمسك الباب ماينفتح واتوقع وصلت))
ويطلع عندك موتر طيب تشوف الشقى و الوناسه معه تقول كنه طاش ماطاش

[غازي الأول]

نبي زبدة الهرج ...؟

هل نشتري ددسن مكسيكي أو تايلاندي طبعاً اقصد وكالة

وفقكم الله

[السرحان502]

الظاهر 2013 ما يجي الا مكسيكي فقط
والغمارة افريقي

[alhrbe]

الله يكووووووووووووووووووون بالعووووووووووووون

ماكسيكي او تايلندي

نفس السؤؤؤؤؤؤؤؤؤؤؤؤؤؤؤؤؤؤؤال

[alhrbe]

وكيف الماكسيكي للي جرب

نرجووووووووووووووووووووووووووووووووو إنه يفيدنا مشكووووووووووووووووورا

والصلاة والسلام على رسول الله

[alhrbe]

للرفــــــــــــــــــــــــــــــــــــــــــــــ ــــــــــــــــــــــــــــع

[alhrbe]

ما في احد جرب 2013 مكسيكي

[الماجد1]

كلها زي بعض لاكن اللي يفرق بها مكان التصنيع وبعض التعديلات التي لاتكاد تذكر مثلاً ربلات جانبيه شكل الصدام الخلفي المرايا
وانصحكم من اراد ان يشتري الددسن العراوي دور الرخيص وخذه خلك من كلام الشريطيه والمعارض كل واحد يبي يمشي السلعه اللي عنده ويسب السلعه اللي ماهي عنده واكرررر من اراد ان يشتري طب المعارض وسعر وأشتر الارخص سعر فكلها واحد

[الماجد1]

وكيف الماكسيكي للي جرب

نرجووووووووووووووووووووووووووووووووو إنه يفيدنا مشكووووووووووووووووورا

والصلاة والسلام على رسول الله

عندنا بالبيت ثنتين موديل 2012وحده خليجي تايلندي والثانيه مكسيكي اللي صدامه الخلفي صدام نفارا مافيه اي فرق من ناحية الشكل والموتر حق كرف وصبور

[alhrbe]

عندنا بالبيت ثنتين موديل 2012وحده خليجي تايلندي والثانيه مكسيكي اللي صدامه الخلفي صدام نفارا مافيه اي فرق من ناحية الشكل والموتر حق كرف وصبور


مشكووووووووووووووور والله يعطيك العافية
ووفقكم الله لما يحبه ويرضاه

[كاشت في الحوش]

قريت الموضوع
واشوف بعض الناس تذم ال 2013 المكسيكي
والشهادة لله
انا الموتر له تقريبا سنه ماشفت فيه شي ولا ازين منه باستثناء عزم الددسن المعروف
اما خرابات ومكيف ومدري ايش؟؟؟
سلامات

[المنيعي1]

طيب وشلون نعرف ام دفرنس 8 ريش الي هو مريح
انا ابي اشري جديد اسائل المعارض يقولون كله واحد
هل له عﻻمة واضحه

[هايلكس مدبله]

الددسن السعودي من 12 وطالع يجي قير ودفرنش محشور وبه ونه بعد 120 (زين بالنفود شين بالخط)

اما الخليجي من 12 وطالع عكس القير والدفرنش تمد لدرجه يجيب تحت 200 (زين بالخط اضعف من المحشور بالنفود)

واخبر فيه فرق اتوقع السعودي يجي به مروحه بارزه للمكينه او شي زي كذا

وسلامتكم

[المنيعي1]

طيب انا حصلت بالمعارض خليجي ام خط وبدون ريموت قزازكهرب
وسعودي بدون خط جي ال
يعني على كﻻمك اخذ الخليجي ام خط هي الي دفرنسه مريح

[بن مبشر]

السلام عليكم ورحمة الله

حبيت اشارك بالي عندي
الوالد توه شاري له ددسن 14 سعودي خط وراد العيسى
الموتر حاشر قيره وكارونته وقطعه ياباني والتجميع (جنوب افريقيا ) لانه غماره
الغمارتين يقولون انه مكسيكي مدري عنه

انا اشوف ان الكارونه المحشوره افضل لانه ونيت سيارة تحميل

[N-Al-hebabi]

يالربع معي ددسن غمارتين ٢٠١٣ مكسيكيه ووضعها نفس الددسن اللي تعرفونها مامن فرق يذكر
صح تختلف بعض الإكسسوارات مثل فتحات المكيف الصدام الخلفي لون الصدام الأمامي كامل مع الرفارف اسود وفيبر فقط أما الباقي مامن إختلاف

[كايد]

يضل السؤال ....وش نشتري خليجي او سعودي


ارجو الرد

[أبو راشد 33]

السعودي هو الخليجي لأن العيسى سياراته تورد عن طريق نيسان الشرق الأوسط
و ليست من المصنع مباشرة كما هو حال الحمراني سابقًا لذلك حاليًا لا يوجد فرق
اشتر الارخص و اللي يناسبك

[ابو نوااف]

والله ياربعي انكم تحيرون اللي مايتحير
الرجال يبي جواب للسؤال وانتم ماقصرتوا شتتوه ماهو عارف هو يشري والا مايشري عموما
انا جديد على النيسان وأول مره بحياتي اقنيه ولاعمري جربته لا من قريب ولا من بعيد ابد ابد
شار على خوي بهالسياره ويمدح فيها ددسن غمارتين مكسيكي موديل 2015 وشهاده لله انها جازتلي مشيت عليها من المدينه لتبوك من ابدع مايمكن مرئياتي عليها
- بالنسبه للبنزين اقتصاديه روعه
- بالنسبه للاصوات ماهنا اصوات تذكر بسرعات متفاوته
- التنقيز بكل سيارات الحوض مافيها جدال
عيبها الوحيد ويحسب عليها ضياق المقاعد الخلفيه ( حشره )
بالنسبه للشكل الخارجي عادي جدا مثله مثل اي ددسن مااختلف فيه شي مايهمني انا في السياره مدى تحملها وصبرها مع الاخذ بالاعتبار صيانتها اول باول
دام الجميع بخير وعافيه

[بو خليفه]

لا فرق بينهم الخليجي والعيسى لكن الفرق السعر والضمان لا فرق بينهم لا يوجد ضمان سواء خليجي او سعودي

[الدبل الثقيل]

لا فرق بينهم الخليجي والعيسى لكن الفرق السعر والضمان لا فرق بينهم لا يوجد ضمان سواء خليجي او سعودي

كيف لايوجد ضمان للسعودي؟؟

[راعي الوايت]

تنصحونا ناخذ خليجي؟
وهل بيتغير 2016؟