رأيكم يهمني يالأجواد

[صاع ضروس]

السلام عليكم جميعاً يا أهل مكشات والعيد عليكم مبارك
إخواني الكرام أبي رأيكم وفزعتكم بخصوص تانكي الماء لليوكن 2004
انتم عارفين إن الشتاء حولنا والمكاشيت واجد ولكن أعاني من موضوع الماء ونقله
لأني بصراحة تعبت من الجراكل وغثاها والمكان اللي تشغله في السيارة
السؤال ( هل فيه إمكانية لتركيب تانكي لليوكن 2004 ؟ )
وإذا كان فيه من اللي يصلحه
أو انكم تقترحون لي حل آخر
فأنتم أهلها لا خلا ولا عدم
تحياتي للجميع

[ذيبان 2000]

تقدر تشتري جاهز من الوطني او الوادي

[صاع ضروس]

الله يعطيك العافية يا ذيبان وشرفني مرورك
بس المشكلة اللي عند الوطني او الوادي على ما اعتقد لازم استغني عن المرتبة الخلفية ( الثالثة ) وهذي مشكلة بالنسبة لي وقد فكرت في هالحل لكن ما مشى الحال
وفكرت في ان التانكي يجي أسفل الموتر لكن المشكله في الاستبنه مسنترة في الوسط وما خلت مجال :mad:

[صاع ضروس]

وينكم يا هل الخبرة والفزعات ؟
93 قراءة ورد واحد
هل يعقل أن تحير هالمشكلة العقول النيرة في مكشات ؟
او الناس معيدين ولاهين وبعدها بيتفرغون وبيعطوني الحل
هذا ما تمناه وكذلك اتوقعه:good2:

[الأحوذ]

لا تتقيد بنوع السيارة جرب أكثر من خزان بالحجم المناسب لك أو فصل ، و أعلى سعه لك ستين ، أو فوق الشبك تقدر أو خذ قلص...وفقك الله

[لامبالي]

خذ للك راويه او قربه من السنيدي اللي يجي لونها ازرق 60 لتر اعتقد اذا ماكانت اكثر حطه اخر شي في اليوكن
وتنتهي المشكله
هذا حل من عندي يحتمل الخطاء او الصواب

[صاع ضروس]

أخي ( الأحوذ ) جزاك الله خير وشاكر مرورك وشورك
لكن لابد من التقيد بنوع السيارة لأن الهدف هو وجود تانكي الماء على طول يعني كلما نويت الكشته ما يكون قدامي الا تعبئته فقط وهذا هو هدفي من طرح الموضوع ( البحث عن امكانية تركيب تانكي موية ثابت في اليوكن مثله مثل أغلب السيارات )
على العموم جزاك الله خير على مشاركتك
أخي ( لامبالي ) جزاك الله خير ورحم الله والديك على مرورك ومشاركتك بالرأي وفكرة ( الراوية الزرقا ) مفكر فيها وأعتقد بأنها أقرب الحلول الآن لكن كان خوفي منها ان تنثقب أو تتمزق من العفش وهي مليانه بعدين عينك ما تشوف الا النور
لا زلت اتمنى الحل الأمثل منكم يا أعضاء وخبراء مكشات ربي لا يحرمني منكم
وتحياتي للجميع